نوفيلا قريني 😈 بقلم الكاتبه شروق محمود ♥️

الفصل الثالث 😈

البارت الثالث 👽

وقفنا البارت إللى فات لما مروج لفت بضهرها للمرايه وانصدمت لما لفت وشافت خيال اسود اكتر من سواد الليل وانا انصدمت اكتر لما لقيت الخيال الاسود دا بيضحك ليا ضحكه مخيفه
مع ان لونه اسوود لكن ضحكته المخيفة باينه ليا
انا شوفت المنظر دا وبعدين محستش بنفسى بعدها غير وانا فى الصالون بين ماما وابن عمى اسمه وليد
وكان بيبصو ليا باستغراب وعلامات الخوف باينه على وشهم وانا كنت خايفه اصلا واكتر منهم كمان

وليد :: مالك يا مروج بيغمى عليكى الفتره دى كتير كدا ليه و اشمعنه لما بتدخلى الاوضه بتاعتك

مروج :: ها مش عارفه يا وليد يمكن ارهاق بس انا عايزه ادخل اوضتى ممكن

الام :: اشمعنه أوضتك يا مروج تعالى نامى معايا فى اوضتى يلاا

مروج حست بصوت بيقولها لا تدخلى اوضتك فقالت لوالدتها بصوت حاد قليلا :: لا يا ماما انا هدخل اوضتى احسن ليا واحسن ليكى

الام :: سمعت هى قالت ايه يا وليد

وليد :: بجد مروج بقت فى خطر شوفتى اصلا نبره صوتها عامله ازاى دى مش مروج اكيد

الام بدموع :: يارب استر يارب يارب احميها

وليد :: انا هبات فى اوضه الضيوف ولو حصل اى حاجه تعالى صحينى مااشى

الام :: ماشى يا بنى ربنا يخليك لينا ....تصبح على خير يا حبيبى

نرجع لحكايتنا
لما دخلت اوضتى استغربت ايه الصوت إللى سمعته دا وايه الطريقه إللى انا كلمت بيها ماما دى والصوت إللى طلع منى مش صوتى اكيد بعد كدا روحت عشان انام وفردت جسمى على السرير وروحت فى النوم لكن فى حاجه غريبه صحيتنى من نومى لقيت فيه ايد بتحسس ليا على شعرى وبحنان كمان كنت الاول بحسبها ايد ماما لكن لما بصيت على الايد لقيتها ايد راجل ولما دورت على صاحب الايد مفيش حد هى الايد بس مفيش غيرها
انا لما شوفت الايد بتحسس على شعرى ومفيش حد اصلا موجود فى الاوضه اتجننت وكالعاده مش عارفه أصرخ ولا اتحرك كأنى زى المشلوله حركتى كانت متقيده
غمضت عينى وحسيت ان فى حد ورايا ولما بصيت ملقتش حاجه غمضت عينى تانى وهديت خالص والمشكله انى مش عارفه حتى اقول قرآن او استغفر ربنا لسانى مش عارف ينطق الحاجات دى حاسه ان لسانى مربوط
بعد دا كله وبعد ما غمضت عينى مره واحده لقيت ماما بتصحينى بتقولى قومى عشان الساعه عشره الصبح استغربت جدا مش معقول كل إللى حصل دا يبقى حلم او كابوس حتى انا متاكده انه حقيقه ميه فى الميه كمان
دخلت الحمام وغسلت وشى عشان افوق شويه وجايه ابص فى المرايه لقيت ايد محطوطه على كتفي اتسمرت مكانى حقيقى ومبققتش عارفه ايه إللى بيحصل معايا دا ومش معقول دا يبقى حلم او كابوس كمان دا حقيقه اهو قدامى وحاسه بالايد والخيال إللى قدامى فى المرايه بس الخيال المرادي مش اسود اوى فيه شويه ملامح بس انا مش واضح ليا حاجه
المهم الخيال دا ابتسم ليا نفس البسمه المخيفه وبعدين شال ايده من على كتفي وحطها على وسطى بس انا اتوجعت حسيت انه دخل نار او شوك فى جسمى من جوا لدرجه انى اتوجعت وقدرت اقول اااااه المره دى ووقعت فى ارضيه الحمام
بعد شويه لقيت ماما بتخبط عليا بتسالنى انا ليه صرخت معرفش ايه إللى منعني انى مقولهاش على إللى بيحصل معايا انا قولت ليها وقعت غصب عنى بعد ما قولت ليها كدا قومت من على الأرض وبصيت على المكان إللى اتالمت منه وهو مكان الخصر بالظبط لقيت دواير حمرا فى ازرق وحطيت ايدى عليها اتوجعت اكتر لفيتها بشاش من علبه الإسعافات الأولية إللى كانت موجوده وبعدين خرجت عشان افطر مع ماما
خرجت الصالون لقيت ماما لسه بتحضر الاكل بس إللى زعجنى انى سمعت صوت قرآن شغال على التليفزيون روحت بكل قوتي و سرعتى وخلعت فيشه التليفزيون و رزعت التليفزيون بالريموت لدرجه ان الشاشه اتخدشت
ماما خرجت على الصوت وشافت التلفزيون بالشكل دا قعدت طبعا تزعق ليا فقولت ليها بكل برود ( انا عايزه اكل بعد اذنك يا ماما )
بعد الجمله دى ماما دخلت المطبخ وجابت الاكل وقعدنا على السفره ناكل مع بعض
انا كنت باكل بشراهه وكلت كتيررر جداا زياده عن العادي بتاعى اصلا وانا استغربت كدا

بعد ما خلصنا اكل وقعدت مع ماما شويه و وليد كان قاعد معانا بنشرب شاى وانا كنت متعجبه ازاى مش قاعده مع وليد اه نسيت اقولكم ان انا ووليد بنحب بعض ومقررين ننخطب بس من كام يوم وانا مش طيقاه مش عارفه ليه
المهم واحنا قاعدين سمعنا صوت الجرس فقام وليد عشان يفتح ولقينا الضيف الشيخ الرخم إللى مش بحبه دخل وقعد معانا وكالعاده نظرتى ليه كانت غريبه اوى وهو كان بيبص ليا جامد برده وكان فى عيونه نظره تحدى انا مفهمتهاش فى وقتها
انا استأذنت من ماما ادخل اوضتى بس هو طلب منى طلب غريب انا كنت كارهه انى اعمله
قالى هاتى المصحف اللى على السفره دا يا مروج انا بصيت للمصحف بطريقه عدوانيه او بمعنى اصح مكنتش عايزه ابص ليه اصلا كنت كارهه النظر ليه
رديت عليه بصوت غريب لدرجه ان ماما بصت ليا بخوف شديد وقولت ليه ( مش بجيب حاجه مش من ملتى ) بعد ما قولت الجمله دى سبتهم ودخلت الاوضه ورزعت الباب بقوه فوق قوتي
ماما و وليد كانوا فى حاله ذهول وخوف فى نفس الوقت مش خوف منى بس خوف عليا من إللى فيا ومن إللى جوايا بس الشيخ عرف هيعمل ايه معايا عشان كدا مكنش مذهول وكان متوقع الاجابه او التصرف دا منى
لكن انا لما دخلت الاوضه روحت قعدت قدام المرايه وبصيت فيها وكنت بقول كلام انا مش فاهماه كنت بحرك بوقى من غير ارادتى وبعدين صوت الصفاره لقيته فى ودانى مره تانيه بس مكنش صوت الصفاره لوحده كانت صوت كلام غريب وكأنه طلاسم ايوا كان صوت طلاسم فعلا انا ليه بقول كدا انا بنهار ومع كل كلمه بسمعها من الطلاسم دى كان جسمى سخن سخن اوى كمان ومكان الجرح إللى فى وسطى بيكبر الدواير بتكبر لدرجه انى خوفت
بعد شويه كل حاجه سكتت وكل حاجه وقفت وشليت ايدى من على ودانى وبصيت فى المرايه لقيت حاجه غريبه عمرى ما كنت اتخيلها

استووووووووووووب
ياترى مروج شافت ايه ؟؟؟؟
وياترى كدا هى فى مرحله خطيره ؟؟؟
وايه إللى الشيخ هيعمله ؟؟؟
هنعرف دا كله فى الفصول الجايه ان شاء الله
انتظرونى فى
نوفيلا قرينى بقلمى شروق محمود 😈