🌿البارت الاول 🌿
كل يوم توعدني تجيني وماتجي !
كل يوم أوصَي النجمة توگفلك على
الشباج ، نار تاخذني ويطفيني البچي ،
چنت أريد أرتچي عليك
طَلعت أنتَ المرتچي !
آخ لو تدري شگد ضام لعيونك حجي !
🌿🌿🌿🌿🌿🌿🌿🌿🌿🌿🌿🌿🌿
جنت شايله على ظهري و اركض بي حسيت نفسي خلص اريد اتنفس ماكو ماكدر و انه مستمر بركض الدنيا ضلمه بس اكو بنهايةطريق ضوء صرت اركض اتجاه هذا ضوء و اكول اصبر شوية بعد ما اخليك تموت.....شفت بنهاية طريقة بنيه لازمه سلاح و جاي توجهه علينا طحت يم رجليها باوعت عليها جانت مغطيه وجهه و ممبين شيء منها غير عيونها بس مجانت عيون جان سحر و بيها لمعه و قوة كتلها ــــ راح يموت ساعدي......
فجأةكعدت لكيت نفسي بغرفتي باوعت يمينه و يسرى جنت كاعد احلم اوف سمعت صوت اذان الفجر رحت توضيت و نزلت شفت الشيخ و ابويه و اخويه ولده كاعد يصلون رحت وكفت وياهم اصلي خلصوا او كل واحد راح لغرفته بقى الشيخ يقراء قران كملت صلاتي و رحت بست ايده كلي
الشيخ عذاب ـ بويه ثائر شكو وليدي ليش متروح تكمل نومتك وراك طلعه
كتله ــ شفت منام
كلي ــ بويه ليش انت اول واحد يشوف منام
ثائر ـ لا بس
الشيخ عذاب ـ جا شكو يابويه
ثائر ـ انت تدري انه ماشوف احلام هواية و اذا شفت شيء يتحقق
الشيخ عذاب ـ شنو شفت
حجيتله كل شيء شفته كلي روح نام وليدي ماكو شيء ان شاءلله خير يـ ساعة راح تلتحق
ثائر ـ مدري عمار كال انه اتصل و اكلك
الشيخ عذاب ـ جا متروح تكمل نومك وراك طريق طويل وليدي لا تشغل بالك بالاحلام انت ذيب
ثائر ـ صار
بسته من راسه و صعدت على غرفتي و مكعدت الا على صوت موبايل باوعت جان عمار يتصل
ثائر ـ الو عمار
عمارـ ثائر حضر نفسك ساعة ٣ نطلع
ثائر ـ ان شالله
عمار ـ يله الله وياك
ثائر ـ الله وياك
باوعت للساعة جانت بـ١١ ونص فتحت الباب و صحيت على بنت اخوية
هبة الله ـ عمو ثائر تريد شيء
ثائر ـ بعد عمج بس حضريلي الجنطة مالتي انه حدخل اسبح
هبةالله ـ صار عمو تدلل
اخذت ملابسي و هيه كعدت تجهز بملابس مالتي من طلعت جانت مجهزه الجنطة و تاركه ملابس عسكرية على فراش و بسطال يم الباب و طالعه لبست ملابسي و البسطال و خليت مسدس على خصري باوعت على ساعة جانت بـ١٢ونص ضميت الشاحنه بالجنطة و خليت موبايل بجيبي اخدت عطر و رشيتها على نفسي اندك الباب كلت منو
هبة الله ـ عمو ثائر جبتلك الغذه بس تعال افتحلي الباب نكسروا ايديه
رحت فتحتلها الباب جانت شايله صينيه و شوية يوكع من ايدها لانو جانت مليانه اكل كتلها
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
