"اسكربت🎻💜🎶"
في الصالون.....
فرح:انت بقا العريس؟
أحمد:عندك شك!
فرح بهدوء:لا ده انت شكلك بارد وهتتعبني على ما اطفشك
أحمد:بتقولي حاجه يا آنسه
فرح:ابدا ياخووووووي مبقولش ......إحم ما علينا حافظ قفشات الأفلام ولا لأ
أحمد:اخووووي! وقفشات! امممم لا مسمعتش عنها جربي كدا
فرح:استعنا على الشقا بالله .......إحم مين قتل مووفاسه
أحمد:مين ياختي!
فرح:لا وكمان مش حافظ حاجه !!
أحمد:لسه فيه اسئله ولا موافقه
فرح:لا طبعا عندي أسئله
أحمد:يا صبر ايوب اتفضلي
فرح بهدوء:أبو شكلك باااارد..........أكمل العبارات الاتيه.(عم الحج يا عم الحج.....)
أحمد:حج مين يا آنسه فرح؟
فرح :هو انت شغال ايه
أحمد:مهندس معماري
فرح في سرها:امممممم أمي المرادي مجابتش دكتور عشان مقدرش اطفشه راحت جابتلي مهندس
أحمد:وبعدين !
فرح:ولا قبلين
أحمد:ايوا يعني بعدين يا ست رفح انتي هتقوليلهم ايه ولا عندك اسئله ثانيه ولا نخرج ولا ايه النظام؟
فرح:اولا اسمي الصحفيه فرح السيد ثانيا عندي شروط
أحمد بنفاذ صبر:اللي هي ؟
فرح:هنزل الشغل بعد الجواز
أحمد برفعه حاجب:ليه ان شا ءالله انا مستوايا المادي كويس ومش هتحتاجي لفلوس أو حاجه
فرح:إستاذ أحمد الشغل مش للفلوس وبس انا بحب شغلى ومش هستغني عن الصحيفه وهشتغل بدوام كل يوم عادي
أحمد:مهو حضرتك مش في بيت ابوكي يا انسه فرح وليكي شريك حياة يشاركك في قرارتك
فرح:انا مبحبش حد يجبرني على حاجه يا استاذ انت ودي حياتي وأنا حره فيها
أحمد:بعد الجواز مفيش حاجه اسمها حره ومش حره ومفيش حاجه اسمها حياتك اسمها حياتنا وعموما انا موافق انك تنزلي شغلك ومعنديش مانع لكن بنظام ومفيش تأخير ياريت
فرح:انا مبحبش التحكمات دي يا استاذ احمد
أحمد:مش وافقت على شغلك بعد الجواز هاا ايه تاني؟
فرح:على فكرة انا بني ادمه زيك اتكلم معايا بأسلوب الطف من كدا
أحمد:تمام يا انسه .....لسه شروط ثانيه !
فرح: ايوا كل يوم تجيبلي كيمو كونو وليا يوم في الأسبوع اجي عند اهلي وكمان ليا يوم آكل فيه شاورما براحتي واروح الملاهي كل شهر مرتين واااا.........
أحمد:باااااااااس والله ما منها دي أم جوازة ايه بكابورت وطفح في وشي
فرح ونطت على الكنبة:نعمممم يا بابا شايفني هموت عليك يعني ما مع السلامه زيك زي غيرك
أحمد: شايفاني هموت انا في دبديبك ما في داهيه حاسس انى بكلم فادي صاحبي اصلا انا عاوز أنثى ناضجه مش عيله همها كله الكارتون
فرح:نعممممم ده انت حتي...............
وفضلوا يتخانقوا مع بعض لحد ما جه مسدج ورا مسدج من فون احمد وعمل صوت عالي
فرح:انا بردوا اللي عاوزة أتعلم الذوق ! هو من الذوق يا بشمهندش تسيب فونك مفتوح وعلى آخره وانت عند أهل عروسه
أحمد تجاهلها وراح قعد وحط رجل على رجل وابتسم باستفزاز وهي اتعصبت ونطت من على الكنبه ووقعت رجله من فوق بعضها وقعدت مكانها قصاده وهو فتح فونه وباصصلها بغيظ
(((الرساله)))
حبيبي أحمد انا مبسوطه انك هتيجي تتقدملي بكرا وانطي هتكلم مامي وهنتجوز ،متتأخرش عليا حبيبي ،،بحبك😘
....
