{روايه ضمير مدفون}
[الحلقه الاولى 1⃣⚜]
(للكاتبه نور الاسلام 🧘🏼♀)
في يوم من الايام طلعت عليه اسعد منصور ال،،،،،،،، لي رحله لي الحوازه باش يغيرو يجو ♥✨
#والعيله تتكون من ✨
حناهم صالحه: اكبر وحده في العيله وتعتبر الكل في الكل مراء طيبه وحبابه والكل يحبها ويحترمها♥✨
عندها زوز بنات ولد.✨
الكبيره: فتحيه، متجوزها وعندها بنت وحده اسمها روان م 99 ثلاثه اولاد ✨
يلي اصغير منها: انتصار متجوزه وعندها زوز بنات محبه م 97 وزهور م 99✨
نادر اصغر واحد م 87: متجوز وعنده بنت وحده اسمها نور✨
سدين: مرت نادر مواليد 95 طيبه هلبا وتخش القلب بسرعه ♥✨
هادو الشخصيات المهمه في الروايه. اما باقي الشخصيات شوي شوي تو تعرفوهم♥✨
____________________________
ساعه 3:30 صباحآ⚜
كانت الدنيا ماطره وصوت الرعد قوي هلبا💔
سدين: ضامه نور يلي ترعش و خايفه
من صوت الرعد
نور: شاده دبدوبها ببراء،،ماما
سدين: تمسح ع راسها بحنان،، خلاص يا ماما تو يوقف وني جنبك ارقدي
نور: ذادت ضمتها،، مانبيش نرقد اني
سدين: شبحت في الروشن لقت المطر مزال قويه، تنهدت،،ربي يستر
نور: تحك في عيونها،، ماما احكيلي قصه زي حناي باش نرقد
سدين:ابتسمت وشبحت فيها ،،منعرفش نحكي قصص زي حناك
نور: ☹ شبحت في عيونها،،علاش متعرفيش احكيلي زي حناي هيا ماما هيااا☹
سدين: ابتسمت وسرحت بخيالها، بصوت هادي تو نحكيلك قصه بنت كنت نعرفها
نور: شن اسمها البنت ماما،
سدين:شبحت فيها ،،اسمهاا!!
نور: ايه ماما
سدين: تو لما نتذكره تو انخبرك
نور: باه ماما
سدين: جت بتحكي،، خشو روان ومحبه وزهور يجارو✨
روان: تضحك حي عليا خالي قريب شدني
زهور: تلم في شعرها لفوق،ياريته شدك انتي صاحبه الفكره
محبه:تضحك،ههه انكتبلك عمر جديد، والله
وضحكو الثلاثه &ههههههه
سدين: تشبح فيهم،،وين كنتو؟
روان: قعدت ع طرف السرير،كنه بنطلعو بنلعبو تحت المطر الجو يهبلل
