سمعت صوتا المزعج وتضرب في الباب بقوه بعدها دخلت غمضت عيوني طوالي وعد:عارفاك صاحيه قومي اتكلم معاك انا:م عايزه اتكلم مع زول اطلعي بس وعد:دا م اسلوب تتعاملي بيو معاي انا قمت:ياخي اسفه جرحت مشاعرك اتكلم معاك كيف ها قولي عايزاني احضنك واقول ليك حمدلله ع السلامه باحلامك كلكم اتخليتو عني في اصعب الظروف كنت محتاجه ليكم باختصار وتين الزمان ماتت فاهمه ماتت زي م مشيتي اول مره ارجعي تاني من محل م جيتي مستحيل اسمح ليك ولا لغيرك يرجعو لحياتي انا اتعودت اعيش بدونكم فاهمه وحاتابع ويلا وريني عرض اكتافك وعد كانت بتسمع في كلامي ودموعا بتنزل بس م اهتميت ليها قامت وهي مصدومه نفسي امسكا واحضنا واعتذر منها واعاتبا بس مستحيل طلعت وانا طوالي بديت ابكي استغفرت واتوضيت وصليت وقعدت قريت قران لمن ارتحت لبست التوب وطلعت سلمت وقعدت مرت عمي قعدت وبحنان مالك ي بتي في شى مضايقك انا:م في شي وسكته جا عمي سلمت عليو وطلعت طوالي تاني نمته و محسيت بشي تاني الا صوت تسنيم انا:اووف الزول م ينوم معاك منك لاختك اتخارجي ياخ تسنيم:قومي م تكتري كلامك انا:خلاص اطلعي تسنيم:اموت واعرف الغيرك شنو انا:م في شى غيرني وانتي بتتحشري في اي شى مالك اطلعي مني م انفجر فيك تسنيم:انا اكبر منك مفروض تحترميني انا:انا م صغيره عشان تقولي لي الكلام دا تسنيم:فايده كبرك شنو وانتي بتتكلمي كدا من دخلتي الثانوي اتغيرتي ومن دخلتي الجامعه اتبدلتي انا:طلعت وخليتها كلاما صاح ليه انا اتغيرته ليه بقيت قاسيه كدا دي م انا هم السبب هم الخلوني اتغير هم جبروني اتعامل معاهم كدا استحميت وصليت وغسلته العده ...خلوني اعرفكم عن نفسي انا وتين محمد عبدالله بقرا مختبرات اخر سنه اصلا انا رغبتي اقرا طب بس الظروف جبرتني اقرا مختبرات ومصممه اني اقرا طب بعد اتخرج طوالي حاشتغل واقرا في نفس الوقت ساكنه مع عمي واولادو امي اتوفت بعد الولاده طوالي ايي بعد م ولدتني اتوفت وم شافتني وانا اكبر وابوي سافر مباشره بعد موت امي كرهني وكره السودان سافر هو كمان وجدعني لي عمي ولا سال مني هو شايف اني انا السبب في موت امي الله يرحمها وعمي كرهني لاني كنت سبب في سفر اخوه العزيز اما مرت عمي كان تعاملا حلو معاي وبناتا م قصرو واهل امي هه ديل م بعرفو عني شي ولا انا بعرفهم هم كمان كرهوني تفكيرهم نفس تفكير ابوي اني انا السبب في موت امي الله يرحمها كرهوني نفسي بصراحه كرهت نفسي وكرهت الحياه زاتو عمي اسمو عمر ومرتو اسمها مريم عندو محمد و مؤيد و وعد و تسنيم وتنزيل خالتومريم:مالك م اتغديتي معانا انا:شبعانه خالتو مريم انتي اصلا م اكلتي شى انا:لو جعت حاكل ومشيت غرفتي ونفس الروتين بتكرر كل يوم م بتكلم مع زول وطول الوقت او بشاكل في تسنيم وتنزيل اما وعد م شفتها نهائي ومؤيد م قاعده اشوفو كانو م ساكن معانا بس احسن
تنزيل:وتين ممكن سؤال انا:من متين مودبه وبحده قلت ليها لاااا تنزيل:لمتين حتبقي كدا وين وتين الزمان انا:ماتت تنزيل:ابوي لاحظ انك متغيره انا:هه لاحظ متين اني اتغيرته منو الكلمو هو السبب اصلا بكرهني ولو م طلب ابو للحظه كنت حاغلط واقول ابوي عمك منو اني اقعدك معاكم كان جدعني في الشارع تنزيل:ابوي م بكرهك انا:ااا م بكرهني صدقتك ابوك ي محترمه كل يوم بسمعني كلام يقتل وانا ساكته وبتحمل كل مره بلمح اني انا سبب في سفر عمك وموت امي نسو شى اسمو قضاء وقدر نسو انو الاعمار بيد الله وعايزه تعرفي سبب تغيري كنت صغيره وم بفهم تلميحات ابوك وبعد كبرت فهمت كان بقصد شنو ابوك م مجبور كلها سنه وتاني م حتشوفوني او يمكن سنتين وتاني كل شي حيتغير تنزيل:اعرفي شى واحد الدم م ببقي مويه انا:كلامك ي حلوه وجهيو لابوك وعمك وعماتك فاهمه ورقدته وغمضت عيوني بعد سمعت الباب اتقفل فتحت وبقيت ببكي م عرفت ابكي علي شنو علي حظي النحس ولا امي الماشفتها وفاتت خلتني ولا ابوي الجدعني لعمي ولا معامله عمي وعماتي واهل امي لي ولا علي رغبتي اقرا الطب وحلمي الما حققتو في كل لحظه بتمني اموت خلاص م قادره اتحمل اكتر طاقتي كملت والله م قادره خلاص تعبت الشى الوحيد العارفاو اني مشتاقه لامي استغفرت واتوضيت صليت وبديت اقرا قران لمن غفيت في المصلايه بعد صحيت صليت الغرب واتذكرت الباقي اسبوع وننزل شلت التلفون وبديت اشوف في الصور وقفت عند صوره كانت لي ول محمد حسيت بالكرهه ومسحتها طوالي وتاني في صور لي ولوعد لمن كنت صغيره مسحتهن كلهن ورجعت بي للذاكره لوتين الصغير انا:م عايزه لا وعد:عيب حبيبتي كدا البنات حيضحكن عليك ويقولن انتي منكوشه انا:لاااا محمد:وتيني مالا وعد:تعال شوفها ابت تقيف لي اسرح ليها محمد:لا ي وتيني عيب سرحي بسرعه عشان اسوقك للبقاله واشتري ليك شوكولاته كتيره انا:سرح لي انت محمد:طيب سرح لي مع انو كان م بعرف بس اتعلم ابتسمت لذكرى اكتر اتنين كانو بعتنو بي وبخافو علي كانو كانهم امي وابوي بس هم مشو وخلوني مشو بدون م يقولو لي ولا حتي يودعوني في اللحظه دي حسيت بكره تجاههم لانهم كانو السبب في تعاستي م كانو يخلوني اتعلق بيهم ويمشو فجأة مفروض تكون علاقتي بيهم تكون سطحيه مستحيل اسامحهم والزفته وعد جات تسلم كانها م عملت شى عرفت انها حامل حابقي خاله بس مستحيل اخليهم يرجعو مره تانيه عشان تاني يمشو اما محمد اكتر واحد اتعلقت بيو كنت بنوم علي صوتو وبصحي علي صوتو نهاري كلو معاو وبنتظر بفارغ الصبر يجي من الجامعه عشان اقعد معاو كان بجيب لي معاو شوكولاته كتيره طلعت ولقيت فهد ولد عمتي قاعد وشكلو منتظر مؤيد اول م شفتو صريت وشي ولا سلمت عليو فهد:مالك م بتسلمي انا:اوه فهد م شفتك فهد:نمله م تشوفيني انا:يمكن فهد:متخلفه انا:م في زول متخلف غيرك وانت هسي زعلان مالك كلو عشان م سلمت عليك اذا عدم سلامي بسوي كدا من اليوم حاسلم عليك فهد وشو بقا احمر شويه وينفجر و كان عايز يرد بس جا مؤيد دخلت ولا اهتميت للبركان الكنت بتكلم معاو بحب ينكد علي وانا بكرهو متخلف الولد دا اصلا انا م بتكلم معاو هو بقابض مالو م زي فادي ياخ دا مؤدب ومحترم وهادي البشوفهم م بقول اخوان م زي الهمجي دا نساني زاتو طلعت ليه رجعت الغرفه وم كان في حس شكلهم مشو لجدي م اهتميت ومشيت نمت ي حبي للنوم
يتبع..
Zeinab Abdalla🍃🌈
