غربال الروح

البارات الثالث والعشرين

الروايه "غربال الروح "
بقلم / رحيل القوافي ......
Ghadeer-1997
عريان يكول:  ضيمي يتسولف بالبچي
مو كلشي ينكال بالحچي ...

رد كال: هنيالها الشمس
تنزف ضوها تحترك وتموت
وانئ جروحي خشب تابوت

........

رديت عليه .... موهج القصه بس هو راد يعرف خاف عندي عتراض عليه مايحب يفشل روحه

كال .. لا بعد فدنوب يلبسج الحلقه بالشارعه خلي عليه آنه اعرف شلون احجي وياه فوتي هساع انتي ..

رديت عليه.. حسين عفيه عوف مالي مشاكل وهو الولد ماسوه شي حجه بكل ادب ..

هز راسه كملت طريجي وآنه اضحك على مظهر وشلون جان يعاين عليه عصافير كلبي زقزقت وطارت فوك صرت اضحك للهوئ لو فات من يمي ..

دشيت للمطبخ بفرحتي حتى شيماء وام سالم ماكدرن يخربن مزاجي بديت بالعشئ عبن خطارهم مايخلص ..

وحنه انحضر بالعشئ دشت اخت مظهر اديان الصغيره وياها مظهر كعد على الميزه وهي اجت يمي كالت ... اشو اختج ام عيون ماكو
رديت عليه بلطف عبن هاي البت كلش رقيقه .... ظلت بالبيت عبن عدنه خطار

بوزت شفايقه وكالت ... حرامات حبيته عبالي اشوفه

.. البت حجيه بغدادي وشوي مافتهم عليه بس مظهر يصحح وراها
من شفته ضاجت كتله .. اذا تردين ادز عليه
ضحكت وكالت .... لعد والخطار خاف عيب

رديت عليه وآنه اتخيل زكريه يركض ورها بالعود كتله .. عادي اجيبه وياها وانتي بس تعايني راح تحبي وهو حيل يضحك.

.... ابتسمت دزيت الچرخجي على ريحان ورا شويه دخلو مثل العاصفه واحد يركص ورا الثاني وصياحهم وهمه جانو لازمين كصب وياكلون بيهن ..

دشو للمطبخ كبل بالهوسه آنه احبن اشوفهم هيج ارتاح بس هاي السالفه ماعجبت الكل ام سالم وشيماء كامن يدردمن.

ام سالم كالت ... هاي هي كملت ماناقصنه غير ام عيون حاسوده والخبل مالها
ردت شيماء ... اي ولله لاعاب حلگج عيونه ليزل تطيجياهن بالمچان

..... ريحان رادت اتهد عليهن لزمته عيب من مظهر كاعد واخته خطيه امبينه مريض مانريد انخرعها آنه اسكت هاي جان ...!!!

حجئ زكريه ... انتي انتي ام عيون عيون حاسوده لاع لاع تحجي تحجي على ريحانه ريحانه حلوه حلوه انتي تغارين تغارين ..

ردت عليه شيماء بشماته ... اي اغار من بت الحرام موش آنه الغار من وحده ماعدها اهل ..

.... حجت هيج ورفعت خشمه وهي تعاين عليه اعرفن آنه المقصوده موش ريحان بس شجرالج ياشيماء وهيج نكرتي العشره ااوف ياكلبي شوكت تكره

.. ريحان سوت نفسه مامهتمه وآنه اعرفن جاي تأچل بروحه أچل
اجت همست يمي خايبه نزيلك هديني عليه اصمط راسه اسوي باچه ..