خلف أسوار القدر.

البارت الرابع

أني عشقتك وأتخذت قراري فلمن أقدم ياترى أعذاري لاسلطةفي الحب تعلو سلطتي فالرأي رأي وألاختيار أختيار هذي أحاسيسي فلا تتدخلي أرجوك بين البحر والبحار
نزار قباني

(راح نتكلم عن نهاية ولارا وإبراهيم بالبارتات اللي يجي)

من شفته ونضره عيونه عبالك صقر خفت وأني من يوم يومي أجبن وحدة بأخواتي كال سلام عليكم وأني بخوف

وعليكم السلام هو رد كال أخاف أحرجتج أسف اني بس

لا أنت جاي يم أخوك

أني كل يوم أشوف صهيب بس اليوم بالذات جيت حتى اشوفج واحجي وياج

  عفية أني جاية أخلص كلية ماأدور هيجي شغلات

عمر: شغلات شنو هههه
فردوس : أسف مفتهمت قصدك

عمر :شوفي يابنت الناس من يوم شفتح دخلتي عقلي كبل كلبي وما اريد منج تتسرعين بقرار بس طالب منج فترة نتعرف وأسمع رأيج

فردوس : مصدومه من الحجي أنثوليت بس أباوع على وجه من كال احم حسيت على نفسي طلعت مني كلمه الله
كريم مأاعرف كن سحر عيونه اللي ضيع فكري

هو ضحك بوقار كال مدام بيها الله كريم لعد نتأمل خير

رأسآ كلت ارو ح أني تأخرت
عمر:الله وياج ياعيني

و صار بالأسبوع مرة لو مرتين يجي بحيث صرت أنتظره وعيني ينتظر جيته
حبيت رزانته وشخصيته إلى أن فد يوم أني دانزل من الباص لمحته كل جسمي رجف كلما يقترب

عمر :صباح الخير جيت من الصبح أعرف أنتي عندج مكتبه والبقية ميداومون أريد اسمع جوابج كافي يابنت الناس متت من الانتظار حبيتج وأريدج وأريد أسمع جوابج

فردوس:بس والله هاي أول مرة أحجي ويه شخص غريب وخايفة(طبعآ اني حجيت لنور ونهلة عن عمر هذوله صندوق أسراري وشجعوني)

عمر:ماكو غريب ياعمري وأم بيتي بالمستقبل وهاي رقمي بس خابريني حتى نتعرف ويروح خجلج مني وما أصير غريب ههه

فردوس :أخذت منه الرقم وضحكت يارب كأنه بعيونه سحر مأكدر أقاوم حجيه.
أبتسم وكال هسه أحس الدنيا ضحكت إلي منتظر مخابرتج أم بيتي

بالليل كاعدة أريد ادك على الرقم وتردت بيدي الموبايل ودست أتصال بعدين رأسآ غلقته ومطول اشوف الشاشة يضوي هو وأخواتي نايمات بس كلت الو

عمر: الوات عيني شوفي فردوس أحبج
وحق الله شفتج مرحتي من فكري أريدج بالحلال بس وافقي ثاني يوم أهلي عندج

فردوس :لاعفيه مو هيج خلي اتعرف وأتعود عليك واخلص على الأقل الثاني

عمر :ياعيني فتره الخطوبه أحلى وكت نتعرف على بعض بس ميخالف اللي تريدي يصير ياروحي

فردوس :ههه أستحي والله لاتحجي وياي هيجي

عمر :تتعودين ياعمري أحبج ياروح عمر

فردوس :بقينا نحجي وهو سولفلي عن اهله أمه وابوه عايشين وعنده اخت جبيره متزوجه وأخوه صهيب ويكول ابويا روحه من الدنيا هو اني وهو يقدسه كلش يحبه - يا عمر ساعه ثنتين عفيه باجر ما اكدر اصحى دوام

عمر:
زين عمري مع السلامه وتصبحين على صوتي
واستمر مخابراتنا أكتشفت حبه وخوفه عليه ولهفته من يسمع صوتي وكل مايجي للكلية نروح نكعد بالحديقة مين ل عينه مني وأني صرت مدمنه عيونه الله لايحرمني منه طبعآ الكل عرف بعلاقتنا وصديقاتي وصهيب ويانا بعض المرات
_________
لارا :أعترف عبودي بحبه وكنت اشوف هالحب الجبير من خلال نضراته من جي بعض المرات لبيتنا وصرت أعشقه أكثر والحمد لله نجحت للثالث وأحنا حبنا يوم عن يوم يزيد المرسال بيناتنا أخته سعاد كلش حبابه وطيبه

عبدالله :لارا حبيبتي أريد اشوفج صار أسبوع مشايفتج

لارا : حبيبي عطله ما كدر أطلع حتى الموبايل أني تكول شعندج عطله وخلصت ودروس ماكو ليش مجلبه بالموبايل اخاف انكشف

عبد الله: زين من يجون اهلي عدكم راح ادز موبايل بيد سعاد زين

لارا:زين بس سر حبيبي والله اذا يكشفوني يطيحون حظي خاصة نهله كل همها الدراسه

عبدالله: حبيبتي أطمئني شعندي غيرج أحبل أجيب بس نضره منج يخليني اطير سابع سما انتي بنتي حياتي حبي الاول اغير عليج من الهوا أنتي الوطن إلي أشتاك الج كل لحظه أتخيلج كل دقيقه انتي عمري اللي جاي انتي الكمر اللي يضوي ليلي

لارا:الله يخليك إلي عبودي وأني أنتظر اليوم إللي أصير بيها ببيتك

عبدالله :فديت حبيبتي المستعجل
تجي لحضني
لارا: هه جفصت قصدي يعني اجي ازوركم
عبدالله :وليش مستحيه حياتي ترى أنت أعز عندي من عيني

لارا لارا عبود ي هاي نهله تصيح بأي
مسحت المكالمة وبديت أكلب بالtv
حتى متحس نهلة صح هي أكبر مني بسنه بس أحسها أمي الثانيه صارمة كلش ويايا تكول انت طول بدون عقل لأن مااهتم بالدراسة بالقوه مدبرتها

نهلة:ها خاتون مو كتلج تعالىي أنطيج الملازم والدفاتر مال الثالث خليها يمج تستفادين منها

لارا:يمعود بعد أني وين والمدرسة وين خلي تخلص العطلة (يارب هاي أختي أحسها ماعدها بالحياة هدف بس كتب ودراسه) نهوله حياتي

نهلة : زين تعالى نسوي عشا لأن فردوس رأسها توجعها وامي متكدر

طلعت ساعدت نهوله سوينا عشا دخل ابويا وإبراهيم وكعدنا نتعشى حجى ابويا يابا اليوم عمكم أبو أنس خابرني وكال اليوم جايين عدكم العصر عندي طلب عدكم

فردوس رأسا وكع المي من ايدها
حبيباتي صوتو حتى استمر