قرائي الاعزاء، ومتابعي رواية للعشق كلمته الأخيرة
حابه بس اكلمكم فحاجه انتوا فى الجزء الأول معظمكم كان ضد فكرة ان عاليه تموت ويزيد يتجوز ايمان وفى بعضكم اتهمني اني عاوزة اموت عاليه وافرق بين حسن وايمان عشان افسح المجال ليزيد وايمان ويكونوا مع بعض
وجيتوا فى الجزء التاني بقيتوا متعاطفين جدا معاهم ومستنيبن اللحظه اللي ايمان تحب فيها يزيد زي ماهو بيحبها
طيب حسن كلكم ضده وفى ناس كتير بدات تهاجمني بسبب الموضوع ده ورافضين فكرة ارتباطه بماسه مع اني عملت معاه مداخله مخصوص النهارده عشان اوضح وجهة نظره وبرضه رافضينه طب وبعدين
يعني هو عصام ماغلطش قبل كده وحسن كلنا عارفين من قبل جوازه من ايمان ان الولاد رقم واحد فحياته يعني طبيعي يكون الولاد عنده شئ، مهم
وممكن فعلا يكون محبش ايمان بالقدر الكافي اللي يخليه يتمسك بيها
طب ليه مقولتوش ان القدر خلاه يعمل كده عشان شايللها الاحسن مين فينا مبيتصرفش بشكل وبعد كده يرجع يندم
اللي عاوزة اقولهولكم انها فى الاول والاخر روايه وهي خلاص قربت تنتهي وحريحكم منها
معظمكم نسى بقية الأشخاص ونسوا بقية الاحداث بقى كل اللي شاغلهم حسن وماسه وبس وكأنهم هما بس اللي فى الروايه
طب وبقية الابطال خلاص مش مهم يعني هما شايفين الحاجه اللي مش عجباهم بس والحاجه الكويسه مش شايفينها خلاص
واللي خلاص مش متقبل فكرة ان حسن ممكن يكمل حياته وقرر انه يقاطع الروايه على راحته ياجماعه وليه مني كل احترام وتقدير انا بكتب ليكم ونجاحي بيكم
انتوا اللي بتشجعوني عالكتابه ولولا تشجيعكم لية مكنتش حكتب
وربنا يعلم انكم كلكم حبايبي وبعزكم جدا
بحب تعليقاتكم وتوقعاتكم بفرح لما اتأخر فى الكتابه والاقيكم بتسالوا عن الروايه وبتبعتولي عالخاص كل ده هو اللي بيشجعني
واسفه لو كنت طولت عليكم
💙💙💙💙💙💙💙💙
