فكي التكشيره 💝💝 واضحكي ضحكه كبيره ❤ بسرعه بسرعه 💐 صلي على سيدنا محمد افضل الخلق والمرسلين 💐
نخش في صلب الموضوع على طول♥🌷
هناء : انا مدايقه من نفسي اوي ياهبه...ومقصره في حق ربنا اوي.... كنت محافظة علي الصلاه ومبقتش بصلي.. بسبب دروسي...مفيش وقت خالص
هبه : طب واي يعني دروسك يابنتي...صلي في وسط الدروس وعادي لو اتاخرتي 10 دقايق...
هناء: مفيش مكان ومبعرفش اصلي فين....وبعدين بتكسف اصلا اصلي قدام حد .
هبه : مفيش حاجه اسمها مفيش مكان.... الجوامع كتير واغلب الوقت مفتوحه...ادخلي ومتكسليش....او تطلبي من الاستاذ او الاستاذه بتاعتك سجاده وتوريكي القبله وصلي في اي مكان في الدرس....
ومينفعش تقولي بتكسف.... انتي بتصلي لربنا مش عشان الناس فاوعي تقولي كده تاني.....وكل ما تفكري بالطريقه دى.....استعيذي بالله من الشيطان ومتخليش الافكار دي تسبطر عل ....ديننا جميل جدا والمفروض نفتخر بيه....ونكون فخورين ان بنعمل كده لربنا...ومش عاوزين حاجه غير رضاه ..ونكون فخورين بديننا.....
هبه : مع اني اكبر منك اهو وكنت بصلي في جنينة الجامعه قدام الناس عادي.... ومكنتش بهتم بكلام حد اهم حاجه صلاتي .
هناء : بتهزري قدام الناس عادي 😳😳
هبه : اه وكنت باخد السجاده بتاعتي معايا دايما... مكنتش بخرجها من شنطتي...و كنت بخلي صحبتي تقف ورايا... ولما اخلص هي تيجي تصلي وانا اقف وراها ...وساعات في مكان ورا مبني الجامعه فاضي بنصلي انا وصحباتي فيه ....
كل ده عشان مضيعش الصلاه....واحافظ علي صلاتي في وقتها.
هناء : انتي جميله اوي ياهبه... ربنا يبارك فيكي ويهديكي الطريق الصح انتي والمسلمين اجمعين.
هبه : المهم تحافظي علي صلاتك....ومتسييهاش عشان الدروس كتير او اي حجه ومتهميش بكلام حد.
هناء : المشكله ان صحابي بيكونو معايا ويقعدو يضحكوا ويتريقوا عليا ورخامه وألش بقا...
هبه : متهتميش لكلام حد.... وهما لو صحاب كويسين.... هما الي كانو يساعدوكي عالصلاه ويفكروكي بيها....مش يقعدو يتريقوا عليكي...دول صحاب مش كويسين....ودوري علي صحبه حلوه...تساعدك عالجنه....مش كل همهم الدنيا واللبس والخروجات وبس....ويضيعوا الصلاه ومش في دماغهم اصلا.... 🤦♀️ربنا يهدي الجميع 🤦♀️
هناء : ازاي بس !! انتي بتقولي اي طب لوسبتهم همشي مع مين ؟؟
هبه : ربنا هيعوضك بالاحسن ياهناء والله
قال رسول الله صلى الله عليه وسلم :( مًنِ تٌرکْ شُيَئآً لَلَهّ عٌوٌضهّ آلَلَهّ خِيَرآ مًنِهّ ) .
ربنا مبينساش حد....خليكي مع ربنا وهو مش هيرزقك بصحاب حلوين بس.... ده هيخلي امورك كلها سهله ياهناء وهتحسي بان قلبي مرتاح ومطنمنه دايما
ودايما في اي وقت خلي لسانك شغال بالذكر دايما...بأي ذكر المهم تكسبي حسنات في ثانيه...مفيش أسهل من الذكر وانك تاخدي حسنات عالطاير كده..... الناس كلها عاوزه فلوس وبتجري وراها....وانتي خليكي مع ربنا ولسانك بالذكر وعاوزه حسنات واجري وراها....💗💗
أنت تقرأ
بسمة أمل( إسكريبتس)
De Todoعيش حياتك باسلوبك وبطريقتك..🌷🌷 متهتمش بكلام الناس... خليك واثق من نفسك انت جبل لوحدك انت جواك حاجات كتير حلوه💋💋 متتهزش ولا تخاف من حد الا للي خلقك 💝💝 افرح من قلبك ومتسيبش الزعل يسيطر عليك 😍خليك مع ربنا هتنول السعاده وهتكسب الدنيا والآخرة💖💖
