خرب الجن العاشق جسدي ! ( كرونيك باللهجة الجزائرية )

جزء الاول

1أمينة أجمل طفلة في الحي تاعها تحب تلبس الحطة كل شيء فيها توب عينيها كبار جايين نوزات شفارها طوال فوق حاجبها اما شعرها مكاش وحدة تلحڨها فيه جاي كحل وطويل كل يوم بمشطة تحب تمشي لعند كوافير تخدم شعرها وتعمل منيكير لضوافرها تحب كل شيء ماركا مام في الآمي تاوعها ابليڨاتوار يكونو كالكا كما هي من صغرها مدلعينها والديها وعاطيلها الحرية التامة فكل شيء ...هي مغرورة بنفسها لدرجة متتصورش محال تخرج إلا إذا فوتت اكثر من ساعتين عند المرايا من كثرة انها مهووسة بنفسها هي وراقدة الفطنة الي تجيبها تجري للمرايا تعدل روحها وامبعد ترجع ترقد شوي وشوي بدات تتغير للأسوء ولات تعتزل والدين وتقعد غير مع المرايا تشوف فروحها لحتى ولات تحكي معاها وتقولها انا زينة انا مكانش الي كيفي ولا توصلني فزيني وألف واحد يتمنالي ويحبلو اذا نقيمو انا الجن والانس مخليتيش فيهم كل يوم هكذا تحكي ونفس لكلام تقولو ...كل مترقد امينة تحس بشيء واحد يلمس فيها على شعرها وكل متفطن متصيب والو وتكررت معاها شحال من مرة مي مخبرتش والديها كل لهذا اليوم وهي في الدوش تتدوش كانت عريانة تحس واحد يلمس فيها فكل مكان كأنو واحد يضم فيها لكن مخلعتش ولا عيطت استراحت كأنها سكرانة كانت ...كملت دوشها ونشفت وخرجت في سرفيت تع الدوش حطت حوايجها فوق سريرها ونحات السرفيتة لبست ملابس داخلية وقعدت تشوف فروحها في المريا وتقول جايين عليا تووووب الي يشوفني فيهم يضبع عندي لطاي وصدر تتمناهم اي طلفة سعد الي يديني رح منخليش فيه...حست واحد وراها يتلض ليها بقوة تلفتت مصابت والو وهي تقول شكون هنا مي مكان والو رجعت كملت لبيس حوايجها بيستي وشورت وتكات على سريرها حتى تصيب واحد فوقها مي ينحيلها فحوايجها ويبوس فيها على رقبتها وهي عاجبها الحال كانت تقول زيدني الغريب انها معيطتش ولا خلعت كانت كأنها مع راجلها وهي فذيك الحالة حتى للصباح معرفتش كفاه رقدت راحت تجري للمرايا صابت رقبتها ممصوصة خلعت اذا تشوفها يماها ومخمتش فلي دارلها هكذا غسلت وجها حطت بوماد على رقبتها باه تغطي ذوك ليطراس بدلت حوايجها وهبطت سلمت ماماها وباباها فطرت معاه شوي هكذا لمت المائدة ولبست صباطها وخرجت تحوس هي وفي طريقها شافت وحد الراجل زلة آية في الجمال قعدت غي تشوف فيه وترمشلو بشفارها وهو جاي ليها وقالها البارح تمتعتي معايا في لفراش شافت فيه مليح مليح خلعت وفرحت قالها متخافيش انا نحبك وعلى بالي تحبيني قالها أنا نروح ضروك ونشوفك في الليل وباسها على خدها لحتى جا وحد الراجل قالها ش بيك بنتي تحكي وحدك راكي مليحة ؟!قتلو نحكي مع هذا تلفت مصابت والو قاتلو والله كنت نحكي مع واحد ومنعرف كفاش راح...؛ قالها من قبيل وانا نشوف فيك ومكان معاك حتى واحد يا بنتي راكي تعبانة ولا عندك شيء مشكل سببلك صدمة اذا تسمعي مني روحي لداركم وريحيلك واذا تحبي شوفي كاش طبيب قاطعاتو في كلامو وقاتلو مرانيش مهبولة حتى تلمحلي اني نروح لطبيب نفسي وراحت وخلاتو ....