نوفيلا قريني 😈 بقلم الكاتبه شروق محمود ♥️

الفصل الثاني 😈

البارت الثانى 👽

وقفنا البارت إللى فات لما مروج جربت ازاى تحضر الجن او القرين حواليها

قرأت أن لو قعدت فى جو هادئ ومفيش صوت حاوليا وبصيت فى المرايه وركزت اوى هلاحظ ان حد بيبص ليا او لو ركزت واتكلمت هحس بقرينى
فا انا عملت كدا فعلا وطفيت نور الاوضه وخليت نور كشاف الموبايل بس إللى موجود وقعدت قدام المرايه و ركزت جدا وقولت ( لو انت موجود فعلا وحقيقة اظهر ليا او اعمل اى علامه تخلينى احس بيك )

انا لما خلصت كلامى لقيت مره واحده نور الكشاف اتفصل ولقيت فجأه زى صوت كسور فى المرايه بس انا مش شايفه حاجه انا سامعه بس وكنت بحاول اقوم من على الكرسى بتاع المرايه بس مكنتش عارفه امشى حاسه انى متقيده رجلى مش عارفه احركها كانى اتشليت بالظبط وبعد كدا حسيت بهوا او بنفس شخص ورايا وبيشم ريحتى انا بجد كنتى مرعوبه أو اكتر من كلمه مرعوبه
مكنتش عارفه اتحرك ولا اصرخ ولا اتكلم ولا اعمل اى حاجه كنت فاقده كل حاجه
وفجاه محستش بنفسى غير وانا على سريري وماما قاعده جنبى بتمس على شعرى

الام :: مالك يا مروج فيكى ايه

مروج :: ها مش عارفه يا ماما مش عارفه

الام :: انا مره واحده لقيتك بتصرخى ودخلت لقيتك مغمى عليكى فا نديت على ابن عمك نزل من فوق وشيلناكى ومشى وانا جنبك مش ساعتها

مروج :: مفيش يا ماما اصل كان فى قطه فى الاوضه وانا خوفت زى ما انتى عارفه بخاف من القطط......هرتاح شويه

الام :: ماشى يا حببتى تصبحى على خير

مروج :: وانتى من اهل الخير.....هو ايه اللى حصل معايا دا انا مكنتش اوقع كدا ابدا بس كانت تجربه مختلفه

نرجع لكلامنا تانى بقا
بعد اليوم دا وانا محاولتش انى اجرب حاجه تانيه بس مكنش خوف منى لا عشان ماما لو عرفت او لاحظت حاجه هتزعل منى جامد وفى يوم كان عندنا شخص صاحب بابا اسمه الشيخ سعيد وبصراحه انا مش بحبه عشان لما بيجى كل شهر بيقعد يتكلم مع ماما بصوت واطى جدا وبيقول ليها حاجات وانا عارفه ومتأكدة انه عارف حاجه عن وفاه بابا
المهم اليوم إللى هو جه فيه كان قاعد مع ماما فى الصالون وانا كنت فى المطبخ بعمل ليهم شاى وانا واقفه بعمل الشاى مره واحده دخت وحسيت فى صفاره جامده فى ودنى انا مكنتش مستحمله صوتها وقعدت فى الأرض بس خمس دقايق بالظبط صوت الصفاره اختفى وكأن مفيش حاجه
خدت الشاى وطلعت ليهم عشان اقدمه وبعدين الشيخ دا قعد يسألنى اخبار مذاكرتى ايه وكدا وانا كنت برد على قد السؤال مش اكتر وهو كان باصص فى عيونى جامد جدا وانا كمان كنت بصاله ومش بحرك عينى ابدا وماما استغربت الوضع ده

الام :: ايه يا شيخنا مالك ...مروج فيها حاجه ولا ايه

الشيخ :: لا يا ام مروج.....انا هاجى ليكى بكره ان شاء الله ومعايا شويه حاجات هبقى اقولك ايه هى بكره بإذن الله