تبدأ قصتنا في بيت صغير في احد أحياء القاهرة حيث تعيش ملك البالغه من العمر ٢٠ عاما وهي فتاة جميله ورقيقه تمتاز بالعينين البنيتين والشعر البني التي تتخلله خصلات صفراء وهي في السنه الثانيه من كليه الحقوق تعيش ملك مع ابيها العاجز وزوجته نعمات واخواتها سلمي وياسين
سلمي : ملك ممكن تجبيلي مصاصه وانتي راجعه من الكليه
ملك:حاضر ياست سلمي
ياسين : وانا كمان عايز مصاصه
ملك : عيني يااستاذ ياسين فين البوسه بتاعتي ولا عايزين مصاصه وخلاص
يقبلاها وتأتي نعمات
نعمات : انتي يازفته ياللي اسمك ملك
ملك : نعمين
نعمات: متتعدلي يابت وانتي بتردي ابقى تعالي ياختي بدري ومتتسرمحيش علشان عندك غسيل وكنس ومسح
ملك : مترحميني بقي هو كليه وشغل وكنس ومسح وغسيل اي الرحمه
نعمات : هو دا الي عندي وطالما مش عجبك اقعدي من كليه ياختي انا مش فاهمه خدتوا اي من العلام البنت اخرها بيت جوزها الي هيستتها وهيلبسها الدهب
ملك : انسي يامرات ابويا لو اخر يوم في عمري مش هتجوز عبد الغفور
نعمات: ليه ياختي عيبه اي راجل مالوي هدومه
ملك : عيبه اي ياوليه دا ابنه اكبر مني ب ٥ سنين ابقى روحي اتجوزيه انتي
نعمات : شابف قله ادبها يا جميل يعني انت مكنتش ربتها قبل متنشل غوري يابت من وشي
تنزل ملك من بيتها وتقف عند بيت اخر
وتضرب الجرس
تفتح لها ام نور
ام نور : ازيك ياملك يابنتي اتفضلي
ملك : معلش ياطنط اصل انا متاخره انا ونور هي فين
نور : انا جايه اهوه صباح الخير ياملك
ملك : صباح النور يلا بينا
نور : طيب سلام ياماما
نور بنت رقيقه في السنه الثانيه من كليه الاداب وهي صديقه الطفوله لملك وتكبرها بشهرين تعيش مع والدتها بعد وفاه ابيها
نور : ملك انتي شكلك مضايق
ملك : لا مفيش
نور : انتي هتستهبلي في اي انا عارفاكي
ملك : نعمات قرفاني بسبب الزفت عبد الغفور
نور : هي انهبلت ولااي الوليه دي اي الظلم دا دا راجل عنده ولا ٦٠ سنه
ملك : هو عمال يملي دماغها بالدهب والفلوس والنيله دا انا تعبت والله يانور وابويا عاجز لا بيعرف يهش ولا ينش
نور تختضنها : اهدي ياملك معلش ان شاء الله مفيش حاجه هتحصل
يأتي من ورائهما صوت شاب : دا النور هل علينا ولااي
وهو صوت عباس ابن المعلم عبد الغفور الذي يعشق نور من الطفوله وهو ساقط في دراسته ويشتغل مع ابوه في دراسته
نور : والنور دا هبنفجر في وشك لو ممشتش من قدامي
عباس : متحن ياواد ياجن بقي
ملك : بقولك اي لو ممشتش لهنفضحك ونخلي الي ميشتري يتفرج
عباس : تفضحي مين يابت دانا ابن كبير الحته بس ماشي انا همشي بس افتكري انك مش هتبقي لغيري ياقطه
نور: جتك نيله تاخدك يابعيد
ملك : يلا نمشي
في مدينه الاسكندرية في قسم الشرطه كان يمشي فارس واثق الخطي ويفتح مكتبه ويجلس عليه ويأتي يحيى
يحيي: صباح الخير ياحضره الظابط
فارس : صباح الخير يايحيي اقعد كنت لسه هناديلك
