"إنتمائي"

(4)💛

✨رواية إنتمائي"روايات كلوفر✨
..
الحلقة(4)
..
كمل عوّن الشوايات بعد ما كملن إنتماء وإيلاف ترتيب الطاولة والسلطات .
احلام : يمي الريحه بروحها تشهي ، تسلم يديك .
انوار : فعلاً والله هيا تلموا جعت انا
والتموا كلهم وبدوا ياكلوا ويهدرزوا ويضحكوا ، زي اي لمة عيله ليبيه ❤️
جواد : مش عارفه إياد ليش ما جاش
احمد ياكل :عليم الله وحلت فيه ، لكن ع قولته إحتمال بكره جاي
إنتماء وإيلاف شافن لبعضهن بنظره مش ح يفهمها غيرهن
وبعدها إنتماء شافت لِ عون يلي كان يشوفلها ابتسملها وهز راسه كأنه يطمن فيها ❤️
بادلاته بإبتسامه صفراء
مُعين : عوّن مدلي (وشير ع السلطه )
عوّن : امسك هااه كول بيش تكبر بسرعه تعاوني
احمد : جواد عنده عوّن وعوّن عنده مُعين شن بيهزكم وانتم تعينوا (تسندوا) في بعضكم ❤️
جواد ابتسم : انا سميت عوّن وعوّن سمى مُعين
أحلام : ربي يحفظكم لبعضكم ان شاء الله
انوار : تسلمي ويحفظلك بنياتك ووليدك 💛
..
Klo0ver_novels
..
هنا كانت إنتماء تشوف لعوّن ومُعين شنو لو كان إياد كيف عوّن حنون علينا يفهمنا ويحس بينا ما كنتش ح نميل لِعوّن كنت ح نكون مكتفيه بيه وبحنيته علينا 💔
..
ومرّ الوقت وكملوا عشاء وصبا الكل يغسل في يديه وعوّن يمشي في كرسي باته عشان يشيله للحمام (اكرم القاريء) ويغسله ايديه ( للناس يلي مش متذكره جواد مُقعد من اثر حادث قديم وتوفت في الحادث اخت عوّن الوحيده 💔)
وإنتماء ردت للمطبخ تغسل في الفاكهه بعد ما طلبت منها امها
التموا الكل مره اخرى ع الطاوله لعدا إنتماء يلي كانت في المطبخ
احلام : صبي إيلاف ساعدي اختك
إيلاف : ماما بِ شنو بنساعدها بالله في غسلة فاكهه ؟
احلام فنصت فيها : تحشمي ؟
انوار ضحكت : صدقت البنيه وبعدين ما يعيشن الا يلي لساناتهن طوال 😂
احمد ضحك : وحلت فيها البنت هذ
وهنا عوّن انسحب للمطبخ او بشكل اوضح لإنتمائه ❤️
عوّن صبا ع باب المطبخ لقاها معطيته بظهرها وتغني بصوت واطي وتغسل في الفاكهه ✨
عوّن ضربها بخفه ع كتفها : مرخيه 🙄
إنتماء انفجعت : هييييه فجعتني 😭
عوّن ضحك : مش منك غناك يلي قالب الدنيا
إنتماء تزلطت : حي قصدك تسمعوا فيه برا ؟
عوّن : مش غير لعند قالولي خش قوللها تسكت صدعت روسنا
إنتماء بشك : اهاا وشن كنت نغني ؟
عوّن حك راسه : اامم نصني بابا جابلي بلُون 😁
إنتماء ضحكت وضرباته ع كتفه : واااك مبردك 🙄😂
عوّن : تي انتِ توا تحكي معايا ي دوب نسمع في صوتك ي بال امبدري تغني بصوت واطي 😂🤦🏻‍♂️
إنتماء كملت غسل الفاكهه وعوّن يتفرج عليها وينابش فيها
إنتماء : وااك عوّن خلاص عاد اطلع تو يشكوا
عوّن بعد مبالاة : واذا شكوا يعني عادي نقوللهم بنتكم نبيييييييييييهاااا (وشد ع كلمة نبيها ❤️)
إنتماء انحرجت : عوّن
عوّن : هااه سكتنا
إنتماء بجديه : فوته الكلام هذا توا ، اساساً هلي مش ح يعطوني توا لعند نكمل قرايتي ولو علم إياد بشي ح يحرمنا من بعضنا زي قبل 💔
عوّن انفعل : في عينه ما يحلمش بيها هذي انااا نبي حلااال إنتماء
إنتماء : بب ..
أحلام من برا : هيا إنتماء ساعه وانتِ تغسلي
إنتماء خافت : خخخ خلااص هيا كملت يا ماما ( وشافت ل عوّن ) اطلع قدامي انت خلاص
عوّن تنهد : باهي خلاص غير اهدي ومش تقعدي ترجفي قدامهم زي توا 🙄
إنتماء مصكره ع سنونها وموطيه صوتها : باهي اطلع خلاااص
طلع عوّن وهو يضحك عليها
وهي حطت الفاكهه في صحون وشالتها 🍃✨
..
Klo0ver_novels
..
ومرّ الوقت من جديد ولا احداث تُذكر غير ضحك وبصاره ووكال ولا يخلوا الجو من لسان إيلاف وبراءة مُعين ونظرات الحبيبين عون وإنتمائه ❤️
..
اليوم ثاني ✨ :
فتحت عيوني ع اميه تصب ع وجهي رقالي وتنرفزت كله الا حد يضايقني في نومتي
عوّن راقيله وفاتح عين ومصكر الاخرى : تي شنوو هذا الزفف (ولما شاف لقاه إياد )
إياد مبتسم : بالك سادك نوم ؟
عوّن ضبط اعصابه ويمسح في الميه يلي ع وجهه : معقوله يا إياد ؟ لنقانك بارد
ضحك إياد وقعمز جنبه : شنجو ؟
عوّن صبا : تمام كويس ، وانت ؟
إياد : الحمدلله
عوّن : باهي يلي جيت ولا تبي عزومه خاصه ؟
إياد ضحك : لا غير شغل وتوا جيت بناخذ البنات
عوّن شافله بإستحقار بعد صدمه : وليش تاخذ فيهن ؟
إياد شاف قدامه : وشن مضايقك انت ؟
عوّن شاف قدامه : إياد بالله لعند امتى بتقعد هكِ ؟ اتقي الله في نفسك تحضر شوي ؟
إياد شافله : الحضاره يلي بتطعن في شرف اختي بلوها واشربوا اميتها
عوّن شافله : من جدك انت ؟ اي شرف وأي كلام فاضي ؟ تي من يتجرأ اصلاً يجي شورهن خواتك بنات عمي راهن ؟
إياد صبا : ما نبوش نفتحوا دفاتر قديمه يا باش مهندس ، تشاو ( وطلع )
عوّن مسح ع وجه بيد وحده ومشت بيه الذاكره لأيام الطفوله ❤️✨
..
في الشارع وقدام حوش احمد :

