نوفيلا قريني 😈 بقلم الكاتبه شروق محمود ♥️

الفصل الأول 😈

البارت الاول 👽
الفصول هتبقى قصيره يا جماعه

انا بنت اسمى مروج عندى عشرين سنه فى السنه الاولى من كليه الإعلام بحب كليتى جدا وعندى ( فضول) كبير جدا وبحب أقرأ روايات رومانسيه واكشن لكن اكتر حاجه بقراها رعب بحب اعرف معلومات عن الجن كتير ونفسى اجرب واعرف ازاى بيحضروهم لكن ماما دايما منعانى من كدا ولما بتشوفنى بقرا عنهم بتتعصب عليا جداا

المهم انا ملامحى جميله اوي وملفته لاى حد يشوفنى لدرجه انى كان بيتقدم ليا عرسان وانا فى الثانوى لسه لكن ماما كانت بترفض ونسيت اقولكم بابا متوفى وانا صغيره فى المرحله الإعدادية بس معرفش مات ازاى طريقه وفاته غامضه ليا لحد دلوقت وماما مش بتحكى ليا حاجه

نرجع لمواضعنا المهم ان انا جميله جدا وجسمى جميل وأكبر من سنى وبحب ابص فى المرايه جدا وبخلينى واقفه قدام المرايه مده طويله لدرجه ان ماما كسرت المرايه كذا مره

انا كليتى فى مكان بعيد عن المحافظه بتاعتى اه نسيت اقولكم ان انا من الاسكندريه وانا كليتى فى القاهره بسافر ليها اكيد وبستغل فتره سفرى انى أقرأ روايات رعب واعرف معلومات عن الجن بجميع انواعه بس دا كله من ورا ماما طبعا

المهم انا خلصت الترم الثانى من السنه الاولى ليا فى كليه الإعلام يعنى انا دلوقت فى سنه تانيه
رجعت بلدى الاسكندريه وماما رحبت بيا وعملت ليا اكل وقعدت معاها شويه وبعدين دخلت اوضتى عشان ارتاح وغيرت هدومى ونسيت ابعد عن المرايه وبعد ما خلصت تبديل هدومى اكتشفت انى كنت قدام المرايه بس قولت عادى انا نسيت وبعد كدا قعدت على الكرسى قدام المرايه عشان اسرح شعرى وانا شعرى جميل وطويل جدا وبهتم به كتير
المهم ان انا قرأت حاجه عن القرين وكان عندى الشغف انى اجرب إللى قرأته
قرأت أن لو قعدت فى جو هادئ ومفيش صوت حاوليا وبصيت فى المرايه وركزت اوى هلاحظ ان حد بيبص ليا او لو ركزت واتكلمت هحس بقرينى
فا انا عملت كدا فعلا وطفيت نور الاوضه وخليت نور كشاف الموبايل بس إللى موجود وقعدت قدام المرايه و ركزت جدا وقولت ( لو انت موجود فعلا وحقيقة اظهر ليا او اعمل اى علامه تخلينى احس بيك )
انا لما خلصت كلامى لقيت مره واحده ....

استوووووووووووب
ياترى مروج هيحصل معاها ايه ؟؟؟؟
وياترى لو حصل حاجه ايه هى العاقبه بتاعتها ؟؟
وايه رد فعل والدتها ؟؟
هنعرف فى البارت الجاى ان شاء الله
انتظرونى فى
نوفيلا قرينى بقلمى شروق محمود 👽😈