بسمة أمل( إسكريبتس)

عفي نفسك

فكي التكشيره 💝💝 واضحكي ضحكه كبيره ❤
بسرعه يلا 💐
صلي على سيدنا محمد افضل الخلق والمرسلين 💐💐نخش في صلب الموضوع على طول 💞💞

بصي ي ست البنات ي عفه ♥
متقوليش ي سطا هاا.... دي لما واحد يكون بيكلم صاحبه 😒

ولا تقولي اشطاا... دي بردو لما اتنين شباب يتفقو ع كلمة 😒

ولا تقولي الدنيا عنب... دي لما شاب يكون في امتحان ومش عارف حاجه 😒 😅

ولا تقولي ف*خ .... حذفت حرف لعفه اليد عن كتابتها ودي لما واحد يكون ضارب استروكس وواحد يسأله الدنيا
عامله معاك أي يقول زفت فش* 😒

ولا تقولي ب*ض او بيض**عيب واللي بعدها أسوء دا كلام مش كويس يعف اللسان عن نطقه بلاش الاسفاف دا رجاء 😒

ولا تقولي اح* ودي اللي معناها انا حقا اعترض وبردو عيب قولي بدالها مش موافقة أو أي حاجة إنما بلاش الارف دا 😒

ولا تقولي استروكس استهدي بالله انت بنوته ياوردتي ♥

ولا تقولي ازميلي
ولا تقولي اصحبي زميلي واصاحبي دي يقولها السواق لزميله 😅 😒

ولا تقولي خر* دا اسمه ارف وإسفاف بلاش ارف هاا
ولا تقولي مستكنيص مش ليكي الكلمة دي دي لواحد قاعد في غرزه 😒

ولا تقولي حبيت قولي ماشاء الله واللهم بارك رقيقة جدا الكلمات دي ♥

ولا تقولي حمو بيكا ولا شطه ولا حاحا بعد مايكون حرام الكلام دا للشباب خليكي رقيقة ي بنتي ♥

ولا تقولي تيب وحاتر وماثي ونحم واواوا دي مياصه معلش في اللفظ وخضوع 😒

ولا تمشي تاكلي ولا تهزري ولا تغني ولا تبقى رافعة حاجبك ولا تبقى ماشية تاكلي لبان ولا تحطي يدك في جيبك ولا تلبسي خلخال وتبيني نص رجلك 😒 😒 😅

دي قلة دين قبل ماتكون قلة حياء عفي نفسك وتحلي بالحياء
انتي أرق واجمل وأعف♥ من انك
تسترجلي أو تخضعي وتتمايصي كدا انتي لازم تبقى بنوته لازم تموتي جعفر اللي جواكي دا مش معني كدا إنك تتمايصي لاااا 😅

تزيني بالحياء ومن الحياء انك مترقيش صوتك ومشيتك وكلامك 😒 😅 اه والله
الخلاصة خليكي ع طبيعتك إنما باللي يرضى ربنا ورسوله ربنا يعفك ويسترك تزيني بالحياء ♥
واسفه لو قلت كلام مش كويس إنما لازم أوضح عشان البنات تفوق لنفسها
ومش معني اني قلت الكلام دا كله للبنات انه مباح للشباب بردو لا لا لا لا 😒

اتكلمو باللهجة اللي الرسول وجههنا ليها ي جماعة اتكلمو عربي بلاش الاسفاف دا 😒

~~~~~~~~~~~~~~~~~~~~~~~~~

أنا البس اللي أنا عاوزاه أنا حره ⁦..🏃🏻‍♀️