إنتماء تبكي : أنت شين عوّن خير منك نحبش فيك ناا نحب في عوّن
إياد يشرط في لعبتها : لكن انا خوكِ وما عندكش غيري خيك الوحيد نا
عوّن يحاول ياخذ من إياد لعبته : خلاص إنتماء لما نكبروا نزوجوا انا وياكي وناخذك منه ❤️
إياد ضحك بِ شر : تحلم واصلاً إنتماء صغيره يبيلها بيش تكبر
(وجا بياخذ من إنتماء الحلوه )
إنتماء حضنت عوّن وتبكي : لالالالالا قوله
عيال الشارع يضحكوا : اووووو قصة حُب عندنا في الشارع امسك اختك يا إياد را ادير العار
إياد فار دمه ( مع انه كان صغير بس كبير وتربى ع هك ) مسك اخته ضربها وخشاها جوا 💔
..
Klo0ver_novels
..
عوّن فاق ع روحه : كنه إياد عقله صغير هكِ بس ربي يهديه (وسمع هرجه برا طلع بيشوف شنو فيه ...يتبع ✨
..
كلوفر : تفاعلكم مُحبط بكل لو ما حبيتوهاش نوقفها الروايه ؟
معقوله المتابعين 441 وعدد اللايكات مايفوتش الخمسين والتعليقات مايفوتنش العشرين ؟ توجع راه وعادي بكل لو انه الحلقه هذي ما صكرتش ع الاقل 100 لايك و50 كومنت ح نوقف نشر الروايه وشكراً للناس الإجابيه يلي تدعم فيا حتى بِ لايك حبايبي حافظتكم واحد واحد وكل ما انزل نستنا في اللايك منكم او تعليق بيق لاف ليكم 💛
..
Klo0ver_novels 💛