قعدت تمشي وهي تاكل في ضوافرها وتقول وش بيا انا مرانيش مليحة ويوم يامس وشنو الي صرا كفاش واحد يلمسني وانا مشفتوش حتى فوجهو كفاش ظنيت فلحظة أنو منير ولد خالتي هو الي دخل عليا وتعاطيت معاه فلي دارهو فيا وهذا وشكون الي جاني وقالي يوم البارح كنت معاك يا ربي مراني فاهمة والولازم نخبر ماما اواه لالا رح تقولي راكي ديري فكاش مخدرات ولا تقولي راكي هبلتي نو لازم منخبر حتى واحد وإلا الكل رح يسخر منيرجعت للدار قعدت في شومبرا تاعها شوي هاك وتحس واحد معاها ويهمسلها أمونتي ترجت وقعدت تقول هذا انت منير هذا انت اخرج على بالي تخلع فيا مي والله منخاف منك..حتى تدخل يماها عليها قاتلها ش بيك تحكي وحدك قاتلها نو ماما كنت نحكي في بوغطابل برك...قاتلها وينا بوغطابل ياك هاهو ليك عندي خليتيه فوق الكوموند حمارت امينة وتصدمت كفاش تفهم يماها على واش صاري معاها مي قاتلها راني نتحضر لمسرحية عندنا في الجامعة مكان والو ماما ش بيك تقلقتي حسبتيني هبلت وقيلا ضحكت وباستها على خدها ...قاتلها ماماها والله تخضيت عليك صح متزيديش تخلعيني عمري ...قاتلها داكور ماماخرجت ماماها من الغرفة وقعدت امينة تفتش منا ومن مي مكان حتى واحد قعدت تخمم وشكون الي تقولو ويتفهمها ويوقف معاها مي فضربة الصح كامل بح هي وفي ذيك الحالة حست بيد فوق كتفها تجبد فيها ليها شهقت امينة من ذيك الخضة وتصمرت في بلاصها وذاك الصوت يجي فوذنها نحبك امينة اليوم موعدنا من هول الصدمة تغاشات وكي فطنت نسات كل واش صرا معاها او بالأحرى ظنت انها تحلمبعد شوي جا خبر وفاة عمت امها وهكذا كان لازم عليها تروح مع اهلها لعمت امها هكذا يعزوهم واكيد يروحو يدفنوها راحت امينة كان جو كئيب بزاف والعياط كما تعرفو على الجنازات جا وقت الدفينة وامينة تحمست أمينة باه تروح معاهم للمقبرة لانها عندها اخ اكبر2*عندها اخ اكبر منها مدفون ثم وعلى هذا طلبت من امها انها تسمحلها تروح واكيد وافقت راحت في طونوبيل باباهاوصلو للمقبرة وهبطو يحفرو في قبر لعمة امها صونا تلفون امينة وكان صديقها مراد بعدت امينة شوي على الغاشي هكذا باه تريبوندي قعدت تهدر وهي شايقة وتمشي حتى صابت روحها بعدت بزاف عليهم جات راجعة ليهم حتى صابت روحها تعفس على قبور مكانتش فايقة بيها قعدت تبعد عليهم وهي ترجف حتى طاحت امينة فوحد القبر قعدت تبكي وتعيط شافت خيال كما حلت ضوء تلفون تاعها وهي تترعد قعدت تقول شكون هنا شكون هنا كما تتلفت صيب نفس الراجل هذاك الزلة الي شافتو قالها هذا انا مد يدو ليها وقالها نحبك امينة انا هو الي كنت دائما تتمني يحبك واحد يكون بمستوى جمالك كما كنت دائما تحكي في المرايا تصدمت وقعدت تتلهوث في الكلامشوي هاك وتسمع فأصوات تقول امينة وينك وينك حتى تاكدت انو صوت والديها عيطت امينة بابا راني هنا حتى سمعوها وهما يخرجو فيها كان