💕أنت قلبي٢💕

الحلقة ٧٠

#انت_قلبي٢
#بوسي_مصطفى
_______________
الحلقة ٧٠

في شقة حلمي(والد كريم).
ندى : كفاية بقى يا فريدة الدايت باظ.
وتاخد الطبق من قدام فريدة.
فريدة : هههههههههههه يا بنتي ما يبوظ ولا يتحرق يعني يتحرق دمي طول اليوم من العيال ومااكلش حاجه تروم عضمي وترفع من روحي المعنوية شوية.
ندى : ما هي انتي بعد اسبوع لما تشوفي نفسك في المرايا
روحك المعنوية دي هتبقى في الأرض، غير جوزك اللي ممكن يبص بره بقى.
فريدة : لا يا حبيبتي من ناحية كريم فدا مستحيل.
يبص بره دا ايه؟ !
ندى : هههههههههههه مفيش راجل يضمن يا اختي
الاغراءت بتبقى أقوى منهم اسمعي مني بس.
أنا مقصدش يعني اقلبك على جوزك، بس بلاش الثقة اللي تودي في داهيه دي.
خلي ولو واحد في الميه من احتمال إن عينه يعني تبص بره.
فخدي احتياطاتك بقى.
سميرة خارجه من جوه : مش كريم ابن عمك يا ندى اللي يعمل كده.
ندى : انا بس بنصحها يا طنط
يعني احنا ستات وعارفين الكلام دا كويس ودا علشان تاخد بالها من نفسها وتحافظ على بيتها مقصدش حاجه تانية.
سميرة : عارفه بس كريم ابني مش فاضي يبص جوه علشان يبص بره.
ندى : هههههههههههه
فريدة : بتضحكي على ايه انتي كمان؟!
بقى كده يا طنط تضحكيها علينا بالشكل دا؟!
ندى : هههههههههههه يا بنتي احنا ستر وغطا على بعض، محصلش حاجه يعني.
ههههههههههههه
سميرة : طيب بدل ما انتي مسخسخه على نفسك من الضحك كده اطلعي ألبسي و اعملي شعرك ده وحطي حاجه في وشك جوزك زمانه جاي.
فريدة : هههههههههههه
ندى : ضحكتك اوي؟!
فريدة : علشان بس تلمي لسانك بعيد عني.
ندى : طب هاتي الطبق ده
خلصتي الفسدق كله وانتي عارفه إني مباكلش حاجه من كل دا غير الفسدق.
سميرة : ادخلي هاتي من جوه.
ندى : لا تدخل هي تجيب بقى.. هزي طولك يا فريدة من ساعة ما جيتي وانتي قاعدة.
فريدة : مستكتره عليه اقعد كمان، ما انا طول اليوم
ب اجري ورا العيال.حاضر يا ندى قايمه.
قامت فريدة دخلت جوه.
سميرة : معلش يا ندى افتحي الباب.
ندى : دا صوت جميلة بتعيط.
خرجت فريدة جري : ايه فيه ايه؟!
ندى تفتح باب الشقة : ايه يا محمد مالها جميلة؟
شهد : مساء الخير يا ندى.
ندى : مساء النور يا شهد، مالها جميلة؟
سميرة : ادخلوا الأول بلاش وقفت الباب دي.
محمد : عماله تعيط يا مامي.
فريدة : طيب هاتها.
شهد : بنتك شقيه اوي يا فريدة.
سميرة : معلش كل العيال كده
كريم ابنك كان أشقى منها ولا نسيتي، هاتي جميلة يا فريدة.
فريدة : روحي ل تيته يا جيجي. فين اخوك يا محمد؟
شهد : بيلعب مع الولاد فوق.
سميرة : كلمي كريم يا فريدة وهو جاي يجيبلي الدوا ده.
فريدة : حاضر يا طنط.
سميرة : علاء قالي إنه خلصان و هيجيب معاه وهو جاي واتأخر معرفش ليه؟
وأنا عايزة اخد الدوا علشان اعرف أكل لقمه قبل ما أنام.
شهد : معرفش ايه اللي آخره كده؟!
فريدة : حازم جه يا ندى.
ندى : طيب يا جماعه بعد اذنكم تصبحو على خير.
يرددوا : وانتي من أهل الخير.
ندى بتفتح باب الشقة كان حازم طالع فوق.
ندى : استنى خدي معاك.
يلتفت حازم : انتي هنا يا ندى؟
ندى : ايوه.. خد ب ايدي بقى.