أحمد قرأ الرساله اتصدم دي بنت صاحبه مامته والمفروض أنه لو موافقش على عروسه النهاردة هتكون البنت دي خطيبته بكرا وهو مش بيحبها ولا عاوز تكون في حياته وفضل ساكت
فرح:انت يا أخ يا عم الحج ياااااابشمهندس ....خليك سرحان انا هروح اقولهم القرار ده
وراحت على الباب بس هو كان أسرع وقام جري وزعق قبل ما تخرج من. الباب ولفت لقيته قرب منها مسافه كبيرة اتخضت ورجعت لورا بسرعه خبطت في الحيطه بضهرها وهو حط ايده على الحيطه
أحمد:انا موافق على الجنازة ااصد الجوازة دي
فرح:ولما هي جنازة موافق ليه يا أخ ........انا بقا مش موافقه ومش هقبل بكدا وانت مش راجل لو رجعت في كلامك
أحمد:انا قلت انا موافق وانتي هتوافقي والجوازة دي هتم يا فادي يا صاحبي
فرح بعصبيه:انا مش فادي صاحبك انا فرح هاا الصحفيه فرح السيد ولم الدور ومش متجوزاك ووريني بقا هتعمل ايه
أحمد بعصبيه وتهديد: طب ابقى ارفضي كدا وانا هموتك يا انسه فرح نفس موته نوفاسه على ايد اسكار
فرح بصدمه:عااااااا يا انا يااااماااا يوم ما بنتك تموت تترمي من على جبل احيه يا ابو جبل 😱
أحمد:اجهزي تبلغي موافقتك يا انسه فرح وهنقرأ الفاتحه وبعد شهر بالظبط هيتم الجواز ده
فرح:يلعن أبو تكبرك ......بس عليك جوووووز عيووووون يلهوي عليا كان هاين عليا استفرد بيك أول ما شفتك كنت عاوزة اسأل أمك كانت بترضعك نوع العسل ايه يااااااه
وخرج من الاوضه وسابها واتخطبوا وكل ساعه كانت خناقه بينهم وبعد شهر تم الجواز وبعد الفرح..........في الفندق
فرح بيجري وراها أحمد
فرح:أبعد عني يا احمد أصل وربنا اصوت وألم عليك الناس
أحمد:وابويا يقول عليا مش راجل صح
فرح:طب طب وحيات أبوك اهدي بس كدا انت كلت كوارع ولا ايه يييييييع أبعد عني
احمد:اولا مكلتش كوارع ثانيا مش هنقضي الليل ده جرى ورا بعض
فرح:اه معاك حق انا هروح اتوضي وبعدين انت عشان نصلي
وجريت بسرعه وقفلت باب الحمام وحطت ايدها على قلبها ، أحمد بص للباب وقعد على طرف السرير وضحك اوووي
فرح ندهت عليه بصوت عالي اتخض وراح ناولها الاسدال عشان تلبسه في مكانها ولفت الحجاب كمان 😂😂 وبعدين خرجت ولا كأنه جوزها بالحجاب والاسدال واسع وهو بصلها بقله حيله وكان غير هدومه وراح اتوضا وصلوا وحط ايده على رأسها وقال الدعاء وبعد ما خلصوا قامت وكانت لسه هتجري بس هو شدها له وحضنها بسرعه
أحمد:على فين بس تعالي😂
فرح:إحم ......أحمد احمودي ميدو هتعمل ايه ميصحش
أحمد:ايه بس اللي ميصحش ده انا هقولك كلمه سر كام ساعه بس
فرح:طب عاوزة نتكلم الأول
أحمد:امممم اتكلمي
فرح:طب أبعد كدا
أحمد:اتكلمي خلصي يا فرح
فرح:طيب ......انت ليه اتجوزتني بعد ما كنت مش موافق
أحمد حكالها حكايه بنت صاحبه مامته
فرح بغيظ:نعمممممم ياخويا يعني متجوزني عشان تخلع من جوازة ثانيه طب اوعي كدا والله لانام أبعد يا عم أبو شكلك
أحمد:انتي ايه ما بتصدقي بكابورت وطفح كالعادة،لسه هكمل كلامي ...........كنت فعلا عاوزة الجوازة عشان أخلع من جوازة ثانيه بس لما قعدت لوحدي بعد ما روحت من عندكوا سرحت فيكي وبقيت مش بركز في حاجه وبخترع أي حاجه اكلمك واتخانق عشان بحب خناقك وخفه دمك وكلامك كله بحب اسلوبك
انا بحبك يا فرح وكان احلى فرح يوم ما اتقدملك♥♥♥
فرح بصدمه:احلفففف
أحمد بحب:وحياتك عندي يا فرح قلبي
فرح: أحمد ان........انا
أحمد:انتي ايه ؟ يا قلبي
فرح:بطل طريقتك دي بتوترني
أحمد :فادي صاحبي طلع بيتكسف😂😉
فرح:بقا كده طب أبعد
أحمد :هههههه خلاص احكي عاوزة تقولي ايه
فرح:ب.......ب.......ان ........يوووووه بقااااا
أحمد بزعيق:فررررح اخلصي النهار قرب يطلع...
فرح بسرعه وغمضت عنيها
فرح:بحبك وبحب عيونك وبحب كلامك بحبك يا احمد بحبك
أحمد :احلفففييييي
فرح بصدمه:ايه اللي انا قلته دلوقتي يا حازومبل
أحمد: ههههههههه قلتى بحبك وبحب عيونك وبحب كلامك وبحبك يا احمد بحبك
فرح:يا حزني الأسود بقيت في نص هدومي من أم لساني والله ياما قلولي لسانك ده موديكي في داهيه ومكنتش بصدق
احمد:ههههههه تخيلي ......ده يوم مناااااايااااا يا فرح قلبي
وشالها ونط بيها وقعدوا ينطوا على السرير زي الأطفال الصغيرة لحد ما وقعوا😂😂
أحمد:مجنونه وجننتيني معااااكي بحبك
*وسكتت شهر زاد عن الكلام الغير مباح*
وعاشوا في تبات ونبات وخلفوا اطاقيط مجانين شبهم بالظبط😂😂😂💖💖
