البارت الرابع عشر من روايه "قدرنا" ❤️
اسلام بعد ماروح كلم مي
مي بضحك: ايه يااخينا احنا هنبدء مكالمات من الوقتي لاحظ ان مفيش حاجه رسمي مش معني اني حكيتلك ان مفيش حد معايا هتقعد تكلمني لأ احنا بنتنا محترمين
اسلام بمرح: اشش ايه ماصدقتي اتفتحتي وبعدين بالنسبه للرسمي انا ممكن اخليها جواز علطول معنديش مانع المهم هاتي رقم اخوكي عشان اكلمه
مي بخجل: لأ جواز ايه وعلفكرة كنت بهزر ايه مش بتهزر يااستاذ معتز
اسلام بمرح: اي دا مين معتز دة وبالنسبه للهزار انا بحبه جدآ هااا
مي بمرح: دة انت ايه مابتصدق اي فرصه ياچيمي
اسلام بعصبيه خفيفه: مش معني اني عديت معتز تقولي ياچيمي لو سمحتي يامدام انا مش بحب مراتي تذكر اسامي رجاله ولا تنطق اسمهم علي لسانه غيري انا بس وممكن اخوكي وباباكي زي بعضه
مي بزعل : خلاص انا آسفه وبعدين معاذ غير دة حبيبي اما بالنسبه لبابا ف متخافش مش هتسمع اسمه كتير
اسلام حس انها زعلت فـ حب يغير الكلام: انتِ شوقتيني اني اتعرف علي اخوكي واللهّ هاتي رقمه يامدام مش هطلبه كتير
مي بمرح: اي مدام دي يااستاذ وبعدين مش هعطيك رقم معاذ غير لما اكلمه واقوله انا عشان مايزعلش مني
اسلام: طبعاً مدام اسلام مراد والله الاسم جميل بذمتك مش عاجبك
مي بخجل: بتحب تسبق الأحداث اوووي ياسُلم
اسلام: آه دي قالت ياسُلم انا مش عاوز خطوبه انا مش هقدر استحمل
مي بضحك : بعينك لسه هطلع عينك الأول وبعدين اقفل بقي لأن معاذ بيرن اهو هكلمه وبكرة هبلغك تصبح علي خير
اسلام : وانتِ من اهلي
وبالفعل قفلت معاه وكلمت معاذ
معاذ: انتِ فين يابنتي كنتي بتكلمي مين
مي: انا اهوو انت اللي مسألتش بقالك يومين وانا زعلانه
معاذ بحنيه: حقك عليا واللهّ كنت مشغول وضغط وكدة
مي: خلاص سماح بس بشرط تجبلي شوكولاته
معاذ بضحك: لسه طفله زي ماانتِ بس حاضر من عنيا
مي: تسلملي ياحبيبي افتح الكاميرا اشوفك وحشتني علفكرة
معاذ : حاضر وبالفعل فتح الكاميرا
مي: هيييه معاذ اهووو
معاذ بضحك: انا بكلم هبله ياولاد تصدقي باللهّ انتِ اللي بتطلعيني من موودي
مي: ومالوا مودك بقي يااخويا قر واعترف
معاذ: لأ سيبك مني قوليلي انتِ الغزاله بتاعتك رايقه ليه النهاردة
مي بخجل: ميزو امممم
معاذ: ميزو و امممم يبقي ف حاجه اخلصي
مي : بص هو ف واحد زميلي وسردت عليه ماحصل
معاذ بحنيه:بصي يامي شئ جميل انك تلاقي شريك حياتك وان قلبك يدق بس يكون ف حدود ياحبيبتي وياريت نقلل من الكلام الكتير لأن وقال صلى الله عليه وسلم: ألا لا يخلون رجل بامرأة إلا كان ثالثهما الشيطان" فهمتي ولو خرجتو مع بعض لازم يكون معاكِ محرم
مي: بس احنا اغلب خروجتنا بنكون ف الشغل ونطلع علي المطعم واظن ان المطعم فيه ناس
