اوي _شكد_بيئة (تحشيش فصلية)

البارت الاخير

بقلمي المبتدئ و المحشش #سلر
#اوي_شكد_بيئة (تحشيش فصلية) 

🌸 هيلاوو 🌸

ولله احلى من عندة شفت ، بس گلبي غش عيوني💜

مر شهر ع الموضوع واني ابد ملتقي
او احجي وي اسد علكد الحمام
وارجع لغرفة لبوة كولش نفسيتي
اتأزمت اسمع اسد يصيح والبيت
مگلوب من يوم السالفه الصارت
انگلبت حياتنه جحيم غير اخواته
وامه لزمنها عليه فشاير و غلط ع
انو اني مو شريفه وادور شغلات
ورى ابنهم رادني اطلع واشتغل مقبلت
وكولتلهن بعد ما اگيس اي شي بالبيت
منتظرة اسد يطلگني واطلع من حياته
وحياتكم وارجع لاهلي يلي من طلعت
منهم لحد هسة مشفت يوم راحه 💔
اريد ماما وبابا يحتضنوني ليش هيج
مسألوا عني مكسور خاطري منهم
وكسرتي الجبيرة ب اسد الي حبيته
و حاولت اتأقلم و اتقبله بس هوة نهة
كولشي من اول مشڱلھِ صارت جنت
نايمه سمعت صوت اسد دخل لبيت
مبين من مشيته كولت لآزٍمٍ اروح واخلي
يطلگني ما اظل عبده عدهم طلعت
لكيته نايم ع الجرباية و يسحب
بجكارة و صافن حسيت الجكارة نار
بحلكه وديسحبها علمود يبرد النار
البداخله دكيت الباب هوة فز من
صفنته لان ما جان حاس بيه بسرعه
نهض شعندج صاعدة كوتله لآزٍمٍ
اطلگني من الاخير اكولك جان لزمني
من شعري وجرني لجسمه و حجه
م̷ـــِْن بين سنونه طلاگ ما طلگ
تبقين هيج معلكه لمن تموتين غير
الذلة الراح تشوفيها مني وهذا صاحبج
اطلعه من جوة الكاع واشرب من دمه
منتظر يحددون مكانه ودفعني ويلا
هسة اطلعي لٱ تخليني ارفس بطنج
بنت الكذا اوي شكد بيئة 🙌
طلعت واني ابجي والحيرة دتاكلني منو
سوة هيج الله ينتقم منه اني مأذيت
احد 💔 فوضت امري لله ورحت
توضيت ومديت سجاتي وصليت
وقريت قرآن احس براحه نفسيه
سبحان الله صدق جل جلاله
من گال بكتابه الكريم
( الا بالذكر الله تطمئن القلوب) 
ودعيت الله ورسوله انو يبين اعدائي
و يظهر حقي بأسرع وقت. مر شهر
ثاني ونفس الوضع الا بيوم من الايام
طلع اسد من البيت يمشي سريع ركب
سيارته وداسها اني گلبي نغزني اكيد
حيصير شي ظليت قلقه وادعي ربي
يسهلي امري حوالي 3 ساعات رجع اسد
من برة بس شنو شكله مگلوب مو
اسد الاعرفة وايده مضمده ودشداشته
بيها دم دخل لبيت وما حط عينه
بعيني وگبل صعد لغرفته استغربت
كل مرة من يشوفني لْـۆ يرزل لْـۆ
يخزرني عفته ودخلت لغرفة لبوة
لكيته كاعدة كوتلهة لبوة اخوج
اجه لاف ايده معرف شبي هي
بسرعه طفرت وگالت شبي منو اسد
لْـۆ نمر كوتله اسد جان تعوفني
وتطلع شوية واجت بس وجهة
اصفر وتعصر بأيدها كعدت وبقت
ساكته ومثل المصدومه كوتلها شبيج
كالت هاا لٱ ماكو شي كوتله لبوة
احجي حاس گلبي اكو شي جان
تحجيلي الموضوع اسد من طلع
مستعجل من البيت لان خابرة صديقه
گله تَعاّل حددت موقع الولد يلي جان
يدز رسائل الج يگول لان هوة ضابط
ويعرفون بشغلات تحديد موقع
الشخص من صفحته ع الفيس
رحت تلگاني صديقي الضابط
رحب بية وگلي فوت جوة بالغرفة
ومبقيت احد يحقق وياه بس انت
مراعاه الك لان موضوعك حساس
اشكرت منه ودخلت لغرفة التحقيق
واشوفلك الولد يلي جان يراسل
