قمري ❤️ (روايات ليبية)

البارت الآول

#روايـــة
#قــمـــري❤ ..

#الـبــارت_الآول

بقلم .. مريم موسى محمد
_______________________________

بنتكلم بشخصيتين ..

ريم:تي نووضي وانتي كل دقيقه راقده وشاديتيلي هالخارب
انا:يعطيك مايخرب وجهك انتلفي من قدامي
ريم:قتلك ماما كان متنوضيش بتخبر بابا
انا:اقلبي وجهك خير منوريك
ريم:تعرفي بنخبرها على موضوع بدر سات
انا:بري خبريها حتى ع نايل سات
ريم:مبرد عمك "خدت مني التلفون وهربت بيه"
لحقتها وانا الالفاظ اللي نقول فاها منعرفش من وين طلعتلي
ريم:مشت لماما في الكوجينه .. بتضربني ياماما
انا:جيبي يا حماره
ماما:تي خيرك على اختك يابنت
انا:من قاللها تاخد مني النقال؟؟
ماما:هاتيه ياريم
ريم:مدتهولها وطلعتلي لسانها
انا:والله لما نشدك ونعجنك بخميرة الخبزه
ماما:صغيره راه قاعده مفكصتش من الدحيه
*بابا واقف ويسمع*
انا:هي طلعت من بطنك مش من دحيه ماجابتهاش دجاجه😂
بابا:ههههههههههه
ماما:اي اضحكلها بدال ماتأدبها !!
بابا:وخيرها قالت الحق انتي مش دجاجه هههعع
ريم:بابا تضرب فيا امبكري .. ولوت شاربها زعميتا زعلانه
انا:حي ع الكدب
بابا:زيديها ياقمر كل ماتضربيها نزيدك دولار😂
انا:ايووووووااا هكي الصح
ريم:هئ هئ .. توا نقول لسعيد
انا:متنسيش حزين معاه
بابا&ماما:هههههه

اسمي قمر عمري19  جسمي متناسق عيوني كبار ولونهم عسلي فمي مليان وبودري بشرتي بيضه وطويله شوي شعري طويل زي الهنديات كل مابنقول بنقصه يمنعني حبيبي❤ ..
نكدب عليكم ههه منبيش نقصه نتفلح بيه😂
الآب:جمال
الآم:ناريمان
عندي اختين سلمى وريم سلمى متزوجه اما ريم اصغر وحده م2005 قاعدتلي زي الشطان تعرف كل عمله سوده نوده انديرها نقوللها صندوقي وهي ف الحق شحشاحه المهم عندي اخين اكبر واحد سعيد والاصغر منه اسمه نادر ..

اما قصة بدر هدا ولد جيراننا وريم تقوله بدر سات المهم هو يبيني ويجري في جرتي واني مش عاطياته وجه☺

تبو الحق!!
نكدب عليكم اني معجبة بيه إعجاب فقط راه المهم أقرب صديقاتي دارين اخته ونورس حتى هي صحبات من الاعدادية نحبهن هلبا لكن اقرب وحدة ليا "دارين"

في مكان تاني :-
معتز يطق الباب على خوه:افتححح يااخرا شن اديير من امبككررري
سند:ندير في حلوى
معتز:حلوى شني
سند:بالفراولة😂
معتز:خززي عليك ياتاافه اطلع خيرلك راه
سند:فتحت الباب ونشوف قدامي وجه السطل وقفت نشبحلا شوية .. تعرف تشبه غيداء بنت فصلي😂
معتز:دفه وخش الحمام "اكرمكم الله"
خشيت لداري وبدلت وطلعت للكوجينه لقيت نبع الحنان مقعمزه هي وبوي
سند .. صباح العسل لاحلى ام في الدنيا
نجيب " بوه" واني خيرني 😑
سند .. تي انت اغلى حد عندي
سمية " امه" ارفع اكياس الكناسه ولوحهم
سند .. لا حول ولا قوة الا بالله
سمية .. شن في 😱؟؟؟
سند .. يا امي الله يهديك معقوله انا سند نجيب اخر الزمن نرفع كناسه !!!
نجيب .. تفوو عليك ياكلب اطلعع
سمية .. طيحتلي قلبي وووه عليا 💔
سند " دار روحه متأثر" .. الله لايسامحني زعلت الحب ديالي سامحيني ياغاليتي
نجيب " نحا فردة شبشبه" .. عليك جيل مايتحشم  " ولوحه بيها"
سند"ناض يضحك".. يسلملي الحاج الغيور 😂

______________

اني .. بابا تأخرت راه
بابا .. هي اطلعي اركبي
اني ..  طلعت وركبت السيارة وطحت فيها غناء

طرف مخطم جنبي 💃
شفتها دق دق قلبي 🥺
اهوو بنية سمحة وربي😭❤️
خطفت عمري i love you

جاني بوي🙊 ..  الله يهديك توا وقت غناء
اني ضحكت .. كسدت يابوي وانت طولت عليا
المهم وصلنا للكلية ونزلت طوول مشيت للشلة الفاسده ..  صباحو يافسادات
البنات .. صباح النور
اني .. وين سندس؟؟
غدير .. مجتش مزال
اني .. درت بعيوني ولقيت الفرخه رهف .. تعرفن يبنات خاطري ننتشها
فرح .. حتى انا والله تزهق ف الكبد 🤧
رهف شبحتني وهي شاده اميه جت جيهتي وبزعتهم عليا..... اوو اسفه ماقصديش " وضحكت"

بقلم .. مريم موسى محمد

سند نزل اخته سندس ونزل وراها

معاش شفت شي قدامي غير رهف وانا طايحه فيها ضرب🙂
رهف دفتني ووقفت .. تي والله يافرخه نوريك
اني  " باستفزاز" .. فيديو ولا صورة؟
ضحكن البنات وتجمعو الطلبة والطالبات 😅
رهف .. امس بس ريتك ع حقيقتك فرخه وتتسهوك في الفيس والله طحتي من عيني
اني "ببرود اكثر" .. تصدقي محسيتش بالطيحه من كتر ما انك واطيه
سند يصفق .. اوووو عليك قصفهه مليحه 😂
رهف مشت هي وصديقااتها
سند شبحلي .. انتي زبطي وشاحك
اني .. مدخلكش فيا اقلب وجهك مخاطريش فيك
سند .. والله؟؟؟
اني .. عمك عبدالله؟؟

حي عليا الدكتور جاي ووووه عليا😱

نكمل ولا لا!!!!