💕أنت قلبي٢💕

الحلقة ٦٨

#انت_قلبي٢
#بوسي_مصطفى
____________
الحلقة ٦٨

في منزل عمر...
ياسمينه : انت بتحاول تقنعني ب ايه يا عمر؟؟
بابا توفي من سنين أنا وأنت وماما وفيروز و الاستاذ كمال
كنا في المستشفى وقتها
والدكتور أكد إن بابا توفي والنيابة حققت واتقفلت القضيه.
و احنا كمان قفلنا الموضوع دا من زمان.
مستحيل تيجي واحدة بعد السنين دي كلها تقولي أنا مرات بابا وعندي منه ولد كمان وعايزني أصدق!!
عمر : بصراحه يا ياسمين وقتها
اللي عرفته يعني إن في مفقود كان على سطح المركب اللي غرقت ومش لقينه من وقتها.
ياسمينه تقاطعه : و حتي لو كلامك حقيقي.
انت متخيل مفقود على مركب غرقانه في عرض البحر قدر يوصل ل الشط لوحدة علشان يسافر ل بلد تانية.
وهناك يعيش خمستاشر و محدش يعرف عنه حاجه!!
دا فيلم هندي يا حبيبي.
عمر : حتى لو اللي بتقوليه دا حقيقي يا ياسمين احنا كمان لازم نتأكد من كلام الست دي علشان نبقى خلصنا ضميرنا.
ياسمينه : و احنا ضميرنا هيتعبنا ليه؟
احنا مظلمناش حد.
عمر : انتي ناسيه البيت اللي سابته جدتي قبل وفاتها وبقى ملك باباكي علشان ماما وانتي وفيروز تورثوا ويتقسم ما بينكم.
ياسمينه : تقصد لو الكلام حقيقي مرات بابا ليها هي وابنها نصيب في البيت دا؟
عمر : بالظبط كده.
ياسمينه : لما يبقى ليها حق بقى.
عمر : لا لازم تعملي حسابك من دلوقت اهو لو طلعت مرات خالي نبقى جاهزين بالفلوس مطلعتش يبقى مخسرناش حاجه برضه.
ياسمينه : منين يا حبيبي؟
عمر : ملكيش فيه انا هتصرف.
ياسمينه : هتتصرف منين من فلوس البنات اللي سايبنهم
على جنب علشان نجوزهم بيهم.
ولا من مرتبك.. ما انت عارف إنه ضايع في الجمعيات اللي بنعملها علشان البنات و عايزين لسه نشطب الدور اللي فوق.
عمر : الحق حق يا ياسمين.
أنا هسدد المبلغ اللي انتي دفعتيه في البيت.
ياسمينه : انا دفعت في بيتي و لا انت ناوي تتجوز يا عمر؟!
عمر : هههههههه جواز ايه بس يا ياسمين؟
ياسمينه : انت بتضحك؟!
عمر : امال هعمل ايه بس؟
قال جواز قال.. إلا ما عملتها وانا صغير هعملها دلوقت؟!
ياسمينه : يعني هو دا اللي فارق معاك؟؟
لو لسه صغير هتعملها يعني؟!
عمر : هههههههههههه
لو عايز كنت عملتها من زمان يا أم نادين.
ياسمينه بحزن : ماما وحشتني اوي يا عمر.
عمر متاثراً بكلامها : كلنا وحشتنا الناس الحلوة اللي كانت عايشه وسطينا يا ياسمين.
ياسمينه : الناس دي كلها كوم وأمي حاجه تانية يا عمر.
دي كانت قلبي و روحي وكل حاجه ليه في الدنيا.
لسه محتاجها جنبي كانت عندها حلول لكل حاجه..
من بعدها و الدنيا مبقتش هي الدنيا.
عمر : مالك يا أم نادين؟ ما انا معاكي اهو.
ياسمينه : مش قصدي بس الواحد مهما كبر هيفضل طفل صغير محتاج لمامته دي حقيقة محدش يقدر ينكرها.
عمر : بقولك ايه يا ياسمين ماتيجي نخرج نتغدا بره؟
ياسمينه تضع يدها على جبين عمر.
عمر : ايه فيه ايه هو أنا سخن ولا حاجه؟
ياسمينه : أنا قولت كده اكمنك يعني بقالك سنين مقولتليش تعالي اما ااكلك بره.
عمر : هههههههههههه اللي يسمع كلامك يقول إني بخيل ولا حاجه!!
ياسمينه : لأ بتطلب أكل بس مخرجتناش من زمان.
عمر : الواحد ندمان على حاجات كتير، اهو عايشين حياتنا من البيت ل الشغل واخر استقامه و بعدين تقوليلي هتتجوز عليه يا عمر!
ياسمينه : ما هو الاستقامة دي ملهاش علاقة بالجواز.
اصل دي مش خيانه دا جواز يا حبيبي.
عمر بدهشه : ايه دا!!
اول مرة اسمع ست بتقول إن الجواز مش خيانه امال بتكرهوا اللي متجوز اتنين ليه؟
ياسمينه : كل واحد و ظروفه يا حبيبي انت بقي عايز تتجوز ليه؟
عمر : هههههههههههه هو أنا قولت عايز اتجوز؟
متطلعهاش في دماغي بقى ههههههههههههه
________________