نوفيلا قريني 😈 بقلم الكاتبه شروق محمود ♥️

الفصل الرابع 😈

البارت الرابع 👽

وقفنا البارت إللى فات لما مروج شافت حاجه غريبه فى المرايه

لما صوت الصفاره راح وبعدين رفعت راسى وبصيت فى المرايه لقيت عينى حمرا كأن فيها دم انا انصدمت ليه عينى كدا وايه إللى عملها كدا قومت من قدام المرايه وروحت قعدت على السرير لقيت فى حد قاعد جنبى انا الدم نشف فى عروقى زى ما بيقولوا وريقى حتى مش عارفه ابلعه بصيت جنبى بحذر ايوا ايوا فى حد قاعد جنبى مش حلم ولا كابوس او مش بتخيل بس مديت ايدى عشان المس الشخص دا كانه هوا ايدى بتعدى من الناحية التانيه لكن الشخص كان بيبص ليا ومبتسم
انا لما ركزت فى ملامحه جميله جدا وبتجذب إللى يبصله فجأه لقيته بيمد ايده وبيمس على شعرى بهدوء انا كل دا ساكته وخايفه طبعا ولقيت مره واحده بيكلمنى وبيقولى اسمه لكن صوته مرعب

( اسمى عزازيل ) انا سمعت صوته واسمه إللى يرعب دا واتجمدت مكانى مبقتش عارفه اصرخ حد يجى ينجدنى بيكلمنى وهو بيمس ليا على شعرى بحنان رهييييب معرفش ليه بيعمل كدا
بعد شويه لقيت راسى سخنه جدا وفيها صداع محدش يقدر يستحمله اصلا ومره واحده صرخت جامد وبعدين اغمى عليا
صحيت تانى يوم لقيت نفسى فى الصالون واول ما فتحت عينى لقيت فى وشى الشيخ صاحب بابا الله يرحمه وجايه اقوم وقعت على الأرض لأنى كنت مربوطه بحبل انا استغربت جدا انا ليه مربوطه كدا ومين اصلا إللى رابطنى واستغربت اكتر ان ماما و وليد واقفين مش بيعملو حاجه ليا او ليهم رد فعل حتى
لقيت الشيخ دا ضربنى بالقلم مره واحده لدرجه ان بقى نزف دم و لقيت وليد اتعصب جامد

وليد :: ايه يا شيخنا إللى انت عملته دا انت بتضربها كدا ليه احنا متفقناش على كدا

الشيخ بصوت منخفض لوليد :: دا عشان انرفز إللى جواها بس مش اكتر فهمت لكن والله على عينى انى بضربها دى زى بنتى يا وليد بس لازم ننقذها من الدمار إللى هيا فيه

وليد وافق على مضض :: ماشى يا شيخنا شوف شغلك اتفضل......ممكن تبطلى عياط يا مرات عمى عشان كدا مينفعش

الام :: حاضر يا بنى بس غصب عنى اعمل ايه

وليد :: هى هتبقى بخير ان شاء الله متقلقيش ...كمل يا شيخنا

نرجع لحكايتنا
دا كل الكلام وانا مصدومه وباصه فى الأرض بس وانا باصه فى الأرض كان بيحصل ليا حاجات غريبه محدش كان حاسس بيا
لقيت مره واحده صوت الصفاره مع صوت طلاسم فى ودنى بس المره دى كنت بستقبل الصوت من غير ما احط ايدى على ودنى مكنتش منزعجه زى كل مره بعد ما سمعت الكلمات إللى فى الطلاسم غمضت عينى بشده و فتحتها مره واحده وبصيت للشيخ بقوه لقوا عينى حمرا زى الدم وقطعت الحبل بكل قوة إللى هى قوه غير معقوله فيا اصلا ومسكت الشيخ من رقبته و رزعته فى الحيطه لدرجه ان وشه بقى ازرق وكان هيموت فى ايدى وقولت ليه بصوت غير صوتى بصوت مرعب ومخيف ( لو فكره تقرب ليها مره تانيه هاذيك )

لما الشيخ سمع الكلام منى او من إللى جوايا على صوته وقرأ قرآن بصوت عالى لدرجه انى قعدت فى الأرض وقعدت اصرخ وحطيت ايدى على ودنى وكنت ضعيفه جدا بس مسكت الفازه إللى كانت جنبى وحدفتها ناحيه الشيخ وجت للاسف فى دماغه ودا خلاه يسكت ويبطل قراءه قرآن وهما مشغولين فى الشيخ انا دخلت اوضتى وقعدت فى الأرض وجبت حته ازازه وعورت نفسى من دراعى وخدت دمى من على أيدى ورسمت بيه رسمه على الأرض بس كانت رسمه مخيفه جدا جدا
وبعد الرسمه دى قعدت على ركبتى وفضلت اقول طلاسم وكلمات غير مفهومه كلمات خاصه بعالم الجن بس وانا بقول الكلمات دى كانت عينى بتنزل دموع بس مش مايه بيضه زى البشر العاديين لا دى كانت دمووع دمويه كانت دموع دم
بعد ساعتين من كلامى بالطلاسم قومت وربطت ايدى بالشاش مكان ما جرحتها
ونمت على السرير وروحت فى النوم علطول كأنى اغمى عليا مش نمت نوم طبيعى

فى تانى يوم صحيت بس لقيت فى وشى.... .

ملحوظه ي جماعه ( الاسم إللى ذكرته اسم الجن حقيقى وفى شيوخ ذكرته أيضا وفى اسماء غيره كتير هذكرها أثناء النوفيلا )

استووووووووووووووووب
ياترى مروج شافت ايه لما صحيت ؟؟؟
وياترى الشيخ هيستمر فى إللى بيعمله ولا هيتراجع ؟؟؟؟؟
وهل وليد هيحاول يعمل ليها اى حاجه ؟؟؟
وايه هو سر وفاه والد مروج ؟؟؟
هنعرف دا كله فى الفصول الجايه ان شاء الله
انتظرونى فى
نوفيلا قرينى بقلمى شروق محمود 😈