اصنع امل لغيرك (سارونه وصديقاتها )

نصيحة من صديقة

Li Na Li Na شكرا خاص لصديقتي
لمشاركته معانا .

....

في بنات بتتخلى عن كتيير اشياء متل حريتهم اتخاد القراراتهم و بعض الاحيان عن نفسهم كرمال سيطرة الرجل تحت اسم الحب و الغيرة أكيد ما عم قول ان كل شباب هيك لان بعرف رح ينتقدوني كتييير بس عن جد في رجال بيستغلوا حب المرأة كرمال رغباتهم كرمال يفرضو صيطرتهم كرمال هوس الرجولة كتييبر كمان عن جد
هلأ رح اطرح سؤال وجاوب عليه بيني و بين حالي
رح نفترض شب عمره 23 سنة و بنت عمرها 18 مثلا
اول مرحلة التعرف كيف بيتعرفو ممكن يكون عندهم  اصدقاء مشتركين او جيران هيك شيء اول شيء تعارف بعدها صدف حسب ما بيقولو ما فيكن تعرفو بعدها ياخد حسابها على موقع التواصل الاجتماعي و يظلو يحكو و بعدها رقمها و يظلوا للصبح حكي و طق حنك بس بعدها يصير يغازل فيها و يحكيلها ان ما عاد يفدر يعيش بدون ما يسمع صوتها هوب صارو حبيبين بعدها تبلش المرحلة الثانية تحكم لا تلبسي هيك ما تحكي مع هاد كيف بتطلعي بدون ما تقوليلي كيف بتلبسي هيك عطيني كلمة السر للحساباتك على سوشيال ميديا و هيك بعدها المرحلة الثالثة التعود بتصير هي ما فيها تعيش بدونو و يصير بنسبة الها ابو ولادها و حلالها و هو يصير يمل منها لان اكيد طول هالفترة ما مرت هيك اكيد في بوس و احظان و متل ما قلتلكم في بنات بتسلم حالها بعدها خلص بيكون اخد غرضو هون تجي المرحلة الرابعة الملل و تشكيك و الخذلان  الملل بنسبة للشب بيكون خلص مل منها بيقول خلص أخدت غرضي و بس تواجه على عدم الاهتمام بتجي مرحلة التشكيك بيقلها بما انك هيك عملتي معي خلص انت عملتي مع كل الشباب هيك انا ما فيني امنلك و بعدها تجي المرحلة الأخيرة الخذلان الصدمة من ان حب حياتها متل ما تسميه هيك عمل فيها الصدمة ان سلمت حلاها و خذلت اهلها الصدمة ان وثقت بهيك واحد الصدمة ان تخلى عنها حبيبها
بنات الخيانة مش بس خيانة بالعلاقات الثنائية الخيانة فيها تكون خيانة الاهل لان امك و ابوكي تعبوا ربوكي ليش تا تحطي وشهم بالأرض كرمال بني ادم حقير ليش
يا جماعة في بنات بيفوتو بصدمة نفسية بسبب هالشيء بيكره حالهم ما بيطيقو يطلعو على حالهم بالمراية مرات بتوصل لانتحار بنات رجاءا انتبه نحن بزمن لا تثق بأي حدا غير حالك عن جد
و اما بنسبة للتخلي عن احلام فهي الدراسة لان في بنات بتترك دراستها بثانوي تا تجتمع هي و هو لا ليش لحتى تتخلي عن دراستك تا تتزوجيه انت بحياتك سمعتي عن رجل ترك دراسته حتى يتزوج لا لكان ليش انت يلي لازم تضحي
خلين خبركم الزواج يلي بيكون من هالنوع تبع هي عمرها 18 تركت دراسة و تزوجت به ما بيدوم انا بتحداكم اذا طول على سنة
كل هالتضحيات يلي بتقدمها البنات كرمال الرجل غلط بغلط من ناحية الدين و اخلاق و المجتمع انتو بتعرفو نحن بمجتمع لهلأ لساتهم بدهم المرأة تقعد بالبيت و تنظف و تطبخ كيف برأيكم رح يطلعو بالبنت يلي استغلت بس فينا نصلح عن طريق نتمسك بالحياة و نحاول نصلح غلطنا نركز بحياتنا و ننجح نتقدم خطوة نبني مستقبلنا نحاول نرجع ثقة الاهل  و نرجع نوثق بحالنا 
و لاتنسوا الله يمهل و لا يهمل هايدي رسالة لكل بنت انخدعت تحت مسمى الحب و برجع بقول مش كل الرجال متل بعض بس الأغلبية هيك صارو
و كمان في شغلة سمعتها لما كنا ندرس ان البنت يلي ما بتعطيهم وش و ما بتحكي معهم بتتسمى معقدة كتيير ضحكة لان هالكلمة من لما كنت بالإعدادي و انا عم اسمع هالحكي لان اذا صديتهم بيصيرو يشن حرب نفسية عليكي يحاول يهزو ثقتك بحالك بس البنت القوية و يلي قبل ما تخاف منهم تخاف من الله و تتذكر اهلها و الثقة يلي عاطينها الها
حبيباتي الحب مش حرام بس يلي حرام و غلط توقعي و تسلمي حالك لشخص الغلط حافظي على حالك و على روحك لشخص يلي بيستاهلها و يلي هو زوجك و تذكري يلي بيحبك عن جد هو يلي بيحافظ عليكي لحتى تكوني امرأته 👍👍👍

تحياتي لكم اصدقائي

❤Saronah sweet