السلآم عليكم ورحمة الله وبركاته
الأغاني....!
"صلوا على الحبيب💛"
قال الله عز وجل :
"وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ"الآية [لقمان:6]
كان عبدالله بن مسعود يقسم على أن لهو الحديث هو :
الغناء...
سيدنا محمد عليه الصلاة والسلام قال في االحديث الصحيح :
"ليكونن من أمتي أقوام يستحلون الحر والحرير والخمر والمعازف "
الحر : هو الفرج الحرام يعني الزنا ، والحرير معروف محرم على الرجال ، والخمر معروف محرم على الجميع وهو المسكر ، والمعازف هي الأغاني وما يعزف به من آلات الملاهي....
ولو كان مع الأغاني آلات الملاهي من الرباب وغيره من أنواع الملاهي كالطبل وكالموسيقى وكالمزمار فطدا الذنب بقى اكبر بكتير...
مش لما ربَنَا بيحرم حاجه بنعرف إي سبب التحريم وكدا..
طيب ربَنَا ليه حرَم الأغاني
لأنها بتحرك المشاعر ، أي حد فينا لما بيسمع أغنيه رومانسيه إي اللي بيحصل كلنا بنحس نفس الشعور وبنفكر بالحب وبنفكر بيااا لو نتحب ، جربي بقى تسمعي أغنيه حزينه لو جبنا إنسان متوجعش في حياته أو مشفش أي حزن زي الأطفال مثلا والله هيتوجعوا مابالك أصلا إن إحنا كبار يعني أكيد شفنا إبتلاءات وحزن وجع يعني لما تسمعيها سبحان الله بتفتكري القديم والجديد وتقعدي تعيطي !
عارفين ليه بقى حرام لأنها بتأذينا بتأذي قلبنا ، يا بتخلي قلبك يحس إنه عايز يحب او يفكر بالحب وحتى لو مش قصدك ، يا بتخلينا نتوجع ودا غلط سبحان الله ربَنَا محرمهاش كدا وخلاص لا كل حاجه ليها أسباب ونتايج
والسبب هي إن الأغاني فعلا بتأثر فينا إحنا مش بنحبها لكن بنحب نسمعها عشان نتوجع ونفتكر القديم أو نفكر في الحب وأحيانا بنسمعها كتسليه ....لكن نتيجتها وحشه واوي كمان لأنك لما بتفكري بالحب بسبب أغنيه رومانسيه أو شفتي فيديو لإتنين بيحبوا بعض وكمان عليها أغنيه طبيعي تفكري بالحب يعني ويحصلك مشاعر غريبه ، ولما هتسمعي اغنيه حزينه فإنتي هتتوجعي وهتحسي إنك مخنوقه وهتمنع عنك إنك تذكري ربَنَا لأنها بتلهي ...
لما ربَنَا بيحرَم حاجه فدا لمصلحتنا واحنا اللي بنتأذي ربَنَا اللي عالِم أكتر مننا بكتير إي الصح وإي الغلط ...
هي ليه الخمرة حرام!؟
لأنها اصلا بتذهب العقل يعني بتخلي العقل مش موجود فبالتالي الشخص دا هيبوظ كل حاجه سواء هيأذي الناس اللي حواليه وكمان هيأذي نفسه أكتر فهي مش حرام عشان دا تشدد لا لكل حاجه أسباب وغير كدا ربَنَا عز وجل مش هو اللي هيتأذي مثلا أو هيضر لا بالعكس هو عمل كل دا علشان يحمينا ومع ذلك كتتيرررر بيشربوا خمرة أو مخدرات وغيرها وبيحصل مصايب ملهاش وصف وبنسمع عنها أكيد!
ورغم إن الأغاني حرام شايفين قد اي بيغني! شايفين قد اي مننا بيسمعها ومش عارف يبطلها!
