في منتصف الطريق

البارت الثاني عشر

مرحبا احبائي شلونكم انشاء الله لخير♥
ـــــــــــــــــــــــــــــــــــــــــــــــــــــــــــــــــــــــــــــــــــــــــ
يانجمة عالمي البعيد...
أضيئي لكي اجدكي...
جئت سائراً على قدمي...
لأرى لمعناك بعده سنين...
كيف يمكن ان تحزني مني...
اليس انا من تدعيني بل لُهبِ...
ايعقل فقدانك لي بعد الحنين...
اضيئي ارجوكِ...

لقد جئت بعد اشواكاً...
كانت عالقه امام طريقي...
الم تشتاقي لي...
وقفت استعداد تحت امركِ...
لماذا تركتني...
في منتصف الطريق...
..........................
عافني وطلع من المطبخ خجلت كللش لان اول مره هيج اسوي بس بدون قصد سويت هيج

مرن اليومين واجه يوم الأربعاء كعدت الصبح لكيت البيت تارسته الامه بعدني على ثاني بايه وصارت بوجهي ايناس

فاطمه:ايناس ايناس شكو صاير منو ذولي

ايناس:اقربائنه

عافتني وصعدت رحت للمطبخ لكيت ناس تغسل مواعين ناس تلكط خضره ناس تطبخ رحت ساعدهم شويه وللساعه بل 2 الضهر يله خلصنه شغل

صعدت فوك للغرفه طلعت الفستان وسويت شعري كعكه عاليه وسبحت بس جسمي وطلعت شعري شسورته ومسويتله شي لان هوه قصير لبست الفسات جان لونه ماروني ساده وبي لمعه يصير اطول بشوي من الركبه والردان شيفون وعليه ورود بالون الاسود ومن يم الخصر ورده صغيره سوده

حطيت مكياج خفيف ورحت لغرفة عمه هيفاء ممزوجه وعمرهه 26 سنه لكيتهم مكعدين ايناس وفرقان ويحطن مكياج

فاطمه:ماشاء الله اني شايفه الكمر واحد اشو صارن اثنين

عمه هيفاء:قصدج 3 انتي وياهن

فاطمه:تسلمين عمه

خلصن كلشي ونزلن جوه وتلكنهن النسوان بل هلاهل والجكليت والكولات كعدناهن بل صاله وشغلنه اغاني وكمنه نركص وياريت خلوني اركص كلساع صايحيني عاد ضجت وكلت على جهه اجتي عمة زوجة عمو صمد

عمه:يمه فاطمه ماتجين توزعين الماي على النسوان

فاطمه:صار عمه تدللين

رحت اخذت من يمه الكارتونه وخليته بل سله وجاي اطلع من المطبخ جان يصير بوجهي جلال باوع عليه ثواني مصدوم ودار وجهه وكام يلعن ويستغفر

جلال بعصبيه مكتومه:ستري نفسج بسرعه

فاطمه بفهاوهه:ه ها

جلال:لبسي النعال استغفر الله ربي

كمت اباوع على ضهرهه هوه ولابس الدشداشه شلون ملزوكه على جسمه تاهت علومي نفضت راسي وحطيت الماي على المجمده وركضت الغرفه بيبي ولبست شال ولكيت عبايه لبسته وطلعت

لكيته بعده واكف وعيونه حمر

فاطمه:محتاج شي

جلال:ااء احم بله دخلي جوه وشوفي اذا اكو وحده عيونه خضر وبيضه واسمه أمل