ذاك الراجل يهز فيها كن تحت مي هم مكانوش يشوفو فيه غير هي خرجوها وكانت ترجف قالوها واش جابك هنا وكفاه طحتي قاتلهم كنت غي نمشي ومفقتش طحت هناراحو وكما وصلو لبيت عمت امها شافت ما بين الرجال نفس الراجل الي كان معاها خلعت وقعدت تتدرق بذاك الجهد مي كانت تشوف فيه في كل بلاص حتى ولا يتهيألها مرو يومين منلي مشافتوش حست بفراغ كبير كأنها توحشاتو ولات تروح للمرايا وتقول نحوس على واحد يكون زين كما انا ولا اكثر مي مطلعلهاش كل فاتت سمانة وهي راقدة صابت روحها عريانة وكما تلفتت صابتو معاها خلعت ونفس الوقت فرحت لأنو معاها بعد غياب شافت فيه وامبعد حطت يدها على وجهو اذا فعلا حقيقي وفعلا لمستو صح فطن واحكى معاها قالها توحشتيني امينة ؟!قاتلو وي توحشتك مي حابة نعرف اذا انت انسان ولا جن قالها انا جن امينة لكن مكانش انس يحبك كما اناقاتلو كفاش حتى تحولت لانسان قالها نقدرو نتمثلو فأي صفة وانا جن عاشق وميقدر يشوفني حتى واحد غيرك الا بإرادتي طلع النهار وهي تحكي معاه حتى تسمع فأمها طالعة للشمبرا تاعها خلعت وامبعد تفكرت بلي واحد ميقدر يشوفو غيرها هي مرة اكثر من عامين وامينة في علاقة حب مع من ؟! مع جن عاشق حتى قروا اهل امينة انهم يزوجوها وهذا سببلها حزن كبير قالت لوالديها مرانيش حابة نتزوج كل حتى وصلت بيها انها تاذي نفسها وكان هذا شيء غريب لأهلها كفاش ترفض تتزوج واحد كالكا طلعت للشمبرا تاعها وهي فحالة هستيريا حتى يظهرلها هذاك الجني وقالها متخافيش امينة انا الي جاي نخطبك من اهلك فرحت امينة بزاف وضمتو ليها قاتلو خفت لنتزوج واحد غيرك دارت امينة العرس مع هذاك الجن وطبعا والديها مراهومش عارفين هذافاتت اشهر والديها يستنو في حملها مي مكان والو وصل عام كامل حتى طلبت منها امها تروح معاها للطبيبة تعرف العلة الي فيها راحت امينة مع امها قلبتها الطبيبة وقالتلها بمعندك والو مدام راكي لباس عليك قاتلها امينة عندي حكة من تحت ويا ريتها محكات شافتها من تحت وثم طبيبة تصدمت لقاتها مزالت عذراء سقساتها شحال عندك متزوجة قاتلها يماتها عام وشهر قاتلها بنتك مراهيش ممسوسة كل مزالها صغيرة شافت فبنتها وقاتلها كفاش بنتي هذا خلعت امينة وتبدل لونها قاتلها ماما انا راني متزوجة جن ضحكت طبيبة اما يماها قاتلها بنتي راكي مليحة ياك مراهوش يعذب فيك ؟!قاتلها يا ماما راني متزوجة جني والله ...طبيبة غي تضحك وقاتلها ندبر عليك اديها للمصح ولا نقولك روحي بلغي على راجلها راه يعطيها فشي مخدر...خرجو من العيادة وزادت امينة قالت لماماها يا ماما راني متزوجة جني والله مراني نكذب وهو جن عاشق سبعت من كلام بنتها هزتها ديراكت لعند راقي بلما خبرتها وين دايتها دخلو للراقي وامينة تقول ليماتها شكون هذا واش رانا نديرو هنا قاتلها هذا راقي خلعت وقاتلها يا ماما مرانيش حابة نرقي والله نحبو منيش حابة نخسرو وقعدت تعيط وتبكي وجات تجري للباب باه تخرج مي غلق الراقي الباب عليها