حازم : العضمه كبرت ولا ايه؟
ندى : لا يا حبيبي الكلام دا تقوله لنفسك مش ليه.
فريدة كانت واقفه خلف ندى : هههههههههههه
ندى تلتفت ليها : يا ماما بيطلعوا امتى دول؟!
فريدة : هههههههههههه ازيك يا حزوم؟
حازم : الحمد لله.
شوفتي بنت عمك بتقول ايه؟
ندى : مش انت اللي بدأت الأول؟!
فريدة : خلاص بقى يا نودي اطلعي يا حبيبتي ومتنسيش كلام طنط سميرة ههههههههههههه
ندى : ماشي يا فريدة مسيريك توقعي تحت ايدي بس يكون جوزك موجود.
فريدة : تصبحو على خير.
________________
في شقة هشام...
هشام وأمل وعمار ووفاء قاعدين في غرفة الصالون وداخله ياسمين بالقهوة.
ياسمين : اتفضل يا بابا اتفضل يا عمي.
هشام : تسلم ايدك يا بنتي.
عمار : اقعدي استريحي ياسمين.
ياسمين : حاضر
اتفضلي يا طنط اتفضلي يا ماما.
امل بصوت متعب : اقعدي يا ياسمين.
قعدت ياسمين جنب امل..
امل وهي مدمعه وبتمسد على شعرها : يعني هشام مكلمكيش خالص من وقت ما خرج الصبح؟
ياسمين وهي بتحاول تداري دموعها : لا مكلمنيش.
وفاء : الغايب حجته معاه.
متقلقوش يا جماعه زمانه داخل علينا  دلوقت.
هشام : اخر مرة اتصلت بيه امتي؟
ياسمين : قبل ما تيجوا على طول.
عمار : طيب ما نكلم شادي يمكن اتقابلوا.
امل : ثواني يا هشام أنا هكلمه.
ياسمين بفرحه : هشام جه.
خرجت تجري.. كان هشام فعلاً بيفتح باب الشقة اتفاجيء بيهم كلهم.. وهما عينهم ناحيته.
امل وهي بتبكي : كنت فين يا هشام؟
جريت ياسمين حضنته وهو بيطبطب عليها ومش فاهم كلهم متجمعين عنده في الشقة ليه؟!
عمار : حمدا لله
على سلامتك يا ابني قلقتنا عليك.
وفاء : مش انا قولتلكم هتلاقوا داخل علينا دلوقت.
حمدا لله
على سلامتك يا هشام.
هشام : هو فيه ايه؟!
امل بغضب : مش عارف فيه ايه
تخرج من الصبح ومترجعش البيت وكمان تقفل موبايلك وتقلقنا عليك واخوك ينزل يدور عليك عند صحابك وأنا وباباك نقعد نتصل بكل اصحابك يمكن حد يكون شافك ولا روحت لحد فيهم، لدرجة إننا خلاص كنا نازلين ندور عليك في الأقسام والمستشفيات كل دا وجاي تسأل فيه ايه؟!
هشام : اهدي يا امل وسيبه دلوقت تستريح،المهم إنه رجع بالسلامة، يلا بينا بعد اذنك يا استاذ عمار.
عمار : هننزل مع بعض... هتحتاجي حاجه يا ياسمين؟
ياسمين : لا يا بابا عايزة سلامتك.
عمار يضمها ليه وبهمس : متتكلميش مع جوزك في أي حاجه، سبيه هو لما يستريح هيقولك كل حاجه.
ياسمين : حاضر يا بابا.
وفاء : تصبحي على خير يا ياسمين.
ياسمين : وحضرتك من اهل الخير يا ماما.
امل لهشام ابنها : كلامنا مع بعض هيبقى بعدين لما تنام وتستريح ابقى تعالى علشان في كلام كتير اوي لسه عايزة اقولهولك.
هشام نظر لمامته ومردش.
امل لهشام جوزها : يلا يا هشام.
تنزل امل وهشام تحت كان شادي نازل من العربية جري بعد ما شاف عربية هشام راكنه قدام العمارة.
شادي : هشام جه صح؟
هشام : ايوه اخوك فوق سبيه دلوقت يستريح.
شادي : طب قالكم هو كان فين واتأخر ليه؟
امل : اركب عربيتك خلينا نروح.
شادي نظر لوالده وهو عنده فضول يعرف إجابات عن الأسئلة اللي سألها ليهم لكن مكانش في رد منهم.
شادي ب استسلام : حاضر.