معاذ: المطعم فيه ناس فاهم بس انا اقصد ف العربيه بتركبوا مع بعض بيوصلكم عارف انك هتقولي اسلام راجل بس احنا يارجاله ساعات الشيطان وسواسه بيكون اقوي مننا ومينفعش يجيلك البيت الا ف وجودي فهمتي ياميوي
مي بحب: حاضر ياحبيبي هسمع كلامك عارف ياميزو يابختها اللي انتَ من نصيبها
معاذ بضحك: عشان بس اخوكي فـ شيفاني حلو
مي: لأ واللهّ انا بتكلم بجد عارف بالرغم كل اللي حصل وبُعد بابا الا انك عوضتني عنه ووقفتني علي رجليا من جديد بالرغم ان ممكن تسيبني عشان انا مش شقيقتك زي ماهي عملت بس انا عذراها
معاذ بحنيه: انا معملتش حاجه يامي انتِ بنتي واختي وصاحبتي ومسؤله مني لغايه اخر نفس فيا وربنا يصلح الحال وترجعوا لبعض تاني ويكملك علي خير ياعروسه واسلمك بأيدي للكوشه
مي: يارب ياحبيبي واشوفك عريس قد الدُنيا واشوف ولادك
معاذ: يارب ياحبيبتي يلا خلي اسلام يكلمني عشان اقعد واحط رجل علي رجل واتشرط
مي بضحك: ماشي ياحبيبي تصبح علي فرحه هتنام
معاذ: وانتِ من اهله هنام لأني ميت نوم
وقفلوا
**************************************
عند مالك بعد مامعاذ مشي وقفل مع مازن راح المستشفي
مالك: ايه الأخبار الدكتور بيقول فاقت وقالي حالتها
هويدا : الحمدللهّ ياابني هنعمل ايه اللهّ المنتقم
مالك: انا داخل اشوفها
هويدا هزت راسها وبالفعل دخل ليها لقي سارة نايمه بس ف دموع بتنزل حزن عليها
مالك: حاسس انك صاحيه وسمعاني بس وحياه كُل دمعه نزلت من عينك لأجبلك حقك ياسارة فوقي انتِ بس وارجعي لينا وهجبلك حقك عارفه ياسارة انا طول عُمري بعتبرك بنتي ومش هقدر اشوف بنتي قدام عيني ضعيفه انتِ قويه
سارة فتحت وبصتله وقعدت تعيط
مالك بحنيه واخدها ف حضنه: اشش اهدي ارجعي لحياتك متستسلميش انا معاكي خليكي قويه اعتبري ماحصلش حاجه
سارة : مالك متسبنيش انا محتجالك اوووي
مالك: انا عُمري ماهسيبك لأنك روحي حد بيعيش من غير روحه ياسارة
دخلت هويدا
هويدا: ربنا يباركلي فيكوا وتقوميلي بالسلامه وترجعي حياتك من تاني وتنوري بيتنا لأن البيت من غيرك مفيش فيه روح
مالك: شوفتي ياستي الست ماما طلعت الجزء الحنين اللي فيها ودة مش بيطلع لأي حد
هويدا: انا يامالك اخص عليك الله يسامحك
مالك باس جبينها : بهزر معاكي ياست الكُل قوليلها ياسارة
سارة ابتسمت
مالك: شوفي الأبتسامه الحلوة دي انا عاوزها علطول
هويدا: ايوة كدة ربنا يجعلها دايمآ علي وشك ولا اشوفك زعلانه
مالك: آمين يارب
**************************************
ف بيت الجد
ف البلد
كانوا قاعدين مع بعض وفجاءه
العم : انا عارف ان الظروف ولا المكان تسمح يامحمود بس الحاج كان ليه غرض بحاجه ومعرفش انت هتوافق ولا لأ
محمود: اتفضل ياابو احمد
العم: اطلع يااحمد اندة للجماعه فوق ينزلوا
وبالفعل ندهلهم
العم: بص يامحمود من غير مقدمات انا طالب ايد بنتك لأحمد ابني
