🎋الحلــقــــ25ــة : القســ3ـــم🎋
♥❇♥
حاولت تنظم انفاسها وتهدي اعصابها قبل ماتمشي لبنتها...الكلام ايلي قالتو لناظم ماتعرفش عليه كيفاش خطر لبالها ومافاقت بروحها كان تصيح عليه وتدخل في صينة اخرى معاه ....اذا هوما عرفو انو سيلين بنتهم فزايد تكذبهم كل شي واضح كيف الشمس واي واحد يرى سيلين يعرفها بنت احمد...الحرب توا موش كيفاش تخبيها عليهم ...الحرب توا كيفاش ماتخليهمش ياخذوها منها ...
"مداااااام تولييييييين ....مدااااام توليييييييييين " دارت مفجوعة وقت سمعت صياح الخديمة ايلي كانت ترعش بكلها وتبكي وموش عارفة كيفاش تتصرف...هاذي اكيد سيلين جراتلها حاجة والا الكريز جاتها...جراتلها بكل ماليها من قوة ونفس ...وقت دخلت للبيت شافت سيلين ع القاعة وبدنها الكل يابس ومتصلب ...صارة على سنونها و عينيها زايغين يخزرو للفراغ ...ترمات بجنبها وخذاتلها راسها بين يديها ...صاحت"فهمية كلم الامبيلونس...فيييسسسسع "
بدات تحللها في فمها بالشوية باش تخلي الهواء يدخل مليح وتنجم تتنفس ...طلقتلها ذراعاتها و هي اتمتم من غير وعي" فيق يعيش بنتي ...فيق ..."
رعش بدنها الصغير وشهقت شهقة صغيرة وبعدها بدات اطرافها تترخف ...تقاطرت دموع تولين وهي تتلمس في خدود بنتها "ياروحي ...ياقلبي .. "
رمشت سيلين مرتين ولعقت شفايفها وصدرها باقي يتهز ويتحط ...هزتها في حملتها وحطتها ع الفرش ...حلت لقجر بيدين ترعش و جبدت منها حربوشة ...عاونتها باش تشربها وقعدت تمسحلها على شعرها وبكاها ماحبش يقص...درجين من بعد وكانت الامبيلونس قدام الدار ،هبطتها تزرب وفهمية تجري وراها ...ركبتها وركبت معاها وطول لاقرب كلينيك ...
الكريز كانت خفيفة ومن الطاف الله تعدت سالامات ومع لهوة الطبة رجعت لطبيعتها ورسمت تبسيمتها على فمها من جديد...الطبيب قالها تنجم تروح بيها واذا تحب تطمن اكثر تخليها هاك الليلة ومن غدوة تنجم تخرجها ...هي اختارت الاقتراح الثاني ...كل شي تنجم تريسكي بيه الا صحة بنتها ...قعدت بحذاها لين رقدت وتهنت عليها لاباس ومن بعد خرجت من البيت تكر في ساقيها بالسيف معادش عندها حيل ولا قوة ...رمات بدنها على اقرب كرسي عرضها ودفت راسها بين كفوفها ...بكات قد مانجمت وقد مافاضت عينيها دموع ...اصلا هي موش قادرة تعمل شي غير انها تبكي ...
حست بيد تمسد كتفها وتضغط عليهم بمواساة ،مسحت دموعها وهزت راسها ناحيتو ...قلبها طاح من بلاصتو وطول جات واقفة من بلاصتها ،رعش صوتها وهي تخزرلو ببهتة "انت ؟!...شتعمل هوني ...شمجيبك "
حاوط اكتافها بكفوفو الزوز وطبطب عليهم "يعيشك اهدى انا هوني موش باش نعمل مشكلة "
هي ماعندهاش بال لا للعرك ولا للصياح ولا للمشاكل ،كتفت ذراعاتها وخزرت بعيد " من الاحسن تمشي على روحك ...وجودك هوني باش يعمل بارشا مشاكل "
قعد يخزر لوجها " البنية ايلي لداخل بنتي ...وايلي تبكي هوني وحدها امها ...وانا مستحيل نخليهم "
أنت تقرأ
💚 هذا الرجل ....أبوك 💚🌺( Bu Adam Senin Baban )🌺 كرونيك (مكتملة )
Short Story★الاسم " هذا الرجل ...أبوك bu adam senin baban 💐 ★النوع "رومنسي ، اجتماعي ★القصة "💠 كيف اي بنية في عمرها ...تولين ❄🌺 تحلم ببارشا حاجات ، تسعى بكل جهد ما ليها باش تحققها ...لكن الواقع والمجتمع يفرض عليها حاجات اخرى ....زعمة تشد صحيح في حلمها والا...
