ကလဲ့စား FOD- Arc13[မြန်မာဘာသာပြန်](Completed)

Chapter - 13.8.1

သိပ်မကြာခင်မှာပဲ ... Tengda စီအီးအို ဖန်းကျစ်ဖေး အဖမ်းခံရတဲ့ဆိုသည့်သတင်းက နာမည်ကြီး ဆိုရှယ်မီဒီယာများနှင့် စီးပွားရေးသတင်းများတွင် ပျံ့နှံ့သွားတော့သည်။ 'Magic World'ရဲ့ အရင်ကနာမည်ကြီးမှုရယ် ... မုန့်ဝမ် ဒီဇိုင်းဆုရတော့ လုထုရှေ့ချပြတဲ့ pink moment(ရိုပြသည်)တွေကြောင့်ရော ... ပြီးတော့ ထိုသူနှစ်ယောက်ရဲ့ အောက်ခြေမှ ဟိုးအမြင့်ထိရောက်လာတဲ့ ရာထူးအဆင့်အတန်းတွေနဲ့ ရှုမငြီးဖွယ်ရာရုပ်ရည်တွေကြောင့် ... ပြည်သူအများက ဤလူနှစ်ယောက်ရဲ့ ဖြစ်လာမယ့်အကျိုးဆက်တွေအပေါ် အရမ်းကိုစိတ်ဝင်တစားရှိနေကြသည်။

တစ်ခါကတော့ ... ထိုအတွဲကို ပြည်သူတွေမှ ပါရမီရှင်စုံတွဲဆိုပြီး ချီးကျူ းဂုဏ်ပြု ကြသေး၏၊ ယခုမျက်မှောက်တွင် ... ကောင်မလေးက မုဒိမ်းမှု, လိမ်လည်မှု, အသရေဖျက်မှုနဲ့ အခြားသောပြစ်မှုတွေကြောင့် ထောင်ကျပြီး ... သိပ်မကြာ ကောင်လေးကပါ သူမလိုပဲ ဖြစ်တယ်ဆိုတော့ကာ၊ သူတို့အပေါ် လူထုအမြင်က ဒုစရိုက်သမားအတွဲ ဖြစ်သွားတော့သည်။

သို့ပေမယ့် ... သူတို့နှစ်ယောက်အပေါ် အာရုံစိုက်မှုက မလျော့သွားရုံသာမက၊ တနေ့ထက်တနေ့ ထိုးတက်လာပေ၏။ လူများက ဖန်းကျစ်ဖေး အဖမ်းခံရခြင်းရဲ့ အကြောင်းကို စတင်မေးခွန်းထုတ်လာကြသည်၊ ဒါပေမယ့် ထိုကိစ္စက စစ်ဆေးဆဲကာလမှာပင် ရှိနေသေးတာကြောင့် ... ရဲများသည် အကြောင်းအချက်အလက်များအား လူသိရှင်ကြားထုတ်ဖော်ပြသဖို့ အဆင်မပြေ၍ ... သူတို့ဘက် တခွန်းမှတုန့်ပြန်ခြင်းမပြု ပေ။

ကျိုးယွင်ရှန့်က ဖန်းကျစ်ဖေးတည်ဆောက်ထားတဲ့ Tengdaရဲ့ ဘဏ္ဍငွေစာရင်းတမ်း၏ လျို့ဝှက်ကုတ်အား အကောက်ခွန်အရာရှိများ ဖော်ထုတ်သည့်အခါတွင် နောက်ကွယ်က တိတ်တဆိတ် ကူညီ၍ ... Tengda အား ချောက်ကမ်းပါးထိရောက်အောင် အစွန်းဆုံတွန်းပို့်ပေးသည် ... ပြီးတော့ သူသည် တစ်ဖက်လှည့်ကာ စုံစမ်းရေးထဲက တစ်ယောက်ရဲ့ ကွန်ပျူ တာထဲကိုဝင်၍ ဘလော့တွင် videoနဲ့ အသံဖိုင်တို့ကို တင်လေ၏ ... Caption တောင် ဤလိုရေးလိုက်သေးသည် - အားလုံးပဲ လူ့အရေခွံခြုံထားတဲ့ တိရစ္ဆာန်တွေကို တချက်လောက် ဝင်ကြည့်သွားပါအုံး