محمود: بناتي ميغلوش علي ولادك ويوم المني بس بنتي مين
العم: خديجه
محمود: ايوة بس خديجه مش بتفكر ف الموضوع دة الوقتي لأن لسه متخرجه وهي حابه تشتغل
العم: وايه يعني محدش هيشيلها عن انها تكمل تعليمها او انها تشتغل ولا ايه يااحمد
احمد قاعد متضايق لأن اتفاجاء بالموضوع : اللي حضرتك تشوفه يابابا بس قبل اي حاجه انا عاوز اقعد مع خديجه ودة من حقي اظن
محمود: من حقك ياابني طبعآ ومن حق خديجه ان اسئلها عن رائيها ومن حقها ترفض او لأ بس عاوز اقولك حاجه يااخويا ان مهما حصل ومهما كان القرار مش هنفترق ومش عيال اللي هتفرقنا
العم: عُمرنا ماهنفترق صدقني
محمود: انت رائيك ايه يامحمد
محمد: احمد شاب محترم وملتزم واي بنت تتمناه وانا اتمناه لخديجه بس ارجع واقول لو ليهم نصيب مع بعض يبقي خلاص لأن كُل شئ قسمه ونصيب
محمود: وانتِ ياام خديجه
فيروز: احمد ابني ياحاج وميترفضش
ام احمد: بصوا ياجماعه لو فيه نصيب يبقي نخليها خطوبه وكتب كتاب
العم : اما نشوف العروسه
احمد: تسمحلي يابابا احنا مش عاوزين نتسرع
محمود: فعلآ ياابني عن اذنك ياابو احمد تعالي ياام خديجه ورايا هطلع لخديجه اعرض عليها الموضوع
ام خديجه: حاضر جايه وبالفعل راح محمود خبط علي الباب دخل لقي البنات قاعدين
محمود: الحلويين عاملين ايه
البنات : الحمدللهّ بخير
عائشه: بابا انا نجحت وبقيت ف 3 ثانوي رسمي
محمود محتضن بنته: مُبارك ياقلب بابا وان شاءالله انتِ قدها
عائشه: اللهّ يبارك فيك يابابتي هنزل اقولهم تحت بقي
محمود: ماشي ياحبيبتي محمود موجهه نظرة لخديجه:خديجه ممكن تعمليلي كوبايه شاي وتجبيها ف البلكونه
خديجه: حاضر ياحبيبي
وبالفعل عملت وراحت تعطيها
محمود: تسلم ايدك
خديجه: اللهّ يسلم قلبك يارب
محمود : بصي ياخديجه انتِ الوقتي كبرتي وفاهمه ودايماً انتِ اعقل واحدة ف اخواتك
خديجه بخوف: خير يابابا
محمود: خير ياحبيبتي بصي انا مش هغصبك علي. حاجه وان الأمر بأيدك ايه رائيك ف احمد
خديجه: احمد شاب ملتزم ومحترم ماشاء اللهّ
محمود: طيب ايه رائيك فيه لو هو هيكون زوجك المستقبلي ان شاءالله
خديجه بصدمه : ايه
***********--*************************
مازن بعد مكلم مالك عمل زي مالك ماقال له وراح حكي للمقدم زياد التحاليل المقدم زياد قاله ان موضوع اغتصاب سارة وضرب نار امبارح ممكن يكون علاقه بالتحليل وطلب منه ميبلغش اسرة خديجه غير لما يتأكدو وهو وافق
**************************************
وبكدة نكون خلصنا ياتري ايه اللي هيحصل ف الجااي؟ وياتري سارة هتكمل حياتها ولا هتستسلم؟ وياتري مالك هيعمل ايه لما يعرف وايه رد فعل خديجه؟ وياتري القدر ليه رائي تاني ولا؟ومي واسلام سعادتهم هتدوم ؟ وياتري ليه زياد قال لمازن ميعرفش اهل سارة؟ كل دة هنعرفه ف اللي جاي؟ اتمني يكون عجبكم 💙
