💕أنت قلبي٢💕

الحلقة ٦٥

#انت_قلبي٢
#بوسي_مصطفى
_____________
الحلقة ٦٥

في الجامعة....
رقية : ما تبطلي بقى.. ايه اللي حصل لكل دا يعني؟
ابقى اطبعيها في البيت يا قسمت ومتكبريش الموضوع بقى!
قسمت : اللي غيظني قلة ذوقه
قال بيقولي وانا همشي الم الورق اللي في الشارع!
حرق دمي.
رقية : لا سلامتك يا قلبي ألف سلامة.
قسمت : بتتريقي!!
رقية : شوفي مين جايه ناحيتنا.
قسمت : مش دي ملك؟؟
رقية : ايوه هي.
قسمت : مش كانت محجبه
يا بنتي وايه اللبس اللي لابساه دا؟؟
رقية : يا اختي واحنا مالنا!
ملك ببتسامة : ازيكم يا بنات؟
قسمت ورقية : الحمد لله.
رقية : اخبارك ايه يا ملك؟
ملك : الحمد لله.
ايه معندكوش محاضرات؟
قسمت : أنا خلصت رقية لسه عندها محاضرة.
رقية : يا خبر اتأخرت.. سلام.
ملك : مع السلامة.
قسمت : اقعدي يا ملك.
ملك : هتستني رقية؟؟
قسمت : ايوه ما احنا بنروح مع بعض.
اقعدي نشرب حاجه سخنه.. الجو برد اوي النهاردة.
ملك : بالعكس الجو جميل اوي.
قسمت : امال أنا مع كل اللي لابساه ده وبردانه ليه؟!
____________

في فيلا كريم...
ندى : هههههههههههه
فريدة : بتضحكي على ايه انتي كمان؟؟!
ندى : عادي يعني يا فريدة ما انا كمان ممكن احمل قريب واجيب ولد اسميه كريم هتضايقي وقتها؟؟!
ههههههههههههه
فريدة : ندى انتي عارفه كويس اوي أنا أقصد ايه.
وبعدين دي بتقولي على طول ادعي إن كريم ابني يبقى زي دكتور كريم.. شوفتي جايه تفرسني ازاي؟!
ندى : هههههههههههه
يا بنتي انسي بقى.. يا فريدة يا حبيبتي ولادك كبروا خلاص
وانتي لسه عقلك صغير زي ما هو.
ولا دا بقى من شدة الحب اللي عندك خليتك تغيري من مجرد كلام ويمكن متقصدش اللي في دماغك دا خالص قالتلك أخوها الكبير دا ملفتش نظرك لحاجه؟؟
فريدة : اللي ايده في المياة مش زي اللي ايده في النار صحيح!
ندى : هههههههههههه بطلي يا مجنونه بقى.
بقولك... معرفتيش اللي حصل؟
فريدة : هو ايه دا اللي حصل؟ معرفش حاجه.
ندى : مصطفى راح لولاد اختك على الشقة وكان عايز يطردهم منها وكلموا حازم راحلهم على هناك وكانت خناقة كبيرة.
فريدة : يا بجاحته هو ليه ايه في الشقة علشان يروح يطردهم منها؟!
ندى : ما هو حازم طرده بس البيه بيقول لا اخد الشقة أو المكتب اكمن حازم يعني مشغل المكتب علشان القضايا اللي لسه موجوده ومش عاجبه الوضع عايز يشغله لحسابه..
فريدة : هو البني آدم دا مش هيفوق بقى هو جايب الجرأة والبجاحه دي منين؟!
ندى : يا حبيبتي الفلوس تعمل اكتر من كده.
فريدة : لا يا ندى اللي عنده مبدأ الفلوس متغريهوش.
ندى : مبقاش موجود من النوع دا يا فريدة إلا قليل جداً بلاش نضحك على بعض.
فريدة : معاكي بس دا ميمنعش إنه معندوش مبدأ اساسا.
ندى : سيبك من الموضوع دا علشان حازم اصلا مش هيسيبه ينفذ اللي في دماغه وهو عارف بيعمل ايه علشان كده انا مش قلقانه بس بجاحه الأخ دا هي اللي بتخلي الواحد يتكلم.
قوليلي الولاد عاملين ايه في المذاكرة؟
فريدة : مطلعين عيني يا ندى.
ندى : زي اللي عندي
بس اهو انس خف عني شوية بعد لما دخل الجامعة
تالا بقى اللى مطلعه عيني معرفش طالعه لمين انا كنت شاطره في المدرسة.
فريدة : أوي... انتي هتقوليلي
ههههههههههههه
ندى : دي تريقه صح؟
فريدة : هههههههههههه
فاكره يا ندى؟
ندى : فاكرة يا اختي ومش ناسيه
لما ورطيني واخدت يومها حتة علقه  بسببك.
فريدة : هههههههههههه
تعيشي وتاخدي غيرها أنا عمري ما زوغت من المدرسة.
ندى : لا يا شيخه؟؟! امال لو مش كل سيدهاتك عندي كنتي قولتي ايه؟!
فريدة : هههههههههههه
ما عدا مرة او مرتين يعني شيء لا يذكر يا نودي.
ندى : هههههههههههه
مرة أو مرتين بس؟!بلاش كدب بقى.