💕أنت قلبي٢💕

الحلقة ٧١

#انت_قلبي٢
#بوسي_مصطفى
______________
الحلقة ٧١

في الكافيه...
كريم : اظن عيب قوي لما تقول ملقتش راجل في البيت تكمله!
و لا عمي وحازم وعلاء مشوفتهمش؟!
مصطفى : انت فهمتني غلط يا دكتور أنا أقصد لما روحت الشقة هناك ملقتش حد.
كريم : أنا ايه علاقتي بكل دا
حاجتك اللي في الشقة ممكن تكلم حد من الولاد وهما يجهزوا الحاجه بتاعتك أو تروح تجيبهم بنفسه وهما في الشقة.
مصطفى : للأسف يا دكتور حاجتي اللي في الشقة لما روحت اجيبها ملقتهاش.
كريم : يبقى نسيت إنك اخدتهم.
مصطفى : ازاي يعني نسيت يا دكتور؟
كريم : يعني انت عايز مني ايه؟!
مصطفى : خلاص يا دكتور مش مهم الحاجه اللي في الشقة أنا مسامح فيها.
كريم : نعم!
مصطفى : هو انت ليه يا دكتور قافل من ناحيتي
بصراحه انا بتمنى ارجع اشتغل في المستشفى من تاني
حضرتك استاذي وانا اتعلمت منك كتير
و إن كان على الموقف اللي حصل يعني فشباب كتير بيوقعوا في نفس الغلط دا ولا حضرتك مكونتش شباب زينا يعني.
نظر ليه كريم من غير ما يتكلم.
مصطفى : أنا آسف طبعاً حضرتك اكيد لسه شباب يعني بس اللي اقصده إن الشباب بتبقى دماغها يعني شوية مركزة
في الحاجات دي بس بعد كده ما عقلنا يكبر شوية بنفهم الصح من الغلط.
كريم : الغلط ملوش سن معين يا دكتور.
وكنت اه شاب زي حