ماضي لا ينتهي

الحلقة ٧٩

#ماضي_لا_ينتهي
#بوسي_مصطفى
______________
الحلقة ٧٩

في فيلا مازن...

كانت بتحاول تنام لكن الدوشة اللي تحت قلقتها بتفكر تنتظر مازن ولا الأفضل تنام يمكن الموضوع ميخصهاش.
بالباب بيتفتح ومازن غضبان فبيخبط في الكرسي يوقع.
قامت بفزع..
ندى : هو فيه ايه؟؟
نظرلها مازن بغضب.
شعرت ندى إن الدوشة اللي كانت تحت دي كانت سبب فيها.
ندى :  فيه ايه يا مازن مالك؟
مازن : هو احنا مش هنخلص من المشاكل اللي عاملها ابوكي لينا كل شوية؟!
ندى : حصل ايه تاني؟
مازن : هو احنا كنا خلصنا من اللي قبل كده اصلا؟ ولا هنخلص!!
ندى : طب فهمني فيه ايه؟
مازن : فيه إني زهقت،قرفت،جيبت أخرى خلاص.
كان مازن بيتكلم وهو متعصب وبيوقع أي حاجه تقابله
خافت ندى وحاولت تهديه لكن كان بيبعد ايدها بكل قوته
بتحاول تخرج وتسيبه لحد ما يهدأ.
فريدة : فيه يا ابني مش كده؟؟
اهدا وكل حاجه هتتحل.
مازن : بتتعقد يا ماما مبتتحلش.
فريدة : معلش بس اقعد بس خد نفسك هاتي مياة لجوزك
يا ندى.
مازن : مش عايز حاجه.
فريدة : طيب اهدا بس واسمعني.
كل اللي انت عامله دا مش هيحل المشكلة.
ندى نظرت لمازن وهي مدمعه.
مازن : عاجبك المشاكل اللي احنا فيها دي؟؟
فريدة : وهي ذنبها ايه بس يا ابنى؟
مازن : ذنبها انه باباها يا ماما.
ندى بتبكي...
مازن : أنا اللي بسأل نفسي ذنبي ايه اشيل حاجه مش بتاعتي؟؟!
اقعد اشيل في بلاويه ومحدش يعرف لسه في بلاوي ايه تانية مستخبيه.. معقوله هفضل عايش كده؟؟
خرجت من غرفة النوم ودخل غرفة تانية.
فريدة بتلتفت ملقتش ندى.. قعدت جنب ابنها.
فريدة : متدفعش ولا مليم محدش هياخد منك حاجه غصب عنك.
مازن : الموضوع مش فلوس يا ماما لو على المليون دول ياخدهم ويحل عني لكن هو هياخد هم ويسكت؟؟!
هيطلعلنا بحاجه تانية... وأنا بصراحه تعبت.
_______________

في شقة مديحة..
راوية : الشقة نضيفة وزي الفل اقعدي فيها بقى وخدي راحتك.
ماجدة : ما انا كنت هبات عند خالي ولا إني افتح شقق الناس واقعد فيها.
راوية : يا حبيبتي انا استئذنت من جلال ومن مديحة كمان وهما معندهمش مانع ليه الحساسيه دي بقي انتي مش حاسبه نفسك من البيت ولا ايه
زيك زي أميرة يا بنتي.
ماجدة : متشكره اوي يا ماما بس...
تقاطعها راوية : بس ايه؟؟
وبعدين ما انا قولتلك فادي هيبات في أي حته وتعالى
انتي باتي في اوضة أميرة وهاخد أنا فارس في حضني مرضتيش..
ماجدة : وهو هيبات فين يا ماما؟
راوية : هو مين؟؟
ماجدة : فادي؟؟
راوية : هيبات في أي حته يا بنتي عندك شقة خالك شكري
أو يبات هنا عادي.
ماجدة : لا خلاص انا موافقه ابات هنا.
راوية : طيب مش محتاجه حاجه؟
ماجدة : لا سلامة حضرتك.
راوية : طيب لو احتاجتي أي حاجه اتصلي بس وقوليلي.
ماجدة : متشكرة اوي.
راوية : تصبحي على خير.
ماجدة : وحضرتك من اهل الخير.
______

تحت.. في شقة راوية.
فادي : ها يا ماما ايه الاخبار؟
راوية : اخبار ايه يا ابني؟
فادي : يعني ماجدة قالتلك ايه؟
راوية : هتقول ايه يا فادي يعني؟
فادي : انا حاسس إنها يعني ابتدت تلين شوية ولا أنا
اللي متفائل زيادة عن اللزوم؟
راوية : انت عايز ترجعها علشان بتحبها ولا في سبب تاني؟
فادي : يعني بعد كل دا ب تسأليني سؤال زي دا يا ماما؟
راوية : مش بطمن يا ابني علشان
مش هيبقى فيها مرة تانية وأنا اللي هقف في صفها المرادي.
فادي : بس توافق وانا اعملها كل اللي هي عايزاه.
راوية : يعني كان لازم يحصل كل ده علشان تفوق وترجع لعقلك؟
فادي : كان لازم علشان اعرف قيمتها يا ماما.
راوية : على فكرة يسرا بنت خالك شكلها كده هتنفصل
عن جوزها.
فادي : طب وانا مالي؟
راوية : يعني دماغك مبتفكرش كده ولا كده؟
فادي : مندمتش يوم ما طلقتها يا ماما علشان دا كان لازم يحصل من زمان ومكانش له لزوم اصلا ارجعها من الأول الحياة بينا كانت مستحيله انا حاولت استحمل علشان بنتي بس هي متغيرتش.
راوية : خلاص اللي عدى عدى بقى وخلاص.
انا داخله انام تصبح على خير.
___________