السلام عليكم ورحمة الله وبركاته 💐
صلوا على سيدنا محمد شفيع الأمة 🌴
- *" إبتسمي دائماً- smile sense"*🍃😊-
*" بيني الابتسامة الجميلة..😘
إضحكي ي أم ضحكة زي العسل"*💙☺️
كان بعض الاصدقاء يجلسون معا ويتحدثون
في امور عديده.... لكن سلوي احست بوحده
وانها ليست سعيده بينهم...فأخذت هدي صديقتها المقربه لتتحدث معها بعيدا عن الموجودين...🍁
لتجد لها الحل في هذه المشكله.🍁
سلوي : انا حاسه بوحده فظيعه ياهدي ومش عارفه اعمل اي ...مع اني قاعده معاكم بس مش مبسوطه وحاسه اني وحيده اوي .
هدي : ده زهق وملل مش وحده يا حبيبتي
سلوي: ازاي زهق يعني !!
لا انا قاعدة مع صحابي وكل اللي بحبهم ومبزهقش طلام انا قاعدة معاكم ودي اول مره !!
هدي : دي مش وحده يا سلوي ... ده زهق او ملل من حياتك والروتين بتاع حياتك اليومى.. زهقتي من انك ماسكه الفون طول النهار ومش بتسيبيخ او من انك ترغى مع صحابك او الناس اللى قاعده معاهم او طريقة التعامل مابينك ومابينهم...او انك عاوزه تجددي وتعرفي صحاب جديده ..كده يعني
سلوي : ممكن .
هدي : بصي بدل الملل ده...إقرإي روايات او حملي العاب او اتعرفي علي صحاب جديده .
سلوي :مش بحب الروايات اوي..خلاص هتعرف علي اصحاب جديده... هبعت لكذا بنت طلب صداقة علي الفيس..عشان نتصاحب .
هدي : متبعتيش لاي حد عشان ساعات بيكونوا شباب
وعاملينه بإسم بنات... ابعتي للي انتي عارفاهم من بلدك بس .
سلوي :خلاص عرفيني علي اصحابك انتي .
هدي : اشطاات يلا بينا نرجع نقعد مع الشله .
وعندما ذهبوا الي اصدقائهم وجدوهم ذهبوا
ماعدا ريتال ورنا... حيث كانت ريتال تشكي الي رنا.
ريتال: انك تكوني حاسه من جواكي انك وحيده اوي
صحابك حواليكي بس مش حاسه انهم فاهمينك الشعوره ده بيحسسني بالوحده اوي
سلوي : نفس اللي كنت بقوله لهدي حالا... بس هي قالتلي ده من نفس الروتين فانتي بتحسي بالزهق والملل .
ريتال ببكاء : يمكن ده بالنسبة لحالتك انما انا لا مش حكاية روتين... بس صحابي القريبين مني سابوني وراحوا لغيري .
سلوي : طيب ماتعملي صحاب تانيين .
ريتال ببكاء اكتر : مش بالساهل كده اللي انتي حبيتيهم واتعودتي عليهم وبتحكيلهم كل اسرارك وتقدري تكوني طبيعيه معاهم وتقوليلهم كل اللي يحصل معاكي في يومك ويكونو اقرب ناس ليكي..حقيقي مش شرط يكونوا كتير... ممكن
واحده بس تغنيكي عن الباقي... تقوليلي بسهوله
كده اعملي غيرهم.😥😢😢
أنت تقرأ
بسمة أمل( إسكريبتس)
Diversosعيش حياتك باسلوبك وبطريقتك..🌷🌷 متهتمش بكلام الناس... خليك واثق من نفسك انت جبل لوحدك انت جواك حاجات كتير حلوه💋💋 متتهزش ولا تخاف من حد الا للي خلقك 💝💝 افرح من قلبك ومتسيبش الزعل يسيطر عليك 😍خليك مع ربنا هتنول السعاده وهتكسب الدنيا والآخرة💖💖
