✨رواية إنتمائي"روايات كلوفر✨
..
الحلقة(9)
..
التفتت انشوف في الصوت يلي ماكانش غريب عليا وشفته هو راجل قلبي ❤️ ، حطيت عيوني في عيونه وكانن يحكن جديات أول مره انشوف عيون يحكن ، قاطع الصمت يلي دام ممكن ثواني بس عندي انا كان ساعات .
عوّن : وينك ؟
إنتماء طبست راسها وكانت تبي ترد عليه لولا انها تذكرت كلام أمها ، عطاته بالظهر وكانت بتمشي وقف قدامها وقال : وينها ؟
إنتماء شافتله بإستغراب وقالت : من هي ؟
عوّن : #إنتمائي ❤️🔥 ، امبدري كانت نظرتك ليا نظره ننتمي لها ، وتوا وحده مَ نعرفهاش ؟ ، وين إنتمائي ؟
إنتماء : عوّن لو سمحت خليني نكمل حاجتي ونطلع لو طولت اكثر ح يشك .
عوّن معصب بس يحاول يبان هادي : انتِ عارفه انه عمي احمد مَ يشكش هذي أولاً وثانياً شفته وسلمت عليه وهو يلي قالي انخشلك هنا مَ يبيكش تقعدي بروحك وانتِ عارفته مَ يحبش للزحمه والمحلات.
إنتماء شافت لعيونه كويس والتفتت تشوف في السياره
عوّن يشوف للسياره : مش سمحه راه
إنتماء شافتله : شن يلي فيها مَ عجبكش ؟ سياره بالريموت ولونها أحمر.
عوّن حط يده في جيب السروال واليد الآخرى خذا بيها السياره من إنتماء : ايوااه بالضبط مُعين مَ يحبش اللون الأحمر (وشافلها وابتسم)
إنتماء تنرفزت : بالله عوّن اطلع وخليني بروحي.
عوّن بإستفزاز : تؤ تؤ يصير شي مَ عندناش بنات يقعدن في السوق برواحهن.
إنتماء شافتله : عوّن نحكي بجديه اطلع الله يربحك انا وعدت ماما 💔🔥
عوّن حط السياره مكانها : بشنو وعدتيها ؟ احكيلي من الأول إنتماء شن صار ؟
إنتماء مسحت دمعتها يلي كانت دوبها بتنزل : مَ في شي نحكيه لك كل الكلام سمعته من ماما وقالتلك نحنَ مش لبعضنا ولالا ؟
عوّن شافلها بتمعن : مَ نحسابش روحي حبيت وحده ضعيفه هكِ من أول مشكله تخلت ؟
إنتماء: مش هكي عوّن لكن افهمني انا وعدت ماما وبعدين الكلام يلي قالاته امك لماما مش ساهل راه ؟
عوّن شاف للسقف وتنهد : تمامم توا خوذي حاجتك هيا
إنتماء حسيته زعل وتضايق باين في وجه فَ حبيت نهوّن عليه ونغير الجو وقلت بتردد : ءءء عوّن
عوّن شافلها بنظرات مهمومه : عيونه
إنتماء تلبكت : ءء ء قصدي يعني احترت شن نجيبله ساعدني مثلاً اممم أنت وصغير شن كنت تحب ؟
عوّن ابتسم ابتسامه خفيفه : انتِ بس ، كنت انحبك انتِ بس لما كنت صغير ❤️🔥
إنتماء بعيون يلمعن : جديات ؟
عوّن تنهد : وحقربي .
إنتماء : خلاص عوّن الله يربحك اختار معايا ولا اطلع م نبش نحكي انا
عوّن: باهي امتى يا إنتماء امتى نحكوا ؟
إنتماء تمشي وعوّن وراها : م نعرفش امتى
عوّن: بكره ح انتفاهموا ، جايه انتِ أكيد ؟
إنتماء تنهدت بقلة حيله : ان شاء الله
وبعد دقايق شفت لعوّن : انا كملت راه
عوّن: خلاص معش تبي شي ؟ ، حتى لروحك ؟
إنتماء: لالا م نبش شي ، إيلاف وصتني ع كم حاجه جبتها لها اممم اعتقد اني م نسيت شي
عوّن ضحك : باهي اطلعي هيا يا اعتقد 😂
إنتماء ضرباته ع كتفه بخفه وضحكت : بارد
عوّن : تخيلي بس
إنتماء: شنو ؟
عوّن وهو يشوف لعيونها : اننا متزوجين ❤️🔒
إنتماء انحرجت : باهي ؟
عوّن: وجايين هنا نجيبوا في هديه لبنتنا❤️
إنتماء ابتسمت : وليش مش ولدنا ؟ ❤️
عوّن بجديه : حوشنا ناقصه بنات يا إنتماء
إنتماء بعفويه: تو يكتبلنا ربي نصيب ونجيكم أنا ❤️
عوّن ابتسم : انتِ وامي وانا وباتي ومُعين ، هئه مزلنا م تساوينا ، لكن كان خذيتك انتِ مع وليه اخرى ميه ميه 😂
إنتماء تنرفزت: اصلاً الحق عليا انا يلي نبصر معاك هيا شوفلي حقهن بنسلكهن
عوّن بجديه: لالا مَ عليك اطلعي لباتك انتِ توا
إنتماء بحزم : عوّن لو سمحت انا عندي توا وقت يلي م يقعدش عندي ح نطلب منك وعد
أنت تقرأ
"إنتمائي"
Romanceرواية من جزء عميق في الواقع الليبي. رواية مختلفه وقصتها غير💛🔥. نطرح في مشكلة ما حكتش عليها اي رواية قبل هكِ ، ونصائح ممكن تغيرك للأفضل ، ✨رواية إنتمائي"كلوفر الصفراء✨
