السلام عليكم
حنين للماضي للكاتب علي جاكي ⚘⚘⚘
من ياهي اعذرك ....وانت ما معذور
سيفك هد علي........ بساعه الشده
حسبتك تحبني ...وجبت بيدي الروح
بعدها ابنص ......اديه وكمت تتعده
ردت مره اجربك.... وانتخيك بيوم
على كلبي انتخيتك ......بلكن اترده
وكح كتلك وكح ....ويريد احب بذات
شجعته ع الي........ وتوكف بسده
مرات التحبه تشوف..... منه اشكال
وتخلقله الاعذار ....دكول مو قصده
وتصد كل الحجي... والنصح من الناس
وتتحمل ذنوبه......... وكل خطأ عنده
لبس يفاجئك يلبس....... جلد ثعبان
ومفصل عليه......... وجايبه بكده
مانادم عليك ......الراح خلي يروح
ولك صارت قديمه .....الماي وتبده
بس نادم علي... شلونه اصدك بيك
ونادم ما اخذت.... العبره من وحده
وهن اهواي صارن.. ماتبت عالصار
يا كلبي شيتوبك...... كافي وتهده
غيمه من الدمع يزرعها ....وسط العين
وانت ورود....... حمره وتزرع بخده
جاكي : تقبل الله علويه هههههه
نادين : هههههههه منا ومنكم صالح الأعمال استاذ علوش
هههههه ومحمد احتاريت وين اوديها ووين اروح كتلها امشي ننتضرهم بالحديقه وهل كلام اذا واحد يلزمني من خشمي اوكع بالكاع ميت من النعاس
رحنه كتلها امشي للحديقه الجبيرة لان بيها مرجوحه
هاي مكالت باطل مدري شحجت كلمتين تلاثه ونامت
وحال الضيم يل تنشد علي اريد انااااااااام ضليت اغفي واكعد تقريبا بالعشرة هيج اجو ياجوج وماجوج دخلت الهوسه
انه فزيت كتلها
جاكي : ياب ام قيصر متكعدين ناااازل شسالفه وصلنه للكوت
نادين : بنعاس وتفرك بوجهها من نوصل لزاخو كعدني هههههه شبيك علاوي تكعد بدجاج
جاكي : بربج وين اكو واحد يكعدلو دجاج وليش اكعدو كومي يول امج اجت
واكيد بعض الوجوه متتفسر اليكول مااعرف شنو الشافو ....
زهراء : انتم وين كنتو
جاكي: باوعتها ببتسامه استهزاء وانتي شكو؟
سناء اخت زهراء : يبه ماكلتو لنصك كلتلك وين كتنو خافت عليكم
وكل واحد انطى سؤال وتغريدة شكل
جدي : يبه كل واحد يروح على قريولتو
علاوي تعال
جاكي : بقلبي لاهلة بيجن شلون مغثه ...اي لاحكك
واستلمنه ابو روكان دك تحقيق ههههههه طلعت الطلعه من خشمي ونادين راحت كملت نومتها .....
ثاني يوم الصبح
نزلت ماكو بشر احلى شي من تكعد من الصبح بدون سوالف وضحك صامت ....
نزلت وبيدي جكارتي اسحب النفس واحبسه ماطلعه ههههه
حميت الجاي يلعب النفس مال البارحه بس مابيه اخدر من الصبح
ام علي : يمه ليش ماكعدتني
جاكي : ههههههههه وخرت الجكارة وطفيتها
حبيبتي ماردت اتعبج المن مكعدج هو ستكان جاي هناك اتريك
ام علي : اكلك يمه
جاكي : اها هنا الكبسولة هههههههه حجيه انه اروح لشغلي ومن اجي اشرحلج سالفه البارحه
ام علي : هههههههههه يااااا طركاعه مو ولد
بست راس امي ولايخلو نهاري من دعاءها ببدايته ابدا
طلعت للشغل ورجعت كل عادة طبيت من باب المضيف مالكيت احد بي افتريت وردت ادخل للمطبخ استوقفني الكلام....
زهرة وجهها عليه ونادين ضهرها علي
وكالتها اي
نادين : ان شاء الله احقق حلمي ونرجع لبغداد وتزوج مناك ...اهنا عيشتكم صعبه ومتعبه
عيشتكم صعبه ....من كالت هل كلمه مثل واحد وضربني على راسي
جاكي : وانه امشي سويت نفسي رحت للثلاجه اشرب مي .....لازم سرحتي بحلال يابه
عيشتنه وخيرنه والحمد لله غيرنه يتمناها
نادين ضلت بس تمتمت
عفتهم وصعدت
وبدلت وطلعت احسيت بوكتها مثل الاهانه احنه شبينه وليش هل حجي
لليل رجعت وكبل للحديقه حتى مطبيت
كاعد وشحجيلك مضيكات اوف يهل اغنيه
وكلبي هساعو يفور
اتخلى جاي على الطبلة
نادين : شلونك ؟
وانه الم بالغراضات الموبايل والسبحه والجكاير
كلتلها زين اترخص ....
ذبيت الجكارة وطلعت
القاكم على محبه الله ورعايته علي جاكي ❣⚘❣
