#احفاد_عمر_المحتار
الحلقه1
رمزي ولع طرف دخان:املا خليه يموت
اهني نصدمت💔مكنتش متوقعه ردت الفعل منه ح تكون هكي💔صح هما مش خوت بابا من بوه لكن ف النهاية خوه من امه لهدرجة حاقدين عليه؟
علاش ياربي علاش😭معندهمش ف قلوبهم رحمه💔
مشيت لجيرنا وطلبت منهم يساعدوني وفعلا ساعدوني ورفعو بابا للمستشفي وانا
خلود: ياربي زعما بابا شن صار فيه؟
اميمه: خلاص حبيبتي اهدى❤ ان شاء الله ينوض بخير
خلود: ان شاء الله
اميمه: اهوو طلع الدكتور
خلود ناضت وبلعت ريقها قلبها كان مححسها انه فيه شي صاير💔
الدكتور: انتي بنته؟
خلود وصوتها متقطع وترجف: اء ايي
الدكتور بنبرة حزن: البقيه ف حياتك
خلود من كثر الصدمه قعدت واقفه ومادرتش اي ردة فعل
اميمه انهارت بكي💔 وتشوف لخلود لي واقفه ومصدومه
خلود: لا بابا قاعد حي انا متاكده انتم غالطين😭 بابا لا ميخلنيش بروحي لا
اميمه تحاول تهدى خلود لكن مش قادره💔
خلود: ابعدي حولي نبي نشوف بابا انا متاكده انه حي
الدكتور: خلاص بعد شوي تشوفيه
خلود طاحت ع ركابها وبصوت قوى: باااااابا💔
____________________________
قعدت غاليه تفكر ومعاها اختها
نصيب: مرتحتيش حتي بعد مصليتي؟
غاليه: لا💔
نصيب: خلاص قولي مش مرتاحه وتمت
غاليه: وامي
نصيب شدت ف يد اختها: امي اكيد لو قلتيلها مش مرتاحه ح توقف معاك صدقيني
غاليه شافت ل اختها: زعما؟؟
نصيب: اي نوضي بري قوليلها صليت استخاره ومش مرتاحه قوله مفيش نصيب
غاليه تشجعت ب كلام اختها وناضت
ربيعه مقعمزه ف دار بروحها كالعاده وتسبح
غاليه: امي
ربيعه:نعم
غاليه: بنقولك وقعمزت
ربيعه: شن فيه؟
غاليه: ع موضوع امس صليت استخاره ومرتحتش
ربيعه سكتت لثواني وبعدين تكلمت: ارتحتي ولا مرتحتيش لازم تتزوجيه
غاليه: لكن ا...
ربيعه: هدا لي عندي وقلته غاليه اسمعي كلام امك قتلك عمري نصحتك لحاجه وجت عكسك؟
غاليه هزت براسها بمعني لا
ربيعه: خلاص خودي كلامي
غاليه ناضت وقعدت تشوف ل امها وبعدين مشت
ربيعه تنهدت: مش بي ايدي الله غالب
نصيب: ها شن قتلك؟
غاليه: نفس كلام امس💔
نصيب: قولتيلها صليت ومرتحتش؟
غاليه: اي
نصيب سكتت
غاليه: لكن بنسمع كلام ماما
نصيب:كيف😦بتاخدي الشيباني هدا؟
غاليه: اي كلام ماما ديما صح ولي مصلحتنا وديما نعاندو فاها ح نجرب لمرة بس انه نسمع كلامها ونمشي كيف مقتلي
نصيب سكتت وقعدت تشوف ل اختها
غاليه سارحه والدمعه ف عينها💔
_____________________________
اميمه مقعمزه جنب خلود وتهدي فيها
خلود:اللهم اجرني ف مصيبتي واخلفلي خيرا منها قعدت تدعي وتككرر ف هدا الدعاء صبرها ههلبا❤
لن جي الدكتور
الدكتور: تقدري تدخلي تشوفي بوك بس متتعطليش
ناضت خلود وحاولت تكون قويه ودخلت لغرفة بوها قعدت تشوف لوجهه حطت يدها ع وجهها حساته بارد حطت يدها ع رقبته مفيش نبض مات اي خلاص💔 قعدت تشوفله وهي سارحه
