عصبي غيور

الحلقة 1🔥

البارت 1
للكاتبة @i.ran0
رنووش 🔥
اني : ماما اني ماشية حوش جدي
ماما.:اصبري اا
وسكرت الباب قبل ما تكمل كلامها
ماما :😂 ربي يهديك يا بنيتي
في حوش جدي
اني : جدي ❤️😍 جدي : هااا كرعودة جيتي
اني : جدي حسيتك اطولت ولا
جدي :😂 😂 😂 اعقلي
جي علي
علي: او الطشة جت
اني : يا علي يا علي اقصر نعطيك اجني
علي : ههههههه كترتي والله
خلي انعرفكم (عمي خالد
ولده علي 🔥 ومحمد
و بناته ميسم و مسرة
عمي حسين مرته كميلة ولدة معتز وبنته مريم )
خشيت لي حنينة والقيت مرت عمي فاطمة لوطة
سلمت اعليهم وخشيت للكوجينة لي مسرة وميسَم❤️
مسرة : اوو كوكاا جت 😍
ميسم : اهلا اهلا
اني : حي على الناشطات 😂
ميسم : 😂 يلي يسمع ايقول حق
اني : 😂 قولو سمعت ب ريم نجحت
مسرة : اي😂وعمتي حنان بدال ما تقول تعالو عندي قالت لا انجيكم في حوش بوي ونديرو الزردة غادي
ميسم : مصح حتى خليقت وجه بو جدها
اني : 😂 مسكين شن دخله بيطلع مش من العيلة بكل
ميسم ومسرة :😂 😂
مسرة : حي حي القهوة فاضت
اني : كنت بناخدكم لي خوتي تو اقعدو عنسو هي 😜
ميسم : 😂😂 وقعدناا غير انتي واني
اني ومسرة : قعدنا حتى الدبان🦟 اخدي
حناي : يا بناات وينكم
اني : هي هي
ارفعت السفرة شوي وخشت ماما ❤️ ماما : السلام عليكم
كلهم : وعليكم السلام
سلمت وقعمز شربو القهوة وهدرزو مع المغرب
ماما : هي ملك
ميسم : مرت عمي بلاهي خلاها اتبات انهدرزو
حناي : خلاها يا خديجة تقعد مع البنات
ماما : به امالا هي تصبحو على خير
روحت ماما وقعدنا انهدرزو لساعة واحد ونص القيت روحي نتكلم بروحي 💁‍♀️ والبنات رقدو
نضت خشيت للكوجينة طلعت الباهي والشين 😂 وقعمزت ناكل شوي ونسمع باب الحوش ينفتح 🥺💔 سيبت الماكلة ونضت وصلت قدام الباب
الباب انفتح.
وظلام يا دوب ضي الجنان بس مداير ضي شوي
اني : 😳
ويخش حد اطويل وعريض 🥺🔥 اني : ااااا
سكرلي فمي 💔🔥 محمد :اني محمد ولد عمك خالد
اني كنت امفنصة لاكن لما قال ولد عمي خالد اهديت شوي
اني شفتله ب معنى حول ايدك من على فمي 😊
محمد : اها اسف حول ايده
وقعد ايساوي في دجاكته من التوتر🥺
اني حولت من قدامه : اها خش اسفة ماقالوش انك جاي والحمد الله على سلامتك 😊
محمد : الله ايسلمك وشافلي
كنت لابسة توتة وشعري كعكة 🍩 اتفكرت روحي درت انسحاب
اني : هي تصبح على خير
وخشيت نجري ( اها خلي نحكيلكم عليه شوي محمد عمرة 28 سنة كان في صحراء ليه اربعة سنوات يعني لما هو مشي اني عمري 14 ولا 13 السنة مواصفاته طويل شوي وعريض وداير لحية ارموشة اطوال وعيونة سود ❤️ 🔥 اما الطبع ف تو نتعرفو اعليه في الرواية 😊) خشيت لي البنات القيتهم في سابع نومة ارقدت جنبهم واليل كله واني انفكر ونفكرررر مش في محمد في الماكلة يلي خليتها في الكوجينة 🤦‍♀️
اني : هوف تو شن خسر كان خلاني كملت ماكلتي بعدين جي 🥺
لين خداني النوم 😴😴
الصبح الساعة 10:00
مسرة : كوكا يا كوكا
اني : يا عطيك دربوك اتشق راسك شن تبي
مسرة : 😂 مش معدلة اعليك فرحانة
اني : خيرك
مسرة : خوي محمد روح
اني : نعرف وغميت راسي
مسرة : شوي بس تعرفي كيف تعرفي
اني : اني يلي فتحتله الباب
مسرة : باب 😳
اني : مسرة طيري من قدامي بنرقد 😴
وتخش ميسم ب سرعة الف 🤦‍♀️ : كوكاا
اني : واك 🔥
مسرة : 😂 استسلمي ونوضي
استسلمت ونضت خشيت الحمام حشاكم توضيت وصليت وغيرت احوايجي وطلعت
حناي : صباح الخير 😊 هذا كله نوم
اني : صباح النور 😊
فاطمة : خشي افطري ملوكة
حناي : وبعدين اطلعي انتي والبنات ضمو الجنان
اني : 😂 اخرتها يا حناي بتحرتي اعليا
حناي : 😂 بري من قدامي خيرلك را
فاطمة : 😂 يا عطها السلامة على السانها
خشيت فطرت وطلعت مع البنات انضمو في الجنان
اني : اعطيني انسيق معاكم 🤦‍♀️
ميسم : هووف ريم تنجح واحني نحصلو
مسرة : 😂 وتو روحكم حفلة نجاحي في حوش عمتي حنان
اني : 😂 قصدك في عتبت حوش عمتي حنان
ميسم : 😂 😂 😂
مسرة : الباب ايطق
اني : هووف هي هي
طق طق
اني : ت باهي
طق طق
اني : يلي ايطق يعطيك قصة في ايديك باهي
وفتحت الباب 💔
محمد :🤨 غنولي غنية حزينة ( لاي لاي لااااي 😂)
محمد :🤨
اني : 😳
محمد خش بلا ما يتكلم وهو امفنص
مسرة وميسم : 😂😂 وك ههههه
اني : سكري فمك انتي ويهاا 💔وكملوو
مسرة : 😂 😂
اني : شن بيشدها هادي تو
مسرة : خلاص خلاص 🙊
كملنا ضمان ودرناا امبايل وجوو ❤️
اني : اني بنروح نلبس ونجي بعدين
ميسم : ماتعطليش
مسرة : اي فيسع فيسع وتعالي ومريم قالت شوي وننزلو
اني : تم
قدام الباب القيت خوي معاد
معاد : الطشة جت ت وين معاش ريناك
اني : 😊❤️ ماهو انت طويل وين بتشوفني يا غالي
وخشيت
امي : باهي يلي جيتي تعالي ديري مكرونة على النار تو شوي و بوك وخوك ايروحو
اني: به
درت بكبوكي وخشيت انبدل
البست عفريتة ادجنز و تحتها سورية بيضة وسبيدرو ابيض👟 وشعري كعكة ودرت مكياج خفيف والبست ساعتي وطلعت
القيت معتصم كيف طالع من داره وطارح
اني : امتى جيت وشن الطرحات 😉
معتصم : 😂 لبستي عادية
اني : اي اي صدقتك سمعت ب محمد روح
معتصم : اي اهو ماشي بنشوفه
اني : اهااا ماشي حوش جدي 😂😂 معتصم : واك منك
اني : هي نمشي اني وياك حتى اني واتية
معتصم : هي انزلي خلي اندير كريمة ونجي
اني : 😂 😂 يا همميي
ونزلت
اني : ماما هي بتمشي توا
ماما : لالا تَو لما ايجو انجي
اني : على راحتك
ماما : حق روح ولد خالد
اني : اي وصل البارح
ماما : باهي اتهنت على وليدها فاطمة اربعة اسنين بعيد اعليهم
اني : 😊ايه صح
معتصم : هي ملك
اني : هي هي
البست وشاحي وطلعت
خشيت القيت العيلة ملتمين
مريم : الحب ديالي جت ❤️😍
اني : 😂 وينك يا معفنة استحشتك
مريم : 😂 اشغال اشغال
اني : غير لاا
ميسم : واخيرا جيتي هاك ارفعي المبايل علقيهم
مسرة : 😂 اعطيتي غير لي القصيرة
اني : يو ها ها ها هاتي جاي
اخديت المبايل وطلعت 🏃‍♀️
القيت كرسي كركرته 😂 وركبت فوق الكرسي
ومالحقتش
عند شخص تاني🖤
محمد : الوو ها عصوم تم تم يا صقر شوي بس ونازلك تم هي
البس محمد تيشرت اسود وسروال ادجنز وسبيدرو اسود شاف لي روحة في المراية حرك شعرة التالي 🔥 وخدي دخانه ونقاله وطلع نزل يسمع في حد يتكلم في الجنان
وهي اني 💁‍♀️ اني : هوووف يا ربي اعلاش جيت اقصيرة 💔🥺 زعمك انخشلهم انقلهم ما لحقتش ت والله بيقعدو يضحكو اعليا اقعدت انقيم في رجلياا باش نلحق 💁‍♀️ لاكن لي الاسف
هووف ت ونبي عندهم الحق ايسموني طشة وقزمة ولفيت
القيت محمد ايدخن ومبتسم
اني :🥺😳 انت من امتى اهني
محمد انفخ الدخان : 💨 انزلي انزلي
اني انزلت : ممكن اديرهم انت😊
محمد شافلي : 🤨
))(وهكي اكمل البارت 1 ان شاء الله اتنال اعجابكم وغدوة انكمل ❤️🥺 لايكاتكم وتعليقاتكم اتهمني 🙈