شمس المهيب

مشهد

#شمس المهيب..

# بقلمي / ملاك المحمداوي..

____________________________________

دائماً شريط الذكريات يشتعل وقت الليل...
فنرى في مخيلتنا كل ماجرى وماحدث لنا ...
فنندم على كلام نطق... ونندم على صمت
في حظه البوح..
نتذكر صدف مرت بنا .. نتذكر أحداث مررنا
بها ..
وفجأة:
وفي لحظة ما نرى العين تدمع دون علمنا
:-(
دائما جنت ع امل انو راح يجي يوم واتشافة من النار المتوقدة  بحياتي بس القدر لعب دور وسلط كل الريح ع هاي النار .......
توهجت اكثر واحتركت بيها اكثر

ما ادري اذا الم هاي النار راح يخليني انولد من جديد لو لا بس الي متاكدة منة اذا نولدت من جديد فراح اكون اقوة من الحديد

عن ماذا اتكلم عن النار الذي حرقت اختي أم عن حرقت قلبي وانا أنضر لإختي كيف تحترق فقدت اختي توئمي روحي نصفي الآخر ابكي ليلا واستيقظ في النهار اتضاهر اني قوية ولكن  انا انهار أضعاف انهيار عندما أرى وأتذكر كيف احترقت اختي ياليتني كنت أنا!

الحياة قاسية...
تحملك أكثر من طاقتك...
تريك مالم تتمناه ...
وتبعد عنك كل شيء تحبه...
________________________________

الساعة 8/00 ليلا
بغداد يوم الثلاثاء 2/2 شتاء يوم غائم وممطر

رحت للمطبخ حتى أجيب العصير ومن رجعت انفزعت

وإني أشوف قمر كابه النار بيها وامي طلعت بره

تصرخ   وإني ع نفس وكفتي خفت من المنضر لكبالي

كرفصت ع روحي بزاوية وإني اسمع صريخ امي

واباوع الاختي الي فرت روحها وملك الموت يركض

وراها صرت ابجي بهستريا وإني أشوف بابا كام

يرجف وقمر بمكانة وتصرخ اهنا ماعرفت شنو اصرف أريد انقضها بأي طريقة تقدمت عليها ومو هامني

روحي أهم شي انقضها صرت ابجي بهستريه

واطفيها بأيدي همدت مثل الجثة بالأرض وتون

دخلو جيرانه وإمي الي الصريخ أخذ نص حيلها وكعدت

بلباب وصارت تبجي  تقدم جيرانه لقمر وهوه يغطيها ويكول

إلى رحمة الله انا لله وانا اليه راجعون آخر شي سمعته ....؟

المشهد 2
شمس بتسائل : شبيك أمير ليش هيج

تتصرف من اجيتني للكلية شكد دكيت

عليك وانته متجاوب وماما كالتلي سافر

صاير شي ليش هيج تسوي

أمير بعصبية : ميشرفني بعد ابقى ع

علاقه ويه انسانة مريضه نفسياً انسي

شي أسمى أمير انتي تختلفين عني

تصرفاتج كلها غريبة وإني ماريد أكمل وياج
شمس بأنفعال :انته صدك تحجي مصدك

نفسك شدتحجي هيه بهسهوله تتركني

وين حبك الي وين الي ماتعيش بدوني

شنو هوه الي انتهى شنو انسي أمير انته ليش هيج تسوي شنو مريضه نفسياً
أمير : كذبتج انكشفت وعرفت انو انتي

تراجعين دكتوره نفسيه وإني ماريد أكمل وياج بعد انسيني

شمس وهيه تحاول متنزل دموعها

كدامه :وإني ميشرفني ابقى وياك الباعني اني هم ابيعه والي نسه

عشرتنه اني هم أنساها

أمير بستهزاء : ههههه هم الج عين

تحجين روحي بابا لاتكعدين اسوين

علاقات ويه الولد عالجي نفسج يله تكعدين اسوين علاقات

شمس بصدمة من كلامه ومامتوقعه
هوه هيج يحجي تقدمت عليه ...؟!!

يتتتبببع ؟
الحكاية بقية

___________________________________

سلام شونكم

قصتي الجديدة الي تتناول الكثير  من الجوانب الحب والخيانة والغدر والفقدان
أتمنى تعجبكم وتتفاعلون بيها هاذا مشهد اذا شفت تفاعل أنزل البارت الأول