☔الحلقة 23 : القســ1ــم☔
💚✳💚✳💚
حل فمو باش يتكلم لكن ...لسانو عجز يقول حرف واحد...ايلي قالو عبد الجليل في بلاصتو ...السبب هو تولين ...في رجعتو ...في كرهو لاحمد...في عذابو ...في عجزو ..في ذكريات الماضي ...هي السبب الاول والاخير ...
هبط راسو وخزر للدبوزة ...ثبت فيها لحظات وعاود شرب منها ...غمض عينو واستحلى نسمة الليل الباردة ...هذا الكل وعينين عبد الجليل اتبع فيه وماغفلتش على حتى حركة منو... كيف ايلي يحاول يفهم ما بيه..قوس حواجبو وتنهد بصوت متقطع "انت و احمد تحبو نفس المرا ...و بالصدفة ظهر ولد شريك بوك ...الدنيا دوارة...انت ما رجعتش باش تاقف على حق بوك كيما قتلي ...انت يا اركان ...رجعت باش تواجه خوفك ...خوفك ايلي هربت منو اربعة سنين ...المرة هاذي تحب تنهي كل شي...يا اما تكسب تولين لبقية حياتك...يا تخسرها من حياتك "
ضحك أركان لين مال راسو لتالي " والله وجبتها بلڨدا " تبدلت نبرتو جدية " بعمرو ما حد فهمني قدك انت ...اما ...انا من قبل خسرت تولين موش من تو ....رجعت باش هي تحارب مخاوفها موش انا...باش تاخو حقها هي موش حقي انا ...باش تحاسب كل حد وجعها وخلاها انسانة ميتة بالحياة"
كان واضح من حديثو انو تولين ماهيش لاباس بالكل..والاكيد تعيش بحالة نفسية خايبة ...وهو نجم يطلع السبب" احمد هو اول حب في حياتها ؟! ...وكيف عرست بيها ...عرفت ايلي مانساتوش ...؟!"
ضحك ودار شطر دورة باش يقابلو " انا عرست بيها ونعرف ايلي هي تحبو ..."
عقد حواجبو ومن غير لا يشعر استفسر" علاااش!؟"
موش عارف اذا علاش مجرد سؤال سألو باش يعرف والا يلوم فيه خاطرو دخل بين زوز يحبو بعضهم وهوني رجع ضميرو أنبو وفكرو بالايامات ايلي خذى وعد باش يخليهم لبعضهم ...لكن ياما وعود خذيناها...وبالوقت خلفنا بيها ...صر سنونو وكبس ع الدبوزة بين صوابعو " خاطر ...مايستاهلهاش"
تنهد عبد الجليل " هاذي موش حجة تقنعني بيها "
حاول يلقى تبرير اخر " خااااطر....انا ....هي....مارات شي حلو معاه"
" تتصور لو جات مارات شي حلو معاه...كانت تقعد تحبو لتو.!!؟.." خزرة اركان كانت بريئة ومليانة وجيعة ....هي هكا الحقيقة ، اغلبية الوقت مرة...شلق عبد الجليل بغلطو وحاول يخفف عليه " قصدي ...ممكن تحبو ..."
رجع هبط راسو وصوتو كان واطي بالكاد مسموع" فمة حاجات....ماانجمش نقولهملك توا....اما مصيرك تعرفهم بالوقت ...وقتها تو تفهم علاش انا دخلت في حياة تولين رغم ايلي نعرف انها تحب غيري ..."
"حاجات كي شنوة ؟!..."
ضحك اركان " مهما حاولت تصلبني على راسي ...مانيش باش انجم نحكيلك ...حتى لو بقيت نشرب لغدوة "
مسد كتفو وخذالو الدبوزة من يدو "هيا روح تو كيف يرجعلك عقلك نقعدو ونحكاو ... "
بعد كفو من على كتفو ووخر لتالي "ياخا ترى فيا سكران "
ضحك وهو يهز يديه لفوق" واعي انا ...والدبوزة بعمرها ما تخرجني من عقلي ...خاطر لوجات تنجم تخرجني من عقلي بالحق كنت عملت باااارشا حاجات ...مع تولين ..." بالصدفة ساقو عفست على حجرة وتقلبت وهو تعثر وجاء لوطة ...دوح عبد الجليل راسو ومد ذراعتو باش يوقفو ...بعدلو يديه وحاول يعمل على روحو "قتلك مانيش سكران ...ما تعاملنيش على اساس عاجز "
تنهد عبد الجليل " هيا مالا اطلع للكرهبة وحدك خليني نوصلك للدار "
مشى يترنح وحل الباب نيتو هو يسوق اما عبد الجليل سبقو وقعد قبلو "انت موش عاجز اما ...تنجم تولي عاجز اذا سقت وانت بها الحالة ...امشي اطلع خليني نوصلك...وحاول تتفكر عنوان الدار "
طربق الباب وهو يقعد في الكرسي ايلي بحذاه " انا ننسى كل شي..الا.....الطريق ايلي يهزني لتولين ...سوڨ ا مولى الهامر تو نقلك لوين "
ضحك عبد الجليل وهو يخدم الكرهبة " نسوق اما ...هاذي اودي موش هامر "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
