كان يجلس ف غرفته المظلمه الذي اعتاد الجلوس فيها منذ 5 سنوات وهو ع هذا الحال من العذاب والكابه والحقد والغل عليها لايعرف ماذا يفعل بعد كل مافعله بها هل هذا كاف ام ماذا
هل يعيد مافعله ثانيه ام يتركها وشانها ولكن هل تعذبت مثله ام هو الي شايف ده تمثيل مش اكتر ماذا يفعل وناره لسه قايده وبتشعلل جواه ومش عارف ينسي الي عملته ولا ينساها هي. هو حبها بكل حوارحه واحساسه وقلبه وعقله وكل حته فيه حبتها وبتنادي عليها
فاق ادهم من تفكيره الذي طالما هو فيه منذ 5سنوات ع صوت الباب يدق
ادهم مين
امين خادم ادهم المخصوص انا امين يا ادهم بيه
ادهم مش قولت محدش ينده عليا عايز ايه
امين الهانم عيزاك تحت
ادهم حاضر شويه ونازل
بعد دقائق نزل ادهم وهو عابس الوجه ومكشر كالعاده
امه ايه يابني فوكها شويه
ادهم نعم ياست الكل
امه سلامتك ياحبيبي قاعدك لوحدك ليه ع طول يابني الوحده وحشه
ادهم ماما لوسمحتي انا قولت قبل كده دي راحتي وحياتي فخلاص بقي
امه بزعل ماشي يابني الي يريحك
ادهم متزعليش مني ياماما انتي عرفاني عصبي ع طول
امه ولا يهمك يابني بس انت مكنتش كده ايه الي، صابك
الكلام ده كله ياجماعه ف الوقت الحالي وادهم عنده 35 سنه والي حصل معاه من 5سنين فاتوا لما كان عنده 30 سنه
نرجع وهو عنده 35 سنه
الي حصله امه مكنتش موجوده ف البيت فيه كانت بتتعالج بره ومعرفتش حاجه عن الي حصله ولما رجعت سالته عن الي حصله وفين مراته 😍😍😍😍😍😍😍
مجاوبهاش غير انهم انفصلوا وبس وهي استغربت جدا ازاي ينفصلوا وكانوا بيعشقوا بعض
امه يعني مش عايز تريحني يابني وتقولي ايه الي حصلك من 5 سنين خلاك عصبي كده وع طول قاعد ف الضلمه وقافل ع نفسك ومش قاعد ف اوضتك القديمه بتاعه الجواز
ادهم ساكت ومش عايز يقولها الحقيقه لتنصدم لانها كانت بتحبها اوي وهي كمان وخايف يكون مدورش ع الحقيقه وصدق الي اتقال وشافه من غير مايور وراه بس ازاي وهي اعترفت انها عملت كده ف اكتر من كده انت بتبرر لنفسك كدبها ليه هي اعترفت خلاص وانت عقبتها يبقي خلاص قول لامك الحقيقه وشيلها من حياتكم بقي
امه ساكت بارضو انا عارفه لاهاخد منك حق ولا باطل ربنا يهديك وسابته ومشيت وهي بتدعيله بالهدايه
ادهم لسه بيفكر فيها ومش قادر ينساها
ادهم لنفسه ليه انساها ياقلبي ، دول 5 سنين ليه مش عايز تنساها ونكمل حياتك مع واحده تانيه ولا عشان حبيتها اوي لابس دي خانتك ابشع خيانه لا كفايه بقي كده
ادهم فاق وقام كفايه كده لازم اعيش حياتي فاهميتن قلبه وعقله
تاني يوم
ادهم صحي خد شاور ولبس وصلي هو ملتزم غير ابوه السكري
ونزل تحت قابل والدته
ادهم صباح الخير وباس راسها
امه صباح النور ياحبيبي اقعد يلا افطر
ادهم انتي عارفه اني مش هطول عشان الشركه اخز كام لقمه صغيره وسلم عليها ومشي
ادهم وصل الشركه
