"إنتمائي"

(6)💛

✨رواية إنتمائي"روايات كلوفر✨
..
الحلقة(6)
..
صاح كلمة (خيها) كانت مش جديده بالأخص هالفتره ، الكل كان يقول فيها وكانت تضايق فيا ، بس لما جت منها هي قسمتني انا نكرهه الكلمه هذي ولما جت منها زدت كرهتها لكن حسابها بعدين خليني نمشي وقت الغداء ، صبا عوّن وعزق دخانه بعد سمع إيلاف تنادي للغداء .
..
Klo0ver_novels
..
لما جا عوّن شلت عيوني من عليه وشفت للأرض كنت مقعمزه ع الكرسي يلي جنب عميمه انوار والكرسي يلي مقابلني ع الطاوله كان فاضي تنهدت بعد صار يلي كنت متوقعته وقعمز عوّن مقابلني وهو عيونه ماشالهنش من عليا شفتله وكانت نظرته غريبه نظرة عِتاب ، قهر ، مافهمتش نظرته ، صحينا من شردتنا في عيون بعض بعد ما قال عمو جواد سموا بسم الله

سمينا بسم الله وكان الجو هادي غير انه عمو جواد وبابا كانوا يتناقشوا في موضوع تقريباً كان الموضوع عن مواسم الفاكهه الصراحه م ركزتش معاهم صحيت من جديد بس هالمره ع صوت عوّن وهو يقول : إنتماء كنك خيتي ما تاكلي ؟
وقتها كأنه حد عطاني كف ع وجهي شفتله بإستغراب وهو كان يشوفلي وكأنه يقولي شفتي كيف واعره الكلمه ؟
احمد : بطلي حشم كولي وانتِ في الحوش مش معقبه علينا شي 😂💔
جواد ضحك : معقوله متحشمه ؟
إنتماء بإبتسامة مجامله : لا مش متحشمه بس دوبني فطرت
وشافت لِ عوّن كان يشوفلها لاء ماكانش يشوفلها كان يفصل في ملامح وجهه تفصيل تلبكت وصبت : الحمدلله
وتوجهت للحمام ( اكرم القاريء ) وهي تسمع في صحه ، م كليتي شي ، وكلام زي هكِ يلي ينقال في اي حوش ليبي لما تصبي من ع السفره وتقول الحمدلله 💛🇱🇾
غسلت يديه ووجهي وطلعت للمطبخ صبيت ع الروشن شفته صبا شكله يبي يطلع تنهدت براحه لما سمعت عو جواد يقوله مَ تنساش بعدين تجي وتجيبلي يلي وصيتك عليه ، فرحت انه حياتنا عطتنا فرصه اخرى انتلاقوا فيها ❤️
كملوا غداء وكملت انا وإيلاف حوسة المطبخ وإيلاف كانت تحكي واجد صدعتني البنت هذي 🤦🏻‍♀️.
..
klo0ver_novels
..
في العشيه كنت مقعمزه ونتفرج ع الخيول سيبت هلي وعيت عمو يشربوا في قهوتهم ، كنت سارحه ونفكر فيه ، الصراحه المزرعه تمت مُمله بدونه صحيت مخلوعه من يد انحطت ع كتفي
التفتت وكان عوّني ❤️
..
عوّن : شفتها كيف سارحه من بعيد كنت متأكد انها تفكر فيا وحبيت نفجعها بس م هانتش عليا ، حطيت يدي ع كتفها بشويه ع اساس عشان م تنخلعش 🤦🏻‍♂️ ، بس انخلعت الهبله هذي 😂❤️
إنتماء : هييييه خلعتني عوّن
عوّن قعمز جنبها وشاف قدامه : تستاهلي
إنتماء جت بتصبي بس وقفها صوته : خمس دقايق وتلاقيني في المُلحق
إنتماء : ولو قتلك مش ح نجي ؟
عوّن ابتسم : نفس لما كنا صغار❤️ ؟
إنتماء ابتسمت لا إرادياً لما تذكرت اليوم هذك❤️ : مَ جيتش عشانك وقتها
عوّن : عشان شنو جيتي كان مش عشاني ؟
إنتماء ابتسمت: عشان الشكلاطه ❤️
عوّن ضحك ضحكه بصوت عالي : قلتيلي عشان الشكلاطه ؟
إنتماء: وطي صوتك يسمعونا
عوّن صبا : هأحم .. عالمهم تعالي حتى هالمره عشان الشكلاطه ❤️
إنتماء : اممم نفكر قبل
عوّن : انا طالع راه ومش عارفه امتى ح يكون لقائنا الجاي ؟
إنتماء : نشوف الوضع عند هلنا وتو نلحقك ❤️
عوّن ابتسم : عارفك شطوره مَ تقوليش لا
..
Klo0ver_novels
..
نستنا فيها طولت مش عارفه ليش م تجيش ع الموعد من هي وصغيره 🤦🏻‍♂️ ، شوي وسمعت حد يقول بهدوء (عوّن) عرفتها خايفه تخش ، حطيت التيليفون من يدي في جيبي وطلعتلها
عوّن :بناكلك نا ؟ خشي يارا
إنتماء : اسمع مش كان جيت هنا معناها صفيت من ناحيتك كلامك مزال يوجع فيا مزال يزن في وذني راه ؟
عوّن بعصبيه بس بصوت واطي : وكلامك ؟ وكلامهم ؟ تي انتِ م شفتي شي من الوجع
إنتماء بعياط : لا شفت شفت
عوّن صكرلها فمها وهو مصكر سنونه ويحكي : تي اسكتِ اسكتِ فضحتينا
وشال يده كانن عيونها مليانه دموع وقالت بهدوء : شن تبي مكلمني هنا ؟
عوّن بنفس الهدوء : اسف ، عارف روحي غلطت في الكلام معاكِ في الصبح ، حقك عليا بس والله كانت مظلمه عندي ، فكرة اني مش ح نشوفك اخرى تقتل فيا إنتماء 💔🔥
إنتماء مسحت دمعتها من طرف صبعها : مَ نقدرش عوّن مَ نقدرش نشيل عليك ولا نزعل منك ، الفكره هذي تقتل فيا حتى نا
عوّن : إنتماء
إنتماء: نعم ؟
عوّن : نجيبلك تيليفون ؟
إنتماء انصدمت وخافت : لالا اسفه مَ نقدرش
عوّن : إنتماء افهميني...
إنتماء : انت يلي افهمني وربي يقتلني انت عارف إياد كيف يفكر
عوّن تنهد : مفروض مَ طلبتش منك شي زي هذا .
إنتماء طبست راسها
عوّن بمحاوله لتغيير الموضوع طلع من جيبه شكلاطه : مايسترو بالرز ، مش عارفه اذا مزلتِ تحبيها زي زمان ولالا
إنتماء ابتسمت: مزلت نحبها اغلى شكلاطه عندي (وسرحت فيه وسرح فيها) ❤️
عوّن مدلها الشكلاطه : كوليها
إنتماء ابتسمت وخذتها : شكراً لأنك مهتم بأدق تفاصيلي ❤️
عوّن ضحك : وانا ليا الله مَ عندي من يهتم بأدق تفاصيلي
إنتماء ضحكت : لا يا بارد مزلت متذكره انك كنت تحب كيكة اللوز يلي كانت ادير فيها ماما ، اممم وحتى عشانك ح نتعلمها ❤️
عوّن: نجيها يلي تذكر ❤️
إنتماء انحرجت وفتحت الشكلاطه بتاكلها شد يدها عوّن وخذا من الشكلاطه فمين ❤️✨
إنتماء ابتسمت وكلت بعده ❤️
عوّن وهو ياكل : ع فكره جبتلك منها كرتونه كامله حطيتها في سيارة باتك من لاورا
إنتماء : وإياد ؟
عوّن تنرفز : اياااااه علينا كل مَ نقولك حاجه تقوليلي إياد ؟
إنتماء خافت : خلاص خلاص تو نقوللهم من عمو جواد
عوّن ضحك : باه شن كنتِ طالبه من عمو جواد (وقرص خشمها )
إنتماء ضحكت : يابارد ، شي طلبت منه شكلاطة كريزي 🙊❤️
عوّن ضحك بصوت عالي : سوسة شكلاطات انتِ
إنتماء ابتسمت: والشكلاطات يلي مش غاليات هنَّ يلي يجذبني اخرى ، فيهن نكهه خاصه نحبهن والله ❤️✨
..
Klo0ver_novels
..