بمرتي هوة ابن عمي فهد ضليت
بصدمه اريد استوعب الموضوع
ما اگدر هوة من شافني خاف وگال
اسد لٱ تكتلني دخيلك والله غلطه
هديت نفسي وكلت لآزٍمٍ اعرف
وافتهم الموضوع ضغطت ع نفسي
وحجيت شعندك وي مرتي وشنو
نوع علاقتكم گال اسد ماكو اي
علاقة بيناتنه اني ردت انتقم الي
ولاختي نسرة واتفقنه اني لان كم
مرة اريدها و ترفضني ما اتحملت
كل هالجمال يصير الك و نسرة
لان تركتها وما تزوجتها وفضلت
الفصلية عليها فهي خلت الموبايل
بغرفتك يلي يحتوي ع محادثات
الوهمية بين حبيبين وبعدين اني
دزيتلك الرساله الي بيها خبرتك
انو مرتك تخونك و كسرت الخط
بعدين حتى ما توصلوني،بس نسيت
شغله الفيس و القى القبض عليه
اسد يسمع وساكت ٱڅڑ شي بدون
سابق انذار كعد ع فهد زوعه العافية
كتله كتله تسوة عمره كلها بحيث
خلاه يتوسل بي بس لٱ يقتله عافه
مشمور وگال لضابط خلوه يخيس
بسجن اما نسرة وما ادراك ما نسرة
توجه اسد لبيت عمه ودخل الهم
وصاح بعلو صوته ع عمه وبنته و
حجاله كلشي صار گام ابوها واخوانها
البقية وحاصرينها بالغرفة ودگ
صوندات لمن مخلينها ما تكدر تمشي
والدماية من كل جسمها رجع اسد
لبيت وهسة ميت قهر ع سواه بيج
ويگول بيا وجه اباوعلها واني اسويته
بيها مو شي قليل وندمان حيل لبوة
تحجي واني بس دموعي تجري من
خلصت سجدت سجده شكر لربي
لان كشف الحقائق وبينت برائتي
بعدها متحملت صعدتله لكيته مدنگ
ومثل اليبجي،رفع راسة عيونه دم
احمر كوتله اسد هسة طلگني مدام
برائتي و بينت بعد ما ابقالك يوم واحد
بالبيت بصياح گال حبيبتي والله ندمان
مستعد اسوي اي شي تريدنه بس
الطلاگ لٱ اني احبج وما اريد اخسرج
سامحيني گالها ودنگ مثل مستحي
من هالكلمه اني سمعت هيج يحجي
لْـۆ ملخت روحي و كفشت شعري
اتهسترت كوتله ما اريدك وما اطيق
اباوع لوجهك عوفني ما احس الا
انغمى عليه وكعت من طولي فتحت
عيوني واني بالمستشفى واسد ولبوة
يباوعولي نهضت بسرعه كوتله عوووفني
اعتقني ما اريدك جان تحجي لبوة
لتوكعين هسة كافي صياح ميصير
يأثر ع حملج التعب شنووووووو
حملي منو حامل گلتلي انتي وصايرلج
شهر زدت بالبجي اباوع اسد فرحان
بس فرحته ناقصة بسبب وضعي
اجه باتجاهي مراح اتقربلج ولا اطلب
منج شي بس ابقي ويانه علمود طفلنه
بقيت متبنجه شنو يعني حامل وراح
ابقى تحت رحمتهم رجعوني لبيت و
طش الخبر انو اني حامل امه اجت
باركتله بس من ورى خشمها اني دخلت
لغرفة لبوة اريد ارتاح كولتلها كولي
لاخوج ليجي صوبي لٱ والله احرگ
نفسي وطفل وياية گلتلي لتعصبين
التريدنه يصير مرت الايام والاشهر
وهسة اني بشهر السابع ما خلت
هالشهور من توسل و محاولات اسد
انو يكسبني من جديد ويرجعني اله
تجاهلته وما عدت مثل قبل المرحه
والي تحشش وتضحك منطويه ع
نفسي يا دوب اتغذة علمود الطفل
البطني صادف يوم جمعه نزول اسد
من دوامه اتاخر وظلت امه واخواته
قلقات عليه ويتصلن اجه نمر بسرعه
امه ركضت وليدي الحك اخوك ماكو
ونتصل يطلع الجهاز مغلق هوة بسرعه
ركب سيارته وطار كم سَـآعــهْْ و دگ
فون لبوة شالته بس بهت وجهة و
كامت تصيح ولج يمه لحگيني اسد
