⚜️✨ الأسيرة و المتدين ✨⚜️
🔸 بقلم : ليلوشة 🔸
🔅حصريا على كرونيكات اوبال🔅
〰️〰️〰️〰️〰️〰️〰️〰️〰️〰️〰️
|| الحلقة 04 ||
عزيز : واش جيت تعمل هنا عماد الدين ..
خزر فيه عماد الدين و حاس انو حاجة مش طبيعية قاعدة تصير .. من نظرة خالو حاسس .. كأنو قرا عينيه و فسر نظرتهم ..
عماد الدين : شفت خيال قلت بالاك سراق راهو هنا حبطت نتأكد .. و نتا علاش راك هنا خالي .. كاين كاش مشكل ؟
الارتباك لي كان حاس بيه عزيز راح وقت سمع اجابة عماد الدين يعني مشاف والو ..
هدر عزيز و هو متبسم ..
عزيز : لالا وليدي مكاين والو .. عيطلي صاحبي خرجتلو منا لانو بعيدة مالباب الامامي ..
هدر عماد الدين و هو ماشي مقتنع بإجابة خالو ..
عماد الدين : هييه .. بالتوفيق يا خال ..
لتفت و رجع للفيلا .. دخل و احساس كبير قاعد يقولو ارجع .. اما مرجعش و راح لغرفتو دخل .. حط زربية الصلاة .. توضى و رجع يصلي ..
بعد ما راح عماد الدين ستناه عزيز حتا دخل لدار و تأكد انو راح .. دار هدر معا رجالو ..
عزيز : ازربو شوية .. لازم ندخلوها ..
رجع دار عزيز .. و بدا يمشي بخطوات متسارعة و هوما يتبعو فيه .. فتح الباب .. دخلو موراه .. قطعو انفاسهم و حبطو للقبو ..
دخلو ليهم .. كان مظلام بزااف .. شعل عزيز لومبا يدوية .. حطلهم كرسي .. حطوها عليه .. و ربطوها فيه .. غلقولها فمها .. و خرجو في ثلاثة مالقبو .. غلقو لباب .. و رجعو طلعو للفوق ..
رجال خرجو و عزيز طلع لصالون .. تقدم و قعد معاهم ..
خزرت فيه وردة متبسمة و هدرت ..
وردة : عزيز واش هدرت معا لؤي وقتاش قالك يجي ..
تبدل لون وجه عزيز .. اما هدا روحو و هدر : عندي مدة مهدرتش معاه اما قالي كي نجي نعيطلكم ..
لؤي الاخ صغير لعزيز و وردة .. كان فالخارج .. اما عيطلو حكيم لانو قرر انو يقسم عليهم الورث ..
الجد حكيم : مبان عليه حتا خبر ..
عزيز حبط راسو يخزر فلرض باش يتجنب نظرات الشك تاع باباه و هدر ..
عزيز : علمي علمك .. طلع راسو بلعقل .. قابلاتو نورا واقفة .. تخزر فيه بخزرة معناها ارواح ..
راح لعندها تحت انظارهم ..
نورا هدرت بصوت مرتفع باش يسمعوها ..
نورا : عزيز لازم ترقد بكري ليوم غدوة تخدم صباح ..
تبسم معاها .. فهم عليها بلي حابة تهدر معاه فشي موضوع .. و فهم انو راح تشاركو خطتو ..
عزيز : اوكي راني طالع .. اطلعي معايا ..
طلعو فيزوج لشومبرا .. دخل قعد على طرف السرير .. دخلت هي غلقت لباب موراها و هدرت ..
نورا : شكون لي راهي لتحت ..
خزر فيها مستغرب و هدر ..
عزيز : شكون ..
نورا : الطفلة لي حطيتوها فالقبو ..
تبسم على جنب .. حاجة ما تخفى عليها ..
عزيز : شفتينا ..
نورا : وي شفتكم وقت دخلتوها مالباب الخلفي .. شكون هي ..
عزيز : شاهدة لوحيدة ..
رعشة سرات فبدنها .. قلبها رجع يدق بقوة .. فهمت واش يقصد اما حاولت تكذب روحها .. هدرت بصوت شبه مسموع ..
نورا : شاهدة لوااش ..
قدم ليها عزيز متبسم ابتسامة تاع شر .. وقف مقابلها .. دنا لودنها و همسلها فيها ..
عزيز : شاهدة بلي انا لي قتلت لؤي ...
〰️〰️〰️〰️〰️〰️〰️〰️〰️〰️〰️
اوبالاتي 🔥
واش توقعااتكم للحلقات لجايين زعما كيفاش راح تتعرف لينوش و عماد الدين .. زعما راح تكون علاقتهم مليحة .. واش هدف عزيز المخفي زعما 🙄 ..
متنسااوش تكتبوولي توقعاتكم طواال عرااض .. و لي يعجبني توقعها نبارطاجيه فالقروب و نمدلها تكتب معايا حلقة بشرط الا كنتو قرااب للاحداث 🔥
جمجموو كااامل الحلقاات و مرسيي على تشجيكم ليا ❤️
خلو كااامل كومنتار هنا فالرد كالعادة غير نحط نديرلكم جادوغ عليه باش تعرفو بلي حطيت 🔥
#ليلوشة
( تصويرة رؤيا لفووق )
أنت تقرأ
⚜️ الأسيرة و المتدين ⚜️
Aksi⚜️✨ الأسيرة و المتدين ✨⚜️ 🔸 حصريا على كرونيكات اوبال 🔸 بقلم : Leila Ouaras ( ليلوشة ) •.............................................• اوبالات 🔥 رجعتلكم ليلوشة بكرونيك جديدة بعد ما عشقتو فكرونيك #عشقت_سَلَفِي 🧡 رجعتلكم بكرونيك...
