بعد ما روحوا كلهم عند مالك و سيف
.
.
كيف دخلوا بوابة الحوش
مالك: اسمع سيف بعدين نبيك ضروري
سيف: حتي اني نبيك اصلا
مالك: تمام ونزلوا خشوا
.
.
العيلة كانت متجمعة علي جددتهم و جدهم
الجدة: مالك وسيف جيتوا
مالك: لا قاعدين مجيناش يا حنينة
سيف ضرب مالك عنفقة: سكر فمك وشبح لي جداه اي حينا يا جديدة
الجدة: منهما
مالك و سيف باستغراب: من
الجدة: يلي ولخدات عقولكم
الكل:🤣🤣🤣🤣
مالك: واللهي منعرف حتي اسمعها وتعرفي اني مكنتش معاها مغرور بالعكس اول ما شفتها غيرتني
الجدة: ايه واضح حتي لما شفتهم كلهم مقعمزين قعت اتهدرز عليها
مالك: انتبه لي روحه وقعد يضحك
الجدة: وانت يا سيف من هيا
سيف: والله ما نعرف لاكن علي حد علمي يعرفوا بعض هيا وبتع مالك
مالك يشبحله ومصدووم
والكل يضحك بطريقة هسترية🤣🤣🤣
الجدة: يروروروري الحمد الله بنشوف عراس ولادي
هيتم: وشن قالولك اني بنتية
الكل 🤣🤣🤣
الجدة: كيف ننساك انت وسومة وميدو لقيتلكم عرايس يهبلو
محمد: كانها بتهبليني فوتيها
وقعدو يهدرزوا ويضحكوا و مالك غمز لي سيف بمعنى نبيك و ركبوا
مالك: مدقولش يلي شفناهم بكري
سيف: مدقوليش وحدة منهم
مالك: باهي اما وحدة بلكي حاط عينك علي بتعي زي ما قلت
سيف: اسمها نور هديكا يلي بزعط عليا القهوة
مالك: الحمد الله مش هي برا تمرقد
سيف: وجهك يا فقري
.
.
وخشوا رقدوا
عند ميس و نور
روحوا ولقوهم كيف بيديروا لعشيء
سالم: وين يا بنات عطلتوا اليوم
ميس: والله يا عمي تلقينا مع طروف قصت عليها نور: تقصد تلقينا مع وحدين في النادي خبطوا في سيارتنا قعدنا نصلحوا فيها في الورشة بتع عمي رشيد
سالم: باهي كويس غر مصارلكم شيء
ميس: كله خير
علا: ماهو هدا يلي يعلم النتيات السواقة
سند: معش فيه اني نرفع واني نجيب ناقص غر تحشموني قدام الناس كل يوم في ورشة
ميس: سكرلي فمك ولم سنونك غادي هي مرة وبعدين خلاص معش نبوكم توصلونا
نور: ايه ومتخلينيش نبزع الشكارة تراه فكنا احني مزال مخلوعين اطلع من راسي
فتحية جت تجري: انشالله ما صارلكم شيء بس
ميس ونور: كله بخير
وركبوا بلا عشيء
نور: تعالي احكيلي شن صار خيرك روحتي هكي مبكري
ميس: الولد هداكا بتع السيارة .....وحكتلها القصة
نور: حي واني نقول وينه الروج المهم مدام حكيتي خلي نحكي حتي اني وبدت تحكي....
ميس: الله واني قتيله ختي انت تقتل يا مسخة
نور: هدا الحق حتي هوا يقتل راه
ميس: ايه طروف الزح
نور: يا حيوانة يا بنت الللل متخلينيش نقتلك امبكري اتقولي لي بوي تلقينا مع طروف معقولة
ميس: ههههه والله ما قدرت انشد لساني بروحها طلعت باهي
نور: باهي خشي ارقدي خلاص
.
.
.
ورقدوا كلهم وهما يفكروا شن صار وكيف صار
.
.
.
في الصبح زي كل يوم ينوضوا يفطروا ويضحكوا ويمشي لاشغالهم لاكن اليوم غير لانه جمعه وشوفوا باقي الصدفة
فتحي: غلي انكلمه معناته
طارق: ايه كلمه
فتحي خدي تلفونه وبدي يشرين الو
سالم: اهلا اهلا
فتحي: كيف حالك وشن.... ومن هدا الكلام وبعدين قاله اسمع يا سالم بش تتفضلوا عندنا اليوم مدايرين عزومة ولازم تحضر انت والعيلة
سالم: حاضر تمام توا انجوا هي سلام
فتحي: هي سلام
.
.
.
فتحي اتفق هو وخوه طارق مدايرين عزومة بسيطة لعيلة سالم (ايه سالم بوي نور وعم ميس هوا يكون صاحب فتحي بو مالك وعم سيف)وقالو للعيلة واتفقوا وكل شيء وحي وقت يوصلوا الضيوف
مريم: هيا شن صار كل شيء واتي
نانا: المدبرة بتع الحوش ايه مدام كل شيء واتي
مريم: كويس وين لبنات يا مروة
مروة: خلي انشوفهم
.
.
