السلام عليكم
بارت الاخير
قراءه ممتعه
حلا ...
نزلت العصر وكعدت
سعديه ' ليش ما لبستي الذهب
حلا ' اذا لبستهن ويه ملابسي يطلع مو حلو المنظر
فوزيه ' صايره دورين مناظر بنت الفيجرجي
حلا ' الحمدلله ابويه مو فيجرجي واذا ابويه فيجرجي افتخر بي
سعديه ' انتي شوكت تلزمين لسانج وتحترمين
حلا ' اني محترمه نفسي
فوزيه ' شايفه روحه دكتوره مو بس انتي دكتوره هنا هاي سالي بنت اخويه تدرس طب ومهيمن هم دكتور لا تصيرين مغروره
حلا ' مغروره علئ نفسي عن اذنكم
خليت وكمت رحت يم الاء اقلد
حلا ' مو بس انتي دكتوره سالي دكتوره تفتخر بنت اخوه ما تفتخر بناته
الاء ' شبيج
حلا ' والله احس نفسي تزوجت خالاته مو مراد
الاء ' هههه استحملي بس هذا الاسبوع ويرحون
حلا ' شلون انتي مستحملتهم
الاء ' مجبوره اتحمل حتئ غزل ما تحملت وراحت
حلا ' والله لو ما عروس جنت اروح لهلي ومن يرحن اجي
الاء ' اسكتي لا يسمعوج
حلا ' خل اسوي حلاوه لان الي موجودين مرين عاد شويه انكاسر
الاء ' ههه زين تسوين
طلعت المواد كله وبقيت اشتغل اجتي حنان واخته
حنان ' البدايه بالمطبخ
نهلاء ' والنهايه دلفري
الاء ' اذا ما عدجن شغل بالمطبخ اطلعن
حنان ' اجينه انساعدج
الاء ' ما اريد اتعبجن وياي حلا موجوده
نهلاء ' لا ماكو تعب كلنه بنات ونساعد
صارن يبيعن لواكه ويانه وكفت حنان يمي وتحجي وياي
حنان ' حلا انتي سويتي اختبار ال مراد ايام الخطوبه
حلا ' اختباريش
حنان ' يمكن يخوجن ويه وحده ب ايام الخطوبه
حلا ' لا ماكو اني عندي ثقه بي ما يحتاج اسوي هيج شي وياه لو عنده علاقه ويه وحده يكلي ما يخفي عليه
حنان ' نايمه ورجليج بالشمس وين اكو شخص يخبر خطيبته او مرته بهذا الشي
حلا ' بس مراد يكلي لان اكو ثقه بيناتنه
