💕أنت قلبي٢💕

الحلقة ٦٣

#انت_قلبي٢
#بوسي_مصطفى
______________
الحلقة ٦٣

اسر راجع البيت يدخل يلاقي مليكة نايمه نايمه..
يخبط ويدخل غرفة المعيشة.
ويقرب منها..
اسر : مليكة.. ملوكه اطلعي نامي في اوضتك يا حبيبتي.
بتتقلب ومازالت نايمه..
اسر بيرجع شعرها ل الخلف وبيطبع قبله على جبينها.
اسر : عاوزاني اشيلك بقى و انيمك في سريرك زي زمان ؟؟
قومي بقى انتي مبقتيش صغيرة.
مليكه بتبعد يد اسر عنها.
اسر بيحمل مليكة وخارج من الغرفة.
مليكة تفتح عينها وبدهشه : بابي!
اسر : اعمل ايه مش عايزة تقومي قولت اطلعلك اوضتك حتى لو شيلتك كده هيله بيلا
وطلعتك بالعافية.
مليكة بخجل : طب ممكن بس حضرتك تنزلني انا مش صغيرة.
ينزلها اسر ويقعد يستريح.
ومليكة لسه واقفه مكانها.
اسر : تعالي يا ملوكة اقعدي جنبي.
مليكة مازالت واقفه في مكانها.
اسر : انا عارف إنك زعلانه مني.
بس انا كمان ليه عتاب عليكي.
مليكة بتبكي..
اسر : طب تعالي وبطلي شغل العيال ده..
جات مليكة وترميت في حضن اسر..
اسر : اه يا قلبي.
مليكة : سوري يا بابي.
اسر : لا انا كويس بس قلبي حاسس إنه هو اللي بيتحضن.
اقعدي بقى علشان نتكلم.
مليكة : بابي انا...
يقاطعها اسر : مليكة حبيبتي انتي شيفاني إني أب وحش؟
مليكة : لأ يا بابي.. وعارفه إن حضرتك زعلان مني وليك حق
بس كمان الموضوع كان أكبر بكتير من الجمله اللي قولتها ل ملك.
اسر : و ايه هو الموضوع دا بقى؟
مليكة : بابي ملك مبقتش تحب مامي وبتقول كلام كتير اوي محصلش هي مش قاصده تكذب بس حد قال ليها كلام محصلش.
زي ان مامي هي سبب انفصالك عن مامتها .
وكمان إن مامي اخدت ملك وعلي وكانت قاصده تبعدهم عنها.
وإن مامي اللي اعترضتها وهي كانت بتدافع عن نفسها.
وإن مامي افترت عليها وهي اتظلمت وكلام كتير وبصراحه كانت بتتكلم ب اسلوب متعودتوش منها وغصب عني طلع الكلام دا مني ليها.
بس وقتها كنت خلاص مش قادرة.. وخصوصاً إني كنت شاهدة على حاجات كتير من االي بتقولها دي ومحصلش اللي قالت عليه دا خالص.
اسر : و ايه اللي فتح الموضوع ده؟؟
مليكة : كانت عايزة تخرج ومامي دخلت علشان تتكلم معاها.
اتعصبت بقى وقالت الكلام دا
وعلى فكرة مامي مكانتش موافقه إني اتدخل في الموضوع واتخانقت معايا كمان.
بس أدخلت لاني لاقيت مامي اتظلمت وحبيت ادافع عنها يمكن الأسلوب مكانش كويس بس لو حضرتك موجود وقتها مكونتش كمان هتسمح ان الكلام دا يتقال.
اسر : تمام يا حبيبتي اطلعي اوضتك علشان تنامي.
مليكة : بابي.. مامي متستحقش دا ابدا.. ياريت حضرتك تحاول توقف اللي بيعمل مشاكل وعايز يكرهنا في بعض.
_____________

في شقة عمر..
ياسمينه : انت بتقول ايه يا عمر؟؟
عمر : ايه يا ياسمين قولت ايه غلط؟؟
ياسمينه : ما هو بصراحه مش وقته يعني.. بنتك لسه طالعه من تجربه مدمرها نفسياً تقوم تجيبلها عريس كمان!
عمر : واحد صاحبي كلمني وطلب ايدها ل ابنه قولت اقولك واشوف رايك ايه
ايه الغلط بقى في اللي انا قولته؟
ياسمينه : ما انا بوضح لك الصورة علشان تبقى عارف إن نادين مش بالسهوله كده هتنسى
خصوصًا بقى انت عارف إنها كانت بتحبه.
ومتقولش دا كلام فارغ وبتاع
كلنا مرينا بنفس التجربه دي.
عمر : مختلفناش بس بقول تشوفه بس.
ياسمينه : و بعد ما تشوفه ايه اللي هيحصل..
ما هو ل اما هترفضه ووقتها صاحبك مش بعيد يزعل منك لأنك دخلته بيتك ودخول الناس مش بالساهل يا حبيبي.
و لو وافقت انت وانا مش هنبقى واثقين في اختيارها ده
علشان الحالة اللي هي فيها
يعني لا انا ولا انت ولا هي هتسريح
يبقى انسى الموضوع دا دلوقت.
عمر : اللي تشوفيه يا ياسمين.
_______________
في فيلا مراد...
امل : هشام قالك جاي امتى؟
هشام : بكره الصبح شادي قال انه هو اللي هيروح المطار.
امل : انت هتنام؟
هشام ببتسامة : عايزة حاجه يا حبيبتي؟؟
امل : لا تصبح على خير.
هشام : مالك يا امل في حاجه حصلت؟؟
امل : مش عارفه اقولك ولا لأ.
هشام : خير فيه ايه؟
امل : شادي وليلى متخانفين مع بعض.
هشام بتنهيده : وبعدين في شغل العيال ده؟!
امل : انا معرفش مين فيهم غلطان.
بس بصراحه مش موافقه ليلى في إنها تروح تقعد هي و عبدالرحمن لوحدهم في الشقة
و في نفس الوقت شايفه شادي غلطان ومتهور و دبش كمان.
هشام : قالها ايه؟
امل : قال اللي قاله بقى يا هشام المهم تحاول تصلح ما بينهم.
هشام : ازاي مش مهم يا امل؟!
ما انا لما اعرف هو قالها ايه هعرف مين فيهم اللي غلطان علشان يتحاسب.
امل : يتحاسب؟؟
هشام : ايوه يتحاسب.
امل : اسأله بقى.. اقولك هاتهم وقعدهم بكره بس ابقى في نيتك انك تصلح بينهم مش عايز تعاقب اللي غلطان.
علشان هما الاتنين غلط.
هشام : تمام... حاضر.
امل : هشام وياسمين هيجوا على هنا؟؟
هشام : معرفش ابقى كلميه لما يوصل بالسلامة.
امل : وحشني اوي مشوفتوش من ليلة الفرح.
هشام ببتسامة : عقبال شادي و مراد و زينة.
امل : في حياتك يا حبيبي.
ايه رأيك اعزمهم على الغدا؟
هشام : شوفي الصح واعمليه يا امل بس انا شايف إنهم هيبقوا راجعين تعبانين ومحتاجين يروحوا يرتاحوا بلاش تحرجيهم
علشان ميجوش على نفسهم وهما تعبانين.
امل : وحشني ونفسي اشوفه وبصراحه مش هقدر استنى ل تاني يوم علشان اروحلهم أو هما يجوا..كلها هتبقى نص ساعة نطمن عليهم وبعدها يرجعوا يرتاحوا زي ما هما عايزين.
هشام : خلاص كلميه بس قوليله لو تعبان أو ياسمين تعبانه متجيش.
امل : هو اصلا مش هيقدر يستنى ل تاني يوم هيجي لوحده علشان يشوف اخواته..
هشام : عارفه بفكر فيه ايه دلوقت؟
امل : في ايه؟
هشام : في احفادنا ههههههههههههه
هتبقى تيته يا امل..
امل : بإذن الله.
هشام : طيب تصبحي على خير.
ههههههههههههه
امل : عارف يا هشام أنا مش حاسه نفسي اني كبرت اوي كده
لسه جوايا طفله صغيرة..
عايزة تجري وتلعب وتعيش حياتها.
هشام وهو بيحتضنها : ما انتي فعلاً لسه صغيرة في عنيه يا اموله.
امل : حبيبي يا اتش.
هشام : وكأن لسه متجوزين امبارح.. معقول عيشنا كل السنين دي؟؟
امل : جرالك ايه بس يا هشام..
وتعيش يا حبيبي ١٠٠ سنه كمان.
هشام : رغم انهم كانوا سنين تعب و وجع وفقد بس عزائي هو وجودك انتي والولاد معايا ونور كمان.
امل : ليه الدموع دي يا هشام؟
هشام : وحشوني اوي يا امل.
بابا وماما وشادي و وعد.
فراقهم وجع قلبي اوي.
امل : فكرتني ب ماما وبابا اللي ملحقتش احفظ ملامحهم.
هشام بيحتضنها : حبيبتي متعيطيش..
امل وهي بتمسح دموعها : و عزائي أنا كمان وجودك جنبي.
يقبل هشام يدها : حبيبتي
متحرمش منك.
امل : ولا منك يا حبيبي.
________________