" خلود: بابا شوف
بوها: شن بنشوف
خلود: الصحيفه
بوها: ترا هاتي
خلود: هاك ومددتهاله
بوها:ماشاء الله ماشاء الله
خلود: بتشريلي ايفون زي موعدتني صح؟
بوها: اي اكيد الصبح نمشو نشروه وع ذوقك
خلود باست راس بوها: ربي يخليك ليا"
الدكتور: يلا خلاص اطلعي
خلود مسحت دمعتها وطلعت
اميمه: هي بديع يستنى فينا البراء
خلود بصوت هادي: به
اميمه قعدت ماسكه ف يد خلود ونزلو لوطه وروحوا
دارو العزي ف حوش العيله يعني حوش جد خلود
جدودها الزوز كانو متوفين وهي عايشه مع بوها وعمامها💔
خلود كانت صابره بس مره مره تنهار مهما كان بوها والجرح جديد،كانت اميمه الصاحبة الوحيده لخلود،كانت واقفه معاها ف اصعب المواقف
فاتوو ايام العزي واميمه قعدت مع خلود ل اخر لحظه
خلود: قعده مع عمامي متخافيش عليا
اميمه: لو احتجتي اي شي تعاليلي متتحشميش
خلود: سلمها❤
اميمه: والله مش ح نسامحك راه جديات
خلود ضحكت ع الخفيف: حاضر
اميمه لبست كندرتها: وزما قتلك ها
خلود: ان شاء الله
اميمه: تصبحي ع خير
خلود: وانتي من اهل الخير
وطلعت اميمه ركبت ف السياره
علاء: عام تسلمي علاها
اميمه: املا زيكم من بعيد لبعيد
علاء: اي خير
اميمه:به به سوق واسكت
علاء:🙄اي سمعتي بالولد لي جي بيخطبك؟
اميمه: اه منو كيف شن قصدك😳
علاء: توا ع اساس متعرفيشي؟
اميمه: والله منعرفه والله
علاء: امبه
اميمه قعدت ساكته وتشوف ل علاء
علاء: متستنيش مني نحكي توا امك تحكيلك
اميمه بصوت واطي:به
وقعدوو ساكتين طول الطريق لن وصلوو
نزلت اميمه وهي تحس ف وجهها بيطربق من الحشمه وعلاء لاحظها تحشمت😂وقعد يضحك علاها
نوريه: شنن فيه خيره وجهك هكي
اميمه: لا شي من النو بس
علاء: السياره مكيفه
اميمه بلعت ريقها ودخلت ل دارها
نوريه: شن فيه؟
علاء: لا غير حكيتلها ع الولد لي جايها
نوريه: شن قتلها😳
علاء: متخافيش قوتلها فيه واحد جايك بس والباقي توا تحكيه امك
نوريه: توا مش وقته بو صاحبتها مليشي شهر متوفي
علاء رفع حواجبه: حبيت نساعدكم ونسهل عليكم الموضوع لا اكثر
نوريه قعدت تشوفله متع وحده مش عاجبها
علاء: املا انا ننسحب😐 وطلع البراء يدخن
اميمه غيرت حوايجها وطلعت
نوريه: تعالي بنتي نبيك شوي
اميمه: حح حاضر هي
نوريه قعدت تستنى ف بنتها لن جتها قعمزت جنبها
نوريه:تعرفيه
اميمه: لا والله منعرفه قتلك منعرفاش
نوريه: به خيرك نوضتي فيا اهدي
اميمه: ماه نفس سؤال علاء
نوريه: به تعرفيه ولد من؟
اميمه: منعرف شي
نوريه: به توا نحكيلك
وقعدت تحكيلها
__________________________
رمزي: من اليوم مفيش طلوع من الدار هادي
خلود:علاش😳
رمزي: انا قتلك وانتي نفذي بنسمعك مخالفه اوامري تشوفي حسابك
خلود: علاش تحبس.....
رمزي قاطعها بصوت عالي:كلمه وقلتها ونفذيها
خلود بلعت ريقها ودخلت لغرفتها شوي وتسمع طقة الباب تسكر بالمفتاح
قعمزت ع سريرها جي بوها ع بالها💔قعدت تتفكر ف ايامه وتبكي💔طبيعي لانه كانت ف الايام الاوله صابره
روايــــ🔥ـــات عــــيـــــــوشـّه نـــــ🔥ـــــــاصـــر
_______________________
غاليه خذت قرار انه بتتزوج مع انها مش مرتاحه ولكن وحددو موعد مرواحتها مدرتش عرس ولا اي شي بمانه راجل كبير وح متزوج قبل يعني مفيش داعي للعرس
وهي كانت رافضه مع انه اعطاها كل شي يلزم العرس بس هيا حبت تروح هكي
نصيب: ردي بالك ع روحك🥺
غاليه: ان شاء الله وحتي انتي ديري بالك ع روحك
نصيب: اكيد توا يديرلك هاتف ولا فيه ارضي كلمينا مره مره وتعالينا مش تنسي
غاليه حطت يدها ع خد نصيب بصوت يقطع: حاضر
نصيب حظنت اختها وقعدت تبكي
كانو مش مجرد خوات بس؛ كانو اكثر من هكي❤.
غاليه تحاول انها متبكيش : خلاص نصيب
نصيب مسحت دموعها: حاضر
غاليه تعالي ارفعي معاي الشنطه عشان تمديهالي بعدين
نصيب: به وخدت الشنطه ف يدها
سلمت غاليه ع امها وودعتهم ومشت وهي خانقتها العبره💔 ركبت ف السياره حسيت نفسي ضاق اكثر
حسين: وعليكم السلام
غاليه بلعت رييقها بخوف
حسين شافلها
غاليه توترت
حسين طلع بالسياره والطريق كلها مركز ف غاليه
مسافة الطريق ووصلو للحوش استقبلوني امه واخته وكان واضح عليهم طيبين❤وارتحتلهم من اول نظره وابتسمتهم لما شافوني قعدو معاي شوي وبعدين روحوا
لبست توته وقعمز ع السرير وفتحت التلفزيون بتردد
شوي ودخل حسين خدي مخدته وطلع
استغربت من ردة فعله لكن ارتحت وقعدت منسجمه ف التلفزيون لن نرقد بدون منحس
اليوم لي بعده🌥🌥
اميمه: لا حبيبي متشرباش وهوا سخون
رد رائد طاسة الحليب ف السفره ورجع لمكانه وقعمز
اميمه: خيرك علاش وخر؟ كمل فطورك
رائد هز براسه
اميمه:رائد متسكرش راسك وكول مش كويس ليك تقعد هكي
رائد: نبي ماما
اميمه:💔
رائد: نبي ماما
اميمه: خلاص حبيبي
رائد: ماما وين
اميمه: ماما الفوق عند ربي
رائد:علاش خداها
اميمه: كلنا ربي بياخدنا
رائد ساكت ويشوفلها والحزن واضح من عيونه
اميمه تنهدت بحسره🥺💔: رائد حبيبي خلاص توا تجيك ماما تانيه
رائد ابتسم: حاق🥺 بتبدا عندي ماما تانيه❤الله ومشي لبوه يجري بابا بابا
بديع: نعم؟
رائد: حاق بتجينا ماما تانيه🥺
بديع انصدم ف كلام رائد وشاف ل اميمه
اميمه تلفتت للجيهة التانيه
بديع: اي اي
رائد بدي يصفق ويعيط فرحان ،وناض بديع من ع السفره
نوريه: خيرك وليدي كمل
شاف ل اميمه: شبعت
اميمه حطت راسها لوطه
نوريه: خيرك شن فيه؟
اميمه: قلت لرائد بابا بيجيب ماما جديده شوي قاله
نوريه: اه هدا علاش دواه عندي
اميمه: بالله امي متزيديهاش عليه
نوريه: لا نعرف كيف نتصرف
اميمه: توا اشبح قداش بيقعد معش يعدل عليا ويتجاهلني💔
___________________________
ناضت غاليه
دارت فطور لروحها لانه حسين ممكانش غادي وقعمزت ف غرفة المعيشه شافت هاتف كيف جت بتاخذه يطقق الباب ناضتت وفتحت الباب
غاليه:نصيب😦
نصيب:قعدت نعيط ع راس عمي لن جابني😂
غاليه: متوقعتكش تجي بكل
نصيب: استحشتك🥺
غاليه: امس كيف جيت اهني
نصيب: اي لكن استحشتك
غاليه: به ادخلي
نصيب:العريس مش اهني؟
غاليه بدون نيه: ادخليى مفييه حد
نصيب دخلت: بسم الله وقعدت ادور ف الحوش
نصيب: عندك هلبا ديار ماشاء الله
غاليه: منعرفش مشوفتاش
نصيب:حوشك كبير
غاليه: به قعمزي وانتي تحوسي
نصيب: به هي وقعمزت وقعدو عيونها معلقات ع الاثاث
غاليه: شوفيلي اهني خيرك انتي؟
نصيب: اه نعم به خيرك هكي😳🤦🏻♀️
غاليه: خيرني؟؟
نصيب: توا مفروض لابسه لبسه راك عروسه
غاليه: عروسة القهره
نصيب: تعالي معاي وجبدتها من يدها
غاليه: ل وين شن ببديرري؟
نصيب طلعتللها قفطان امريكاني مع وشاح لوسي
نصيب: البسيها
غاليه:مفضاك لمن بنلبسها
نصيب: لرروحك شن
غاليه:اوووفف فوتيني نصيب
نصيب: غير هي ع خاطري🥺
غاليه:ايحح به
نصيب: نمشي ندير دوررة ع الحوش ونجيك يلا خفي روحك
غاليه قلبت عيونها بملل: به وطلعت نصيب ادور ف الحوش شوي وطلعت غاليه من الدار
نصيب:محلاكك طالعه عليك
غاليه: ع اساس
نصيب:والله تهبلي🥺
غاليه سكتت وقعمزت
جت قعمزت جنبها اختها: غاليه
غاليه:ها؟
نصيب: خيره جوك هكي؟
غاليه شافتلها: وشن تتوقعي من وحده صغيره مكملتش حتي قرايتها يزوجها لواحد ف عمر بوها ولا اكثر غصباً عنها
نصيب: انتي قلتي بنسمع كل....
غاليه: اي قلت والباين غلطت لما قلت هكي، اصلا لو حتي قلت لا ح يجوزوني ليه لانه قتلي مش مهم رايك ونا وهمت روحي انه كلامها لمصلحتي
نصيب قعدت تشوف لعيون اختها لي قريب يدمعوو وحطت يدها فوق يد غاليه: خلاص كله يهون بالك يموت وتفتكي😂
غاليه:😒
نصيب:نبصر والله😬به هوا يعامل فيك كويس؟؟
غاليه: تي وين تلاقينا احنا
نصيب: امس ف اليل
غاليه:خدي مخدته ورقد ف دار المعيشه
نصيب:والصبح؟
غاليه:لقيت الحوش فاضي
نصيب:🙄غريب هالشيباني
غاليه تنهدت
روايــــ🔥ـــات عــــيـــــــوشـّه نـــــ🔥ـــــــاصـــر
أنت تقرأ
احفاد عمر المختار
Ficción histórica#احفاد_عمر_المختار رواية من اسمها واضح تحكي عن واقع ليبيا،بدون انحياز لطرف دون طرف. غربة ف وطن🔥،فتنه بين القبائل وغيرها من القصص لي صايره ف ليبيا.