مصوب بالمعارك وصابته خطرة هي
كالت هيج والبيت ارج رج بعياط امه
ملخت روحها اخواتها اعمامهم وجيرانهم
انگلب البيت بيهم ناس تهدي وناس
تزيد الالم وبوسط هل معمعه اني
صافنه وافكر شنو يعني اسد حيموت
وبعد ما اشوفه احس گلبي انقبض و
گام ينبض بأسمه و لويات بطني مو
طبيعية حسيت الطفل حس بابوه
صارله شي رجعت من صفنتي و
صحيت ع نفسي لٱ اسد ميموت
ويتركني اني وابني لآزٍمٍ اشوفه شفت
واحد اقاربهم اسمه واوي كوتله فدوة
اريد اشوفه اموت نفسي اذا مأخذتي
لمستشفى گال يلا خوية تعالي اصعدي
بسيارتي اني رايح الهم لبست العباية
وصعدت وياه وصلنه لمستشفى اباوع
مكلوبه ع اسد شيوخ ضباط اقارب
اعمام صارت عيني ع نمر الي اول
مشافني اجه باتجاهي شعدج هنا
ومنو جابج كوتله نمر ابوس ايدك
اريد اشوفه عليك الله محيموت
مو گلي ادعيله ان شاء الله يتعده
مرحله الخطر ويلا هنا اكعدي انتي
حامل شجابج كعدت وبقيت ادعي
ربي يگومه بسلامه شوية وطلع الدكتور
اسمعه يحجي گال الحمد لله ع سلامته
تعده مرحله الخطر كولها تشكرت
وسجدت لله ع هذا الخبر اني بس
دموعي تجري كوتلهم دخلوني اله
دخلت واني ممصدكه عايش ويشتم
الهوة لزمت ايده وبستها كوتله حبيبي
لتعوفني مو اني بنتك والله سامحتك
بس ارجعلي ه̷̷َـَْـُذآ ابنك يريدك وخليت
ايده ع بطني طفل تحرك واسد فتح
عيونه و جرت دمعه من عينه ع خده
وگوة يحجي سامحتيني كوتله يي
بس،بشرط ترجعلنه مثل قبل واحسن
ابتسم ورجع غمض عيونه مرت 10 ايام
امه لاسد صارت زينه وياية لان حست
بحبي اله وشسويت كالو الًيَوُمًِ يطلع
من المستشفى كولش فرحنه حضروا
الذبايح ومعرف شنو وطبخ وناس
مخبوصه اني صعدت لغرفتنه رتبته
وعطرته وفرشت الجرباية و سبحت
بشامبو و الغسول لتنسنهن سر المهنه 😉
ولبست گلبية مالت حوامل طلعتني كيوته
وبطني بارزة كولش فرحت اجه اسد
ودخلوه وهلاهل وجكليت خطية تولنه
بالگصه گال عمي اذا ما متت بالمعركه
من جكليتجن راح استشهد جنه حصو
ضحكنه واني ابتسمت رفعت راسي
لگيته يباوعلي ويباوع لبطني اتنهد
براحه وابتسم من بعد مخلص الغدة
كال صعدوني لغرفتي اريد ارتاح صعدوه
كالت امه يمه روحي لرجلج محتاجج
اكثر منه صعدت لكيته متمدد وحاط
ايده ع جرحه گلي يابة تعالي يمي
خل اشبع منج والله ما مصدك رضيتي
عليه لْـۆ ادري م̷ـــِْن زمان مصوب حطيت
ايدي ع حلگه لٱ اسد فدوة لتجيب طاري
ه̷̷َـَْـُذآ جان يبوس ايدي وگال افيشش
يا عطرج وترافتج شكد مشتاقلهن
دنگ باسني بشفتي مثل كأن عطشان
ويريد يرتوي اجرأت لمساته ضحكت
كوتله ميصير جرحك يأذيك گلي
شوكت اطيب والا اطلع حركه گلبي
بالشهور الفاتت منج ابتسمت حط ايدة
ع بطني شبلي شلونه بس لٱ معذب
الغزاله كوتله يعني بس مبين وكح
ضحك گال يي ع ابوه وعض شفته
مرت الايام ع ما يشفى اسد قرر نمر
يزوج الي يحبها خطبوها اله وصارت
وباجر عرسة البنية جانت حلوة وحبابة
ووياه تدرس م̷ـــِْن كملوا خطبها
اسمها اسمها هاا اگول اسمها هي وحده
من الكروب بس محگول حفاظا ع
الامن العام ( هسة كل وحده تكول اني 😅 ابقن تلاطشن) 

