اوتار العشق

الفصل الحادى والعشرين(اوتار العشق)الاخير

الفصل الحادى والعشرين...والاخيررررره

فى كافيه على النيل..

يجلس كلا من حازم والاء .....

حازم بتهكم::: خير الصراحه استغربت انك بتتصلى بيا وعايزه تقابلينى...مصدقتش نفسى انك الاء اصلا....

الاء :: حازم انا عارفه انك كنت مضايق منى الفتره اللى فاتت دى ...وانى كنت اوفر اوى معاك...

حازم باستغراب:: يعنى انتى كنتى قصده تعملى كده معايا..طب ليه هو انا كنت فارض نفسى عليكى..

الاء باعتذار:: انا اسفه لو كنت ضيقتك باسلوبى وطريقتى
معاك...وعارفه انى كنت دبش اوى....ولو انت شايف انك
مليت منى ووصلت لاخرك فانا بتمنالك بجد كل خير
وان حد يعوضك عنى....

ليقطع حازم حديثها بذهول:: انتى بتقولى ايه..انتى جايه عشان تنهى الخطوبه....انا عايز افهم هو فيه ايه بالظبط.
ليه كنتى بتعملينى كده...احنا كنا قبل مانتخطب بنتعامل مع بعض احسن من واحنا مخطوبين....وليه اصلا وافقتى على الخطوبه دى مادام مش طايقنى كده...ليه كنتى بتبعدى عنى مش بتقربى حتى المكالمات بينا كانت معدومه...وجايه دلوقتى انك تقولى ننهى الموضوع..
موافق نفسخ الخطوبه اللى مكنش ليها لازمه من الاول اصلا...بس افهم ليه كنتى بتعملى كده..فى حد تانى فى حياتك..

الاء بسرعه:: لا واللهى مفيش حد تانى فى حياتى.. انا لما قولتلك انى معجبه بيك فانا فعلا كنت معجبه بيك اووى
انا بس ...خايفه...

حازم باستغراب:: خايفه من ايه...منى..

الاء :: لا مش منك ...انا خايفه تاخد عنى فكره مش كويسه وانك تقول عنى زى ريم انها بنت سايبه ومرخصه نفسها عشان كانت بتقرب من سليم وكده يعنى...

حازم بذهول:: خايفه افتكر عنك كده...انتى ازاى اصلا تقارنى نفسك بواحده زى ريم...انتى حاجه وهى حاجه تانيه خالص...تانيا انتى خطيبتى يعنى عادى انى أمسك ايدك مش عيب خالص...ثالثا بقى سليم عمره ماحب ريم وأنها تتلزق فيه بالعافيه فده اسمه رخص..لكن انا اللى طلبت منك الارتباط ده بمزاجى عشان اعجبت بيكى بجد وحاليا انا حبيتك فعلا...ازاى كنتى بتفكرى فى كده..
انتى الفرق بينك وبين ريم زى الفرق بين السما والارض
فهمتى ولا لسه موصلتش...

الاء بتوتر:: فهمت بس...فى حاجه تانيه خايفه منها...

حازم بتنهيده:: ايه تانى ياستى ...قولى..

الاءبتوتر:: خايفه بعد ماحبيتك نفترق ونبعد عن بعض زى سلمى وسليم و اتعذبوا من الفراق..

حازم بابتسامه:: حبتينى...اها قولى كده بقى...

لتشتعل وجنتها بالحمره ليكمل حازم حديثه::
..خلاص خلاص مالك احمرتى كده ليه عادى يعنى ماانا كمان حبيتك...عشان كده كنت بتمنى قربك...وبعدين كل علاقه وليها ظروفها وكمان احنا بنتعلم من أخطاء غيرنا ولا ايه وبعدين لو انا وانتى واثقين فى بعض استحاله حد يفرق بينا مهما كان...سليم غلط لما مصدقش سلمى ولاحتى سمعها... فأكيد احنا مش هنغلط نفس الغلطه دى..
قولتى انك خايفه من البعد والفراق..طب ماانتى كنتى جايه عشان نفسخ الخطوبه..يعنى كنا هنبعد عن بعض وهنفترق عشان أوهام فى دماغك مش صحيحه ولا ايه..