بسمة أمل( إسكريبتس)

إبني مستقبلك بإيدك

فكي التكشيره 💝💝 واضحكي ضحكه كبيره ❤
بسرعه بسرعه 💐
صلي على سيدنا محمد افضل الخلق والمرسلين 💐
نخش في صلب الموضوع على طول 💞💞

قابل لؤي صديقه رائد بعد  4سنين....فكل شخص فيهم انشغل بحياته بعد الثانويه العامه.... ولم يلتقيا الا في السنة الثانيه من الجامعه  .

رائد  : وحشتني اوي ياصاحبي...  اخبارك اي ياعم  .

لؤي  : انت اكتر يا رائد  .... عامل اي في دنيتك ياصاحبي  .

رائد  :  الحمدلله في نعمه...نحمد ربنا ونشكره علي نعمه علينا  .

لؤي  : انت لسه متفاؤل زي مانت يارائد  .... نفسي اكون زيك كده.... بس الدنيا متعقده عندي خالص زي ماهي.

رائد  :  انا كنت بقولك دايما....خد الأمور ببساطه وهقولك  دلوقتي كده برضو  ...متعقدش الدنيا... كل حاجه ولها حلها بس انت  شغل دماغك.... وهتلاقي الحلول كتير  .

لؤي  :    أنا مش عارف أبدأ منين  .... والدنيا كلها متلخبطه.....ياعم فين الحل في كد   !!

رائد  : اهدى ياعم ومتحملش  نفسك  اكتر من طاقتها
وصلي علي النبي كده...احنا  لسه في  بداية حياتنا يعني مش مستعجلين علي حاجه.

لؤي  :عليه  افضل  الصلاة  والسلام  .... بس عاوز أشتغل يارائد عاوز أبقي غني يارائد .... عاوز يبقي ليا كيان ومستقبل كويس   .

رائد  :  ان شاءالله هتكون طلام انت عاوز كده.... وحاطط في دماغك هدف....وعاوز توصله هتوصله  .

لؤي  :  بس عاوز أبقي غني يارائد    .....عاوزه اكون اكبر رجل اعمال وعاوز احقق نجاح كبير....وعاوز يكون عندي شركات كتير و و و.

رائد  : اهدي ومتستعجلش يالؤي ... لازم تطلع السلم واحده واحده....  عشان  لو خدت سلمتين في سلمتين او خدته جري.... قبل  ماتوصل  للدور اللي انت عاوزه هتكون تعبت ومش هتقدر تكمل  .
وعشان تبني عماره لازم تأسسها كويس وبعدين الدور الاول لحد ما توصلها لاي دور انت عاوزه ...يعني لازم تبدأ من الصفر  .

لؤي  :  بس انا مش عاوز اضيع وقت.... وعاوز اعمل حاجات كتير جدا  .

رائد  : يبقي لازم ترتب أهدافك ..... او تكتبها كلها في ورقه.... او علي نوت  ( مذكرة  ) عالموبايل  📝🥀
وتبدأ بالاهم او اللي هتعرف تعمله الاول.... وان شاءالله ربنا هيوفقك في اللي انت عاوزه  .

لؤي  : بس انا عاوز  أعمل حاجات كتير جدا  .
 
رائد  :متقولش  عاوز وخلاص  ....   متخليش كل  حياتك كلام....  خليها أفعال.... وقول انا  ان شاءالله هعمل كذا.... ان شاءالله هبدأ بكذا.... وخطط للي انت عاوزه كويس.... واعرف حاجه اللي  عاوز حاجه وبيحطها في باله  بيعملها ولو خدت وقت هيحققها يعني هيحققها  ..... 🍁🍁
عندك عمك توماس اديسون اهو  فشل في 99 محاوله ونجح في 100 عادي جدا  😂🤷‍♀️
واحنا من تالت مره بنزهق ونقول كفايه 😂🤦‍♀️ .