بيوم العرس لبست فستان حوامل
كولش حلو جان لايگلي الحمل وزايدني
جمال وياه مكياج و شعر طبعا رحت
لصالون ه̷̷َـَْـُذآ زواج العزيز نمورة طبعا
اخبار نسرة ظلت خدامه لجناين اخوانها
هاي حوبتي م̷ـــِْن تكولي تصيرين
خدامتي وتمشي صفح من الكتل كل
اليگوم ينطيها جلاق وفهد طلعوه
م̷ـــِْن السجن وسافر لان يخاف م̷ـــِْن
اسد المهم رجعت لبيت هوسة وخبصة
العرس جابوا العروسة و صبوا العشة
وزفوا العرسان 😁 اني صعدت ميته
تعب دخلت لغرفتي لكيت اسد گبالي،
نزيت بسم الله ضحك وجرني من ايدي
وقفل الباب گال جرحي وطاب ونمر
و كمل عرسة اني وحد عنه هم اريد
اعرس وهسة ضحكت كوتله كولش
تُعباُنٌهْـ جان يسحبني لجرباية ماكو
لٱ مفر قادمون يا موصل صار يبوس
بيه بكل انحاء جسمي احس بيه
الود وده يدخلني بين اضلاعه من لهفته
و حبه اليه تفاعلت وياه هوة تخبل
بزايد ما احس الا يمكن شبل حب
يگطع ليلتنه و حسيت شي وكع عيطت
بكل صوتي اسدددددد يمكن حؤلد
واني بقمه صياحي ما احس الا وجهي
وشعري وكولياتني منگعه مي فتحت
عيوني واباوع ماما جايبه دولكه مي
و راشتها عليه جان تحجي لج
فضحتينه هذا منو اسد وشنو راح
تولدين تخبلتي يلا كومي اقري وكملي
دروسج وراج امتحانات جيل اخر
وكت وعافتني ونزلت صفنت ع حالي
شنو يعني طلع هذا حلم 😥💔
اسد شبل ابني وينه طشرنه الوكت
مو جنه ملمومين ليش هيج نبع الحنان
طشرتينه هسة شحجي لبنات الكروب
حماسهن يقرة مليون
ومنتظرات الرومانطية ويتوقعن
خو معجبات نمر حيگطعني  💔

ملاحظة اني معلية نبع الحنان ماما هي يلي فززتني من الحلم والا اني كان شبعتجن رومانطيات وي اسدي فديےـتہ واللہ 😌

ملاحظة ثانية حاب احجي شي الله شاهد قصدي من كتابه هاي التحشيشة مو على الفصليات انفسهن لٱ اكو فصليات شافن ضيم وفقدن حياتهن بسبب الهمجية و سنن العشائرية الباطلة العفنه يلي تتاجر بالمرأة واكو بيهن كافحن وعاشن حسب مسمعت من ماما كانت تحجيلنه اني احشش ع قصص الفصليات دنشوفها بالوقت الحاضر.

انتظروني بتحشيشة النهوة 😁💔

مووح الجن كولجن 💋💋