في منزل فؤاد النجار
صباح: نيره يا حبيبتي انا سبتك ترتاحي امبارح شكلك متقبلتيش في الوظيفه صح
نيره بتوتر: بصراحه يا ماما انا... بصراحه انا مرحتش الشغل واستلمته وكلموني وقالولي ان عشان غبت اول يوم ليا اعتبروني مرفوده
صباح بصدمه: مرحتيش الشغل ازاي يابنتي مش انتي كنتي نزلتي امبارح علي اساس تروحي تستلمي الشغل
نيره بقلق وتوتر: ايوا وبعدين وانا في الطريق كنت هغبط بنت صغيره بالعربيه ولما وقفت فجأه واحد خبطني من ورا وبعدين انا نزلت ولقيته بيزعق وقالي لازم نروح القسم فروحت القسم و عملي محضر
صباح بصدمه: محضر! وانتي مقلتليش ليه اتصرف امبارح
نيره: كنتي هتعملي ايه يعني ياماما
صباح: كنت هتصل علي ادم جرنا زمان هو بسم الله ماشاء الله ظابط قد الدنيا
نيره بتوتر:مهو هو اللي عملي المحضر
صباح بصدمه: ايه هو اللي عملك المحضر
نيره بسرعه: ايوا هو عشان يسكت الراجل اللي معايا وبعد لما الراجل مشى قفل المحضر من قبل ما يتفتح
صباح بفرحه: والله انا طول عمري بقول الولا ده جدع ربنا يرزقه ببنت الحلال انا عرفت من امه انه لسه متجوزشي مش عارفه ايه يابنتي اللي مخليكي رفضاه بعد الزفت علي ده وعلي قد ماكنت زعلانه انه سابك فجأه علي قد ماكنت فرحانه عشان مكنتش مرتحاله
نيره بحزن تحاول ان تخفيه امام والدتها: بعد اذنك يا ماما انا تعبانه وعايزه انام
صباح: ماشي يابنتي متزعليش بكره ربنا هيعوضك اللي احسن منه اسيبك انا بئا ترتاحي شويه
نيره بعد خروج والدتها: ااااه لو تعرفي يا ماما انا بحب ادم قد ايه وان بعدي عنه ده خوف عليه وخوف عليا من الزفت علي ده
Flash back
تحديدا في يوم ترك ادم لنيره ونقله الي بيت اخر
نيره وقد رأت رقم علي : نعم
علي: ايوا ياقطه حبيت افكرك بس ان لما الظابط ينقل النهارده ولا اعرفك ولا تعرفيني
نيره بغضب: انا مش ناسيه انا مستنيه اليوم اللي مفيش حاجه تربطني بيك والحمد لله اني هرتاح منك النهارده ومن قذرتك
علي بغضب: ماشي يانيره هعدهالك عشان ده اخر مره تتكلمي معايا اه بس نسيت افكرك برضه لو فكرتي تتخطبي لسنيور باشا بتاعك ده لهكون قتله وقتلك
نيره بحزن وبكاء: انت اييه معندكشي دم مفيش رحمه مش كفايه ابويا اللي انت قتلته كمان مش هتخليني اتجوز الانسان اللي بحبه
علي: انا قولت اني هبعدك عنك بس لو رجعتي للسنيور بتاعك هيشك انك كنتي مرغوبه وممكن انتي تقوليله فأنا بأمن نفسي ياقطه وده حقي ولا ايه
نيره: بس برضه من حقي اني اعيش حياتي مع اللي بحبه
علي: بصي بئا انا اتكلمت معاكي بذوق بس مليش انا في دلع البنات بتاعك ده بتحبيه مبتحبهوش لو اتجوزتيه لكون اقتلك انتي وهو فاهمه
واغلق علي الهاتف
دخلت صباح الي الغرفه بخضه عندما رأت نيره: مالك يا نيره في ايه
نيره: مفيش ياماما انا كويسه
صباح: خطيبك اللي اسمه علي ده هيجي انهارده؟
نيره: لا ياماما مفيش نصيب احنا سيبنا بعض خلاص
صباح:طب ليه انتو اتختلفتو في حاجه
نيره وهي مستمره في البكاء: لا يا ماما بس هو اتصل وقالي مفيش نصيب
صباح:خلاص ياحبيبتي ولا يهمك هو اللي خسران انا اصلا مكنتش مرتحاله بس ابوكي الله يرحمه بئا اللي كان بيحبه
نيره: انا مش زعلانه ياماما كل شئ نصيب الحمدلله
صباح: عرفتي ان ادم وعيلته هينقله انا زعلت خالص
نيره بحزن: ايوا عارفه كان قالي من يومين
صباح:نيره كانت شيماء كلمتني ان هي تيجي تخطبك لأدم لما كنت حكتلها عن الخلافات اللي مابينكو بقالكو فتره وقالتلي لو مش مرتاحه معاه تسيبه وهي تخطبك لأدم وانتي وادم مع بعض من زمان ومتقبلين بعض بس انتي كنتي مرغوبه علي الزفت علي ده عشان ابوكي كان بيحبو وكان شايف ان ده اللي هيحميكي ويصونك
نيره بحزن وقلب مكسور: لا ياماما انا طول عمري بعز ادم كأخ غير كده لا
صباح بتعجب: متأكده يا نيره من كلامك ده
نيره بحزن تحاول اخفاءه: ايوه يا ماما متأكده
صباح: ماشي يابنتي انا مش هغصبك هروح اسلم عليهم واشوفهم لو محتاجين حاجه
نيره حزين: ماشي ياماما انا هنام شويه
صباح: ماشي يا بنتي عايزه حاجه
نيره: لا ياماما شكرا