مشت مروة لغرفة مسرة يلي كانوا يلبسوا فيها وفتحت الباب وخشت
مسرة: بسم الله خيرك لا احم ولا دستور
مروة: اسكتي يا فرخة شن كملتوا الضيوف قريب يوصلوا
هبة: ايه كملنا مزال هادي بس واشرت علي نسرين
نسرين: لا حتي هادي كملت وقولي نسرين مرة تانية
مسرة: خلاص يا كلبات الناس وصلوا
مروة نزلت هيا والبنات وقعمزوا يراجوا في الناس وتقعمزيتهم معطلتش
الجدة: اهم وصلوا افتحي الباب
مريم مشت فتحت الباب واستقبلتهم
وخشوا يهدرزوا
ناضوا لبناويت بيديروا حاجة يشربوها
.
.
خارج الرواية(انسيت بنقوللكم انت لبنات تعرفوا علي بعض وانسجموا وبدوا حتي في المرحلة التانية من الصداقة)
مشوا مسرة و هبة و نور للكوجينة
ميس و نسرين: يا كلبات وين مشيتوا وخليتونا
مسرة: بنحرقوا غر قلنا نديروا ما ناكلوا قبل ما نمشوا إيطاليا
ميس: بلا برادة
نور: شويا بس نشوف علا وانجي
هبة: غر قوللي خوك هدا طرف ولا لوبان
ميس: اللوبان خوك وخي زي لعسل
مالك: حتي اني زي لعسل راه
تلفتت ميس لي مالك وقالوا بصوت عالي مع لعض انت/ي
مسرة: من وين تعرفوا بعض
مالك: هادي ياي قلت عليها لجداي يا مسرة
نسرين و هبة ومسرة: باهي تلعت طرف ودمها خفيف هههه وتهبل
مالك: وهدل علاش اني هبلت فيها
ميس: مصحك شن قتلهم يا كداب امتا هبلتك اني
مالك: شاف لخواته وقاللهم اطلعوا وطلعوا سكر وراهم الباب
ميس: افتح الباب بلا استعباط
مالك: لا والله تهددي فيا خلي انقول لي فقلبي وبعدين اطلعي
ميس: شن تبي
مالك: قرب باس ميس من خدها وقاللها طالعة تهبلي
ميس: ضرب مالك كف علي خده وقالتله وانت طالع زي المغولي برا ورس بوك شوف روحك في لمراية وطلعت وسكرت الباب
مالك: قعد حاط يده علي وجها ويضحك والله مانك قوية يا كيف معرفتش اسمها اني
عند نور
نور: خيرك علا شن تبي
علا: اسمعي نبي مية
نور: وخيرها يلي في المربوعة
علا: اخييه مزهرة زي معبيه غر زهر
نور: هههع باهي توا انجيبلك هي
علا: خيتي سلمها وعطاها بوسة في الهوا
نور: كددب ومشت جابت ميه شربها ومشي للمربوعة وهي جاها اتصال وقعدتت واقفة في مكانها تكلم لين صكرت وتلفتت لقت سيف يشبحلها
نور:س سيف انت شن ادير هني
سيف: انتي شن اديري في حوشي
نور: قصدك يقربلك عمي فتحي
سيف:يا سلام عمي و بوي
نور: باهي كويس
سيف: اسمعي نور
نور: خيرك
سيف: اني ااني
نور: انت شن ولا رتبط لسانك
سيف ضحك : اني نحبك نور من لما درنا الحادت في بعض و لما بزعطي عليا القهوة ولي صار في الكافي بتع النادي وكل شيء خلاني نحبك با نور
نور: بلاش لعب صغار من يحب في 5 دقايق يا راجل
سيف: سيف ال... يقدر يحب في خمسة دقايق و ثلاثة دقايق وحتي في دقيقة وانتي يلي حبها
نور حست لشعور غريب: باهي يا مهبلهم زيد غادي انت وحبك وبعدين حتي اني معجبة بيك لا مش اكتر وهي متع
سيف: ضحك والله ماك ساهلة باهي
نور: بما انك سيف ال.... يلي تقدر عاي كل شيء اني نور ال.... يلي ميقدر حد عليها اممممواح 💋 باي ومشت
سيف قعد مصدووم من حركاتها و وفي قلبه واللهي حبيتك يا نوري واللهي وحط يدي علي قلبه وقال قبل ما تفوت هيا الباب: نور والله نحبك يا نوري
نور: تلفتتله وطلعت لسانه يا مهبلهم كلهم الا اني 😝😜 ومشت
.
.
.
خشت للبنات وحكتلهم شن صار
ونفس الشيء حكت ميس شن صار معاها والبنات مزال مصدومين من خوتهم لاكن فرحانين ان لبنات يلي حكوا عليهم هما ميس ونور
.
.
.
فات الوقت وروحوا العيلة وكل شيء مر علي خير
.
.
.
.وقعمزوا كلهم بحدا جداهم
مالك:.....
سيف:....
أنت تقرأ
لماذا انا (روايات ليبية)
عشوائيقصة كتبتها الراوية ...اتوو الزنتاني من الخيال بس احداتها من الواقع قراءة ممتعة