يحيي : خير
فارس : قرار نقلنا طلع النهارده
يحيى : اي انت بتهزر يعني هنسيب اسكندريه
فارس : للاسف احنا مطالبين بالقبض علي مجرم خطير اسمه المعلم عبد الغفور القلا ولازم ننتقل لمصر
يحيى : ودا عمل اي دا
فارس : الملف عندك اهو واحد بيتاجر في المخدرات والسلاح ومتخفي تحت شغل ورش
يحيي ينظر للملف : واحنا هنسافر امتي بقي
فارس : بعد اسبوع
يحيى : تمام تؤمر بحاجه تانيه
فارس : لا روح انت
يذهب يحيي ويأتي اتصال من ام فارس
فارس : ايوه ياامي
ام فارس : فارس اوعي تنسي عزومه النهارده خالتك وبنتها جايين النهارده
فارس : ياامي انا قولتلك اني مش عايز اتجوز دلوقتي
ام فارس : لما تيجي نتكلم يافارس االمهم تيجي في معاد بدون نقاش والا هبقي غضبانه عليك ليوم الدين سلام
في الكليه
نور وملك كانو يجلسان مع اصدقائهم ويأتي حسن
هو خطيب نور وكان جارهم وبيحبها من زمان
حسن : ازيكم ياجماعه
ملك : ازيك ياحسن
نور : ازيك
حسن : الحمد لله نور لو سمحتي عايزك
نور تنظر لملك وتذهب مع حسن
حسن : لي مقولتيش ان الزفت الي اسمه عباس دا ضايقك
نور: اهدي ياحسن دا عيل اهبل وانا مسكتلوش ولا انا ولا ملك
حسن : يعني اي انا لو شفت الواد دا هبهدله
نور : اهدي بقي ونبي احنا مش قد ابوه وبعدين ميتكلم هو كلامه هيودي ولا يجيب المهم انا هبقي مرات مين وبحب مين وهتجوز مين ❤️
حسن : ثبتيني ثبتيني
نور : متقلقش عليا انا بميت راجل وبعدين ياعم انا جعانه
حسن : بس كدا عايزه تكلي اي
نور : شاورما
حسن : عارفه انتو لو حللولك هيلاقو دمك فيه شاورما قدامي 😂
بعد كليه ذهبت نور مع حسن
وذهبت ملك الي عملها حيث كانت تعمل في صيدلية وتعول اسرتها
ملك : أسفه يادكتور اتاخرت علشان المواصلات
دكتور : تمام ياملك بس متتكررش
ملك :حاضر
وتبدأ ملك بالعمل ويدخل من الباب رجل كبير ويرتدي جلباب
عبد الغفور : سلامو عليكو
ملك يعبس وجهها
الدكتور: وعليكم السلام ياحج عبد الغفور اتفضل
عبد الغفور : اذيك يادكتور معلش هاتلي الدوا دا
الدكتور اوامرك
ويذهب الدكتور ويترك ملك وعبد الغفور
عبد الغفور : جرا اي ياعروسه اي مش عاجبك فيا دانا هستتك
ملك لو سمحت ياحج كلام دا مش هنا وبعدين ياحج انا قد عيالك
عبد الغفور وماله وانا لسه شباب وعايزك وشاريكي
ملك : وانا مش موافقه ياجح ومش عايزاك ومش هبيع نفسي
عبد الغفور: كدا انا هعتبر نفسي مسمعتش كلام دا وهسيبك تفكري تاني علشان مش هتبقي لغيري عن اذنك ياعروسه
يخرج عبد الغفور وتبدأ ملك بالبكاء
بتتبع
أنت تقرأ
أحببت منقذي
Short Storyملك ونور بنات عمرهم ٢٠ سنه وهما أصدقاء من الطفوله يعيشان في احد أحياء القاهرة التي يعيش بها المعلم عبد الغفور بصفته كبير الحته علي الجهه اخري يوجد فارس الصياد الذي يعيش في محافظه الاسكندرية وهو ظابط شرطه ابن لواء المتقاعد محمد الصيادالذي يبلغ من...
