Ito'y simpleng tula lamang
Para sa aking mga kaibigan
Nakilala tatlong buwan na nakakaraan
Sana'y inyo ito'ng magustuhan
Magsimula tayo sa umpisa
Kung saan hindi pa kayo kilala
Tamang tweet lang ng nadarama
Para mailabas ang problema
Hanggang sa may makita
Kaibigang di inaakala
Tamang concern lang ba
Sa sakit na kanyang iniinda
Pag-aalinlangan nung umpisa
Sapagkat buhay ko'y pribado pa
Gayunpaman ito'y aking sinubukan
Kahit pa walang kasiguraduhan
Nagpakilala at nagkakilanlan
Kahit pa hindi ito nakasanayan
Magkaroon ng grupong kinabibilangan
Sa buhay kong makabuluhan
Hindi nagtagal nagkaroon ng mga aktibidad
Para masukat ang mga abilidad
Halo-halong mga kakayahan
Ang ipinapakita sa bawat araw na nagdaraan
Sabi nga hindi maiiwasan
Pagsubok sa ating pagkakaibigan
May darating at may lilisan
Gayunpaman wala sanang iwanan
Tatlong buwan na ating pagkakaibigan
Mga alaala'y kaysarap pa ring balikan
Kahit pa may hindi pagkaka unawaan
Laging tandaan nandito lang palagi sa'yong likuran
