.... رواية لبوة ثائر
....بــقلمي M_A_M
البارت الثاني
🌿🌿🌿🌿🌿🌿🌿🌿🌿🌿🌿🌿🌿🌿🌿
فَاتح عيوني إعله الصور و مخلّي عَيني بـِ عينك
و ألگاك تِضحك مِبتسم و أبچي و أگلك وَينك
وك خايب بـِ ذني الصِور چنّه أحنه المَضحكينَك
🌿ريحانه🌿
ريحانه ـ ولك يمه هسه ليش مكاعد تفهمني جاي اكلك ربع ساعه و نرجع
غيث ـ كتلج لا
ريحانه ـ غيث
غيث ـ كليلي وين مكانها هسه اروح و اجيبها بس مال اطلعين هاي لا
ام عمار ـ بيبي غيث اخذني اني اجيبها و اجي ولك اخاف يصير عدها شيء وهيا مجايبه شيء ويها يا بعد بيبيتك فدوة رحت لطولك
غيث ـ كلت لا بعدين هيه جنطه كليلي وينها هسه اجيبها و اجي
ريحانه ـ ولك اني شنو مخلفه جنك خالك ثائر فلا يفيد حجي وياك يالعنودي
غيث ـ هسه يله عرفتي ميفيد حجي ويايه الحمدالله
ريحانه ـ شلون هسه وياك
غيث ـ اني يالي عندي كتلج علي
صحت على بنت اخويه ـ هبة الله
اشوية و اجت البنيه كالتلي ـ ها عمه تردين شيء
ريحانه ـ تاخذها وياك
غيث ـ يمه
ريحانه ـ بله يمه و بله بطيخ تعاي عمه روحي وياه هذا وجيبيلي اغراضي من بيتنا
هبة الله ـ بس عمه و الله بابا ميقبل اطلع بليل
ريحانه ـ انه احجي وياه بس تعالي اكلج
اجتي كعدت يمي حجيتلها شنو اريد و مكان جنطه مجهزه ملابس البنيه بيها كالتلي ـ ان شاءالله عمه
راحت لبست عبايتها و اجت كاللها غيث ـ مشينه يله من هسه عيونج ماترفعيهم من الكاع
ريحانه ـ شوية ويه البنيه لا والله اكوم انه و اشوف ياهوه يالي يكعدني
غيث ـ لخاطر ربج اكعدي انتي يله هبة الله
اخذتها لبيتنا انتظرتها بالحديقة هيه دخلت و جابت الجنطه و قفلت باب اجت يمي و كالت ـ يله غيث خلنرجع هسه يجي بابا
غيث ـ لا تخافين اني وياج
هبةالله ـ مخايفه بس انت تدري بابا شلونه
غيث ـ من اخلص سادس راح اخطبج حجيت لابوية وكال من تخلص ان شاءالله
هيه خجلت و نزلت راسها كتلها ـ انتي اليه وبس
هبة الله ـ ان شاءالله
غيث ـ يله امشي نطلع
هبة الله بت خالي و عمتي بنفس وقت احبها من جنه اصغار و حبها مثل طفل جاي اربي جواي محد جان يدري بيها غير ابويه و كلي من تخلص سادس اخطبها الك كلش جنت فرحان لانو اريد اخلصها من ابوها هو صح يحبها وهي بتهم الوحيده بس من ورا سالفة خالتي صار يشك باصغر شغله وهيه رايحه بيها وهيه اسم على مسمى هبةالله......
وصلتها للبيت دخلت هيه عد امي و اني اخذت كتابي و طلعت اقراء بالحديقه طلعت خالتي اشواق و اجتي عندي كالت ـ يا بعد روحي يابن الغالي ليش كاعد هنا
كتلها بعصبيه ـ خاله جاي تشوفين لازم الكتاب يعني شنو اسوي مثلنا
اشواق ـ يمه تخبل هو اني صوجي سالتك
غيث ـ اسف خاله مجان قصدي
اشواق ـ دكوم دكوم اكعد اقراء بغرفتي احسن هنا تتمرض يابعد بيتي
غيث ـ مرتاح هنا خاله روحي دخلي انتي لا يطلعون الزلم من الديون
اشواق ـ بكيفك بعد
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