طيب انتي بتسمعيها لكن نفسك تبطليها ومحدش بيعمل ذنب وبيتمنى ميبطلوش اكيد بس هي الفكرة في إنك بتحاولي او لا!؟
الاغاني محدش بيحبها هي نوع من التسليه مش أكتر لكن التسليه دي حرام
إكرهي الأغاني يعني مثلا بتحبي أغنيه معينه إكرهيها ومتفكريش فيها أنا كنت مدمنه اغاني بدأت فعلا أكرها ومعنتش بحبها نهائي لدرجه إني لما بسمع بس أغنيه بس بضايق وبتخنق على طول لأني كرهتها فعلا
عارفه إنك مش عارفه تبطليها بس طبيعي لأنك حباها بس لازم تكرهي الحاجه دي
واوعي تقولي اكيد مش هدخل النار بسبب أغاني يعني!
طيب انتي نزلتي أغنيه وواحدة خدتها ونزلتها قاموا صحاب اللي نزلتها بعدك خدوها ومُتخيلة كام واحدة خدتها مُتخيلة العدد ، ومش هتبقي عارفه أصلا لسا مين بيسمعها أو مين خدها تاني وكل دا في ميزان سيئاتك وانتي ولا هنا ومفكرة إنك خلاص نزلتيها بقى وخلصت على كدا....
وتيجي بقى يوم القيامه هتلاقي كم سيئات رهيب! ومنين وازاي وتلاقي بسبب أغاني ملهاش لازمه أصلا سمعتيها ونزلتيها ومستفدتيش منها بحاجه لا دي ضرتك ..
اوعي تاخدي أي ذنب ببساطه اللي بيعمل ذنب وبيندم عليه فدا بيبقى عند ربَنَا غالي جدا لأنه بيندم فربَنَا عالِم إنه بيغلط لكن ندمان فبيبعتله إشارات وناس تفهمه وفعلا بيستجاب لأنه بيبقى محتاج حد بس يدله على الصح..
أما اللي بيعمل الذنب وهو أصلا مش فارق معاه وواخده ببساطه وإنه اي يعني ماكلنا بنعمل ذنوب ، فدا بيبقى همه الدنيا أوي ومش فارق معاه أخرته
متاخديش كل حاجه ببساطه أو إنك لما تعملي ذنب وتلاقي كتير بيعملوه فتستريحي إنك مش لوحدك لا انتي هتقابلي ربك لوحدك مش مع الناس خالص وسيئاتك هتبقى لنفسك هتتحاسبي لوحدك..
ودا مش تشدد دي نصيحه ، وكلنا رسايل لبعض فيه اللي هيسمع وهيدور وفيه اللي هيطنش ..
متسميعهاش تاني علقي قلبك بالقرآن أنا بسمعه بصوت شيوخ جميلة جدا زي عبد الرحمن مسعد والعفاسي واسلام صبحي انا من كتر مابسمعه بقيت بردد الآيات بدل ما كنت بردد الأغاني
إسمعي كلام ربَنَا والله هيتحفر في قلبك ومنها هتحفظيه والله وصدقيني هتبعدي عن الأغاني تمامًا لأنك خلاص اتعودتي على القرآن على الأقل هتاخدي حسنات وهتحفظي القرآن ومش هيبقى فيه ذنوب وريحتي نفسك ولو انتي كنتي بتنزلي اغاني وكدا او بتسمعيها فإستغفري وتوبي ومتسميعهاش تاني وخلاص كدا الذنب دا هيقف حتى لو غيرك خد الأغنيه لأنك توبتي واكيد مش هتعرفي تروحي لكل دا ومتخلهمش ينزلوا الأغاني فمتخليش الشيطان يدخلك من ناحية إنه لا مش هينفع وغيره من الوساوس لا توبي وربك غفور رحيم...💜
احبكم في الله 💜
أنت تقرأ
هنصعد سلم الالتزام معا🥺💜🌸
Duchoweبصوا عاوزين نلتزم بقي؟ اصل الحياة مش لهو ولعب بس عاوزين نعمل صح بقي♥ ولَن يُخيب اﷲ صِدق إلحاحَك ما دُمت مُتيقناً :")) وكمان الجنه جميله اوي مش يلا بقي نفوق ونقرب من الله
