بعد كم يوم مرو وكدا ح نكون كملنا شهرين في البورت ووائل كان خلص من شغل علا وبدا مع عصام فرع الشغل كان في البورت هنا وبكدا وائل عندو فرعو الخاص في الخرطوم والمشترك مع عصام هنا .....💕💕
وائل كان ليهو فترة م على بعضو بسألو في شنو بقول مافي شي وانا ختيت احتمال ضغوطات الشغل ولا كدا وبقيت كل يوم اعمل حاجة جديدة تغير ليهو نفسيتو وكنت بنجح بجدارة وبخلي مزاجو يتغير 180 درجة....😍💕
بعد اسبوع كدا حسيت نفسي م تمام وفعلا مشيت فحصت وزي م اتوقعت حامل 😍رجعنا البيت انا وولاء وفرحنا امي بالخبر دا وكنت حامل في شهر واسبوعين وقررت بالليل اكلم وائل اول م يجي .....😂
وائل: لولو يا قمرنا💕 ....لدن: اهلين يا راقي😂💕 ....وائل: اتزكرتيها من وين دي الليلة تقريبا من ايام الجامعة تاني م سمعتها😂 ....لدن: اتزكرتها وخلاص اها الليلة الشغل كيف اكلت ولا لا! ....وائل: والله كويس م كعب + اكلت لكن بس عايز لي شاي بلبن نفسي فيهو ....لدن: من عيوني ساعة زمن بس وانا ماشة على المطبخ( ملحوظة - في الجزئية بتاعتي المنفصلة اللهو بيتي في مطبخ بس م بستخدمو الا لحاجات خفيفة م بحب افرز عيشتي من ناس ماما نورة واصلا نحنا اليوم كلو مع بعض واكلنا وصنيتنا وحدة💕) ...وائل : الاولاد نامو ....لدن: اي نامو ....وائل: الله الشاي شكلو ظابط وكيك كمان وابتسامة لالا الليلة انتي م براك😂✋ ....لدن: لالا مافي حاجة بس انا كنت عايزة استشيرك في حاجة🌚 ....وائل وهو بشرب من الشاي : احكي جمبك .....لدن: انا عايزة نغير الديكور بتاع غرفة الضيوف في بيتنا هناك ....وائل باستغراب: ليه!! لدن: عشان يوسف كبر وخلاص يومين وحيفقل الستة سنة وعشان محتاجين غرفتو ....وائل: ليه محتاجين غرفتو م فهمتك انا ....لدن وانا بشيل قطعة كيك اديها لوائل في خشمو 💕: وائل ركز معاي😂 عايزين نخلي يوسف في الغرفة البعيدة شوية عشان غرفتو الجمب غرفتنا دي نجهزها للبيبي الجديد😂🐸 ....وائل وهو قرب يخنق : ش ش شنو انتي حامل 😭😂😍😍وكان حيموت من الفرح زي الكأنو اول مرة احمل او اجيب بيبي 😂😂....لدن: اي اي حامل مالك كنت حتموت 😂😂....وائل: بالجد يا لولو ح ابقى ابو تاني😍😭💕💕💕 ....لدن: اي يا حبيبي ح تبقى ابو تاني ...وائل: الحمد لله الحمد لله ....لدن: الحمد لله ......💕
بعد يومين كان عيد ميلاد يوسف وبعدو بأسبوع عيد ميلاد التيمان فكانو من زمان بعملو ليهم التلاتة مع بعض والمرة دي العيد ميلاد كان في البورت ......💕
وائل: اها اي شي تمام ....لدن: اي كلو جاهز حتى الضيوف جو 💕....( الضيوف كانو ناس خالتو حميدة وجارات ماما نورة اتنين باولادهم واخوات محمد راجل ولاء باولادهم برضو واصحاب يوسف وناس وليد وتسابيح واولادهم وكدا يعني ناس شوية)بعد طفو الشمعة وكدا لقيت وائل مافي مشيت اشوفو وانا اصلا كنت عايزاهو يسلم على خالتو حميدة مشيت لقيتو واقف مع علا وما معاهم زول وكانو بتونسو ويضحكو طوالي اتزكرت كلام ولاء واميي عن علا 💔والشعنونة اشتغلت💔 وقفت ربعت يديني وهم بعد دقيقتين كدا انتبهو لي اول شي شافتني علا قامت زادت صوت الضحكة وضربت وائل في كتفو بي خفة كدا💔 وبعدها وائل شافني لانو وائل نيتو كانت بيضاء م اتربك ولا اي شي قال لي لولو حبيبتي مالك واقفة بعيد تعالي شوفي علا دي سطلت ولا شنو وكان لسه بضحك 😂 ....لدن: الساطلين كتار تعالو معاي عشان ام علا عايزة تسلم عليك يا وائل ومشيت على كدا ....وصراحه الموقف اكل معاي جنبة وبلعتو بس✋ ...
بعد فترة زمن كبيرة وضاح قرر يتزوج واتخيلو العروس منو! ! ليليان اختي😭😭😍😍😍😍💕 كانت حاجة حلوة شديد والناس كلها فرحت ليهم وخطبو بعض والعرس عليهو شوية كدا ...💕
أروى قالت( قصدي أروى أنا زاتي م شخصية في الرواية😂😂😂) قالت سمح الزول النيتو بيضاء وقلبو نضيف وببتسم في وش الناس💜 ...وكعب الزول الغدار وقلبو حجر 💔...في الدنيا دي الزول يكون وسط💜 واعرف انو م دايما الخدلان بجيك من اقرب الناس انت بطريقة تعاملك بتقدر تاخد في صفك ولا لا💜 ...وقعت!!!
نهاية الجزء الثامن💜
رايكم يهمم💜