بعد مرور شهر :
خليني نحكيلكم بإختصار شن صار في الشهر هذا ✨
روحنا من المزرعه سادس يوم من إقامتنا عندهم وكان الجو بجد حلو عيت عمو جواد مكانتهم خاصه في قلبي ونحب القعده معاهم ❤️ ، امَ انا وعوّن بعد مَ تلاقينا في الملحق اخر مره معش شفته لنا شهر توا لا شفته ولا سمعت حتى صوته مش مخليه غير كرتونة المايسترو تحت سريري وكل يوم ناكل طرف ونخلي منه شوي عشان عوّن ❤️
وفي يوم من الايام وكان جمعه وعوّن يوم الجمعه مَ عنداش شغل وبابا وإياد طلعوا للجامع عشان صلاة الظهر وماما في المطبخ تجهز في الغداء وإيلاف راقده 🤦🏻‍♀️ ، خشيت ع ماما : صباح الخير 💛
احلام : اي صباح توا ظهر
إنتماء: من امبدري ونا واعيه بس كنت انضم في الحوش
احلام : باهي تمام وعي اختك وتعالن ديرن سلطه وساعدني
إنتماء تشوف لتيليفون امها : حاضر هي تو نمشي (جتني جراءة مش عارفه من وين خذيت تيليفون ماما بدون مَ تفطن وطلعت نجري لداري انا وإيلاف )
صكرت باب الدار
إيلاف : اووووفف ع الإزعاج
إنتماء : ءء م ماما تبيك
أيلاف صبت وهي تأفأف : خاطري نرقد ونوعا بروحي بدون مَ تزعجوني (وطلعت )
صكرت الباب وراها بسرعه ومسكت تيليفون ماما لقيت في رمز حسيت بخيبة امل صاح هو تيليفون ماما بس كانت تقريباً اول مره نمسكه إياد كان محرم علينا نمسكوه ، عصرت دماغي مُمكن نعرف الرمز بس بدون فايده وبِملل درت صفر اربع مرات فتح ، قريب طرت من الفرحه خشيت ع جهات الإتصال وحطيت ع حرف العين دورت لقيت اسماء عرم ( عمتي نوريه ، عزيزه الحنايه ، عازه الشغاله) ، وعرم اسماء زي هكِ 🤦🏻‍♀️
بس مَ لقيتش اسم عوّن انقهرت بكل وتوقعت انه جواد يقعد موصيها مَ تسجلش رقمه بأسمه فَ قلبت الأسماء كلهن واخيراً لقيته كانت مسجلته جواد عوّن
ضحكت ع الاسم يعني بات عمو جواد اسمه مش عوّن 🤷🏻‍♀️
توكلت ع الله ورنيت تمه يضرب مره مرتين وقلبي مع كل ضربه يزيد يدق اسرع وفصل الخط ومَ ردش 💔 ، عاودت من جديد ومَ ردش واخر مره الثالثه رنيت وبرضوه مَ ردش 💔
زدت خفت يعني انا غبيه نرن وقت الظهر اكيد في الجامع حي عليا تو يعاود يرن ، وبعد تفكير دام ثواني فكرت اندزله مسج ( هلا عوّن انا إنتماء حبيت نطمن عليك بس شكلك في الجامع ، مش مشكله مره ثانيه انكلمك بس اهم شي مَ تعاودش ترن لاني خذيت التيليفون من ماما بدون مَ تفطن ، سلام )
وبعد تأكدت انه المسج مشا حذفت كل شي من التيليفون
وسمعت صوت بابا وإياد مروحين من الجامع خفت طمرت التيليفون في جيبي ونزلت نجري حطيته في المطبخ وين ما كان وطلعت قعمزت جنب بابا بعد مالقيت إيلاف مجهزه كل شي مع ماما ( مهما اختلفوا الليبين يقعدوا متفقين ع انه يوم الجمعه كأنه يوم عيد ❤️🇱🇾 )
جت ماما قعمزت جنب إياد وشوي وتجي إيلاف وفي يدها تيليفون ماما يرن وقالت عمو جواد يرن ، وقتها تمنيت الارض تنشق وتبلعني ومية فكره وفكره في راسي ، شن درتي يا إنتماء الله ياخذك 💔 ...يتبع✨
..
Klo0ver_novels 💛