حلمي نصير كلشي
وكلشي ما صرنه💔
.
.
زين: عفت البيت ورحت كعدت بالمزرعه مال بيت جدي انتظر من نغمتي رساله لو اتصال ماكو حاولت اتصل بالرقم يطلعلي مغلق
عفت الدنيا ونسيت شهد وخطوبتي وضليت ملتهي بفرحتي بيها ان هيه طلعت تحبني ضليت سبوع تقريبا اهلي ما بطلو اتصالات ماارد عليهم ولا اريد اسمع حجايه تغثني منهم عفتهم كلش فكرت ان احضر شهد من الاتصال والرسائل احسن حتى لا تاذي راسي بمكالماتها لو رسايلها وحتى تتقبل الامر الواقع ان انا اعتبرها اخت الي وما تصلح زوجه.....
.
من دريت بي حاضرني ضليت ابجي بحركه واصرخ يعني صدك ما يريدني ضليت ابجي وابجي ماتحملت الواقع لحد ماا انغمه علي ومادري شنو صار ضليت نايمه واحلم هوه يمي ويلبسني حلقه ويروح يختفي اضل بالحلم اصرخ اصرخ ماايطلع صوتي ولا اكدر اكعد وارجع للواقع الاليم ضليت اسبوع بالمستشفى امي وبيبتي ومرت خالي فوك راسي ماعافوني طلعوني من المستشفى وانطوني ادويه هواي ماعرف مال شنو بس اهلي كلش مصرين انتظم بيهن عبرنه بالسياره من كدام بيت جدي دموعي ما سيطرت عليهن ابجي بحركه وبالم امي شبكتني وضمت راسي ابوي بسرعه وكف السياره نزلو بيبتي ومرت خالي وحرك السياره كال بويه مالج رجعه لذاك البيت بيتج موجود واليريدج هوه يجيج غير هذا الحجي ماعندي وازعل عليج اذا كسرتي كلمتي سكتت ودموعي ما سكتن وصلت للبيت انعزلت عن الدنيا كلها اكلي قليل راسي مايوكف من التفكير والقلق غير خوفي لا اشوفه بيوم مرت ايام وانا مااطلع من غرفتي كاعده بيها وسكاته وكله صافنه مااريد اسوي اي شي ولا احجي وي احد واستمريت على هل حال شهرين..
.
زين: ضليت شهر وانا بالمزرعه ماارد على احد ونغم ما الها حس تعبت وفعلاً اشتاقيت لاهلي ولشهد ودلالها ولحياتي قررت ارجع للبيت اخذت سيارتي وطلعت من المزرعه متوجه للبيت نزلت دكيت الباب امي فتحته وجان اطيح دمعتها وتكول
_يمه كلشش ما ردتها منك هيج تكسر بينه
زين : يمه ماكدر وآلله مااتحمل اخذ وحده غيرها وشهد انا اكعد وياها واسوللف.. جان تطلع بيبتي تصيح شجابك لك
زين: ديده اشتاقيت الكم وانا مالي غنه عنكم
البيبيه: ايي بس الك غنى عن شهد لك تاج راس بت الشوارع الرايدها ولتصدك بيوم اخلي وحده من الي تجيبهم مره لحفيدي تتزوج الي اريدها
زين: وتردوني اتزوج اختي
البيبيه: لا شهد مااطول ضفرها واجد عليك واحنا راح نعالجها واكل لابوها يرحون يعيشون بعيد عن هنا
زين : شنو تعالجوها شبيها (فعلاً خفت عليها وكلبي لعب)
بيبيه : تحجي بالم ولك يمه البنيه علتها بكلبها ما تطلع برا غرفتها دمرتها انت شسويت بيهاا كسرتها وعلتها مالها علاج حتى انت مراح تعالجها
زين: صدك كلبي انعصر عليها واذيتها وين قبل كله يمدحون بيها هسه كلها متالمه عليها صعدت نمت كعدت المغرب ابوي ما يحاجيني وامي هم زعلانه بيبتي وجها ثكيل علي اخذت سيارتي وطلعت مريت على فرعهم لكيت سيارتهم توها طابكه وامها تنزل بيها وهيه مابيها روحح ووجها مخطوف متغيره عبالك مو هيه دنكت راسي متالم عليها هيه الي حيتني ووكفت وياي بشدتي وانا هسه جازيتها بكسرها والمها حركت لسياره ورحت يم صديقي كعدت اسولف وياه ردت انسى ماكو رجعت للبيت ب 10 سمعت بيبتي تكل لامي تزوجينه الها غصباً علي لااحط بي واططرده برا والله ياخذها طبيت
_اخذ منو تردين
_ بت عمك شاهين نرمين
_انا اخذ هاي الرعنه!
_شلون ماجانت اشرف منك بعيوبها تاج راسك
_ ومافكرتي بشهد
_ نجب لك وماتجيب اسمها على لسانك على الاساس انت فكرت بيها؟
_يامعودين نغم راح ترجعلي مااعوفها شبيكم
_متجيب اسمها ابيتي واذا تريد صخلتك اطلع برا بيتي
درت وجهي اريد اطلع جان تحجي بصوت عالي
_ شوفو كللكم انا رايحه سبوعين لبيت بنتي ارجع مزوجين هل ارعن لا وآلله ماارضى عليكم واطردكم كلكم
_فركت وجهي بنفاذ صبر كتلها خوش الي تردينه يجرالج اهم شي راضيه خليت وصعدت كسرت كلشي بغرفتي ياربي لا من نغم ولا من مصيبتي السوده نوب منو نرمين هاي ابوها ما كادر عليها وعلى لسانها شلون انا اتحملها
أنت تقرأ
احدهم لم يكن صدفه
Random• "ما كان حُبًا من النظرة الأولى بقدر ما كانت طمأنينة من الدرجة الأولى ، مثل أن ينظر المرء إلى شيء ويستريح بهِ"
