احببتها منذ الصغر

البارت 1

جنت كاعدة ادرس بغرفتي ودخلت ماما

ام سالي: ها حبيبتي كملتي دارسة

سالي (وهيه تباوع على كتابها): لا ماما بعدني مامكملة

ام سالي: عوفي دراستج شوي وتعاي نزلي

سالي:ليش

ام سالي: تعي سلمي على ابوج اجه يشوف

سالي: ماعندي وقت اشوفه

ام سالي: بس سالي

سالي: ماما كلت ماريد اشوفه

ام سالي:اوك حبيبتي براحتج

طلعت ماما من الغرفة،،
سالي: يعني هذا مراح يفهم انو ماريد اشوفه كم مرة اجه ورفضت اشوفه اوف..

ام سالي: عدنان سالي... قاطع كلامها صوته

عدنان(ابوسالي): ماتريد اشوفني صح

ام سالي: اي صح وارجوك بعد لاتجي وتحاول تشوفها لان انت تعرف سالي تكرهك

عدنان: اي اعرف بس هي تبقى بنتي

ام سالي: هاا هسة اعترفت انو سالي بنتك الظاهر نسيت شنو صار قبل 18 سنة

عدنان:نور(ام سالي) كافي عاد هي غلطة وسويتها ليش دائما تذكريني بالماضي

نور: اي حقك هيج تحجي لان اني تحملت حجي اهلي وحجي الناس وكله بسببك انت

عدنان: نور انا اعترف انو غلطت بس والله موقصدي هيج اسوي

نور: اوك اذا خلصت تفضل اطلع من بيتي

عدنان: نور صدكيني راح تغلطين

نور: هه هو انا غلطت من اليوم الحبيتك و وافقت اتزوجك

عدنان: نور رجاءا لاتحجين هيج وياي

نور ،بصياح:عدنان اطلع من بيتي

عدنان: اوك

طلع من البيت وانا نزلت لان ماريد اشوفه شفت ماما داتبجي

سالي: سالي ماما ليش داتبجين

ام سالي: لا حبيبتي ماكو شي

سالي: اهااا يعني هذا الحقير هو السبب

ام سالي: لا حبيبتي ابوج ماله علاقه

سالي، بعصبية: ماما هذا مو ابوي انا ماعندي اب

ام سالي: حبيبتي بس .. (قاطعت كلامها سالي)

سالي: ماما ارجوج ما اريد هذا الرجال يدخل لبيتنه

ام سالي:اوك مثل ما تردين .. عوفينه منه يله تعاي اكلي باجر دوامج صباحي

سالي: ماريد مالي نفس اكل

وصعدت لغرفتي و نمت

&&&&&&&&&&

الساعة 6:30ص