والكل بيهابه وبيخاف منه لانه بقي عصبي ومابيتهاونش مع حد ف حاجه بالاخص اخر 5سنين دول الي فيهم حياته كلها هتشوف بعد كده
ادهم دخل مكتبه كلم سكرتيرته هدي صباح الخير يافندم
ادهم صباح الخير ابعتيلي معتز بسرعه
هدي حاضر يافندم
ادهم دخل مكتبه وقعد وبدا يشوف الاوراق الي قدامه
معتز خبط وادهم اذنله يدخل معتز كان بيدخل من غير مايخبط وده كان بيضايق ادهم اوي بس بعد الي حصله بقي معتز ملتزم بكل حاجه يقولها مش عايز يعصبه
معتز صباح الخير يابوص
ادهم صباح النور اقعد ورانا هم كتير
معتز متخافش انا مظبط كل حاجه كمان 3 ساعات هروح اامناقصه وهترسي علينا متقلقش وراك رجاله
ادهم الله يطمنك المهم خالي بالك من عزمي مختار مش عايزين اي شوشره انت فاهم
معتز متخافش انا عامل حسابه ف حاجه حلوه اوي هتبسطه وتبيطنا معاه
ضحكوا الاتنين
معتز خرج وادهم فضل شغال لحد ماالسكرتيره دخلت عليه
ادهم نعم ف حاجه
هدي ف واحده عايزه تقابل حضرتك بره
ادهم بانتباه واحده مين دي وعايزه ايه
هدي مقالتش يافندم
ادهم دخليها
هدي خرجت والبنت دخلت
ادهم اتفضلي
البنت مروه صباح الخير يافندم
ادهم ببرود افندم
مروه انا كنت جايه عشان اشتغل
ادهم نعم مش انا والله الي بشغل عندك المدير روحيله وبعدين جيتيلي انا ليه
مروه انا روحت لمعتز بيه قالولي خرج واجي لحضرتك
ادهم طب اتفضلي اقعدي وخد cv بتاعها وشافه وافتكر حبيبته وهنا كشر جامد وبصلها اتتي مترجمه
مروه ايوه يافندم
ادهم مين الي قالك ان احنا عايزين مترجمين
مروه الاعلان الي ف الجرنال
ادهم اعلان ايه محدش اعلن عن حاجه وبعدين مش عايزين مترجمين بالذات فرنساوي فاهمه اتفضلي
مروه بدموع اسفه يافندم الظاهر اني غلطت
ومشيت وادهم اتصل بمعتز يجيله وراح معتز
معتز ف ايه يابني مش قايلك اني خارج
ادهم بهدوء شديد انت حطيت اعلان ف الجرنال عن احتياحنا لمترجمين
معتز حك راسه مش فاكر ليه
ادهم بزعيق نعم معتز مش نقصاك انت كمان
معتزلا لا خلاص اه من حوالي شهر كده ليه حد حه
ادهم من غير ماترجعلي انت اتجننت
معتز خلاص ياعم احنا محتاجين صيني وفرنساوي كتير
ادهم بصله بغضب
معتز فهم انه غلط وهيموت النهارده
ادهم قولتلك فرنساوي لا مش عايزين
معتز خلاص والله نسيت متزعلش وقرب منه ليه ياصاحبي مش عايز تنسي
ادهم معتز انا قولتاك ايه قبل كده خلاص خلصنا بعد كده متعملش حاجه من دماغك تاني فاهم
معتز خلاص ياصاحبي فهمت بس روق كده ف سهره النهارده ايه عجب مزز ايه تجنن
ادهم بقرف اتت متخلف يابني انت عارف اني مليش، ف القرف ده صح والا لا
معتز اوبس نسيت خلاص انا هروح اظبط الشغل باي
خرج معتز وادهم غرق ف افكاره وافتكر حبيبته واول مره شافها فيها
ياتري ايه الي حصل لادهم خلاه كده ومين دي الي، حبها كل ده وعذبها برضو كل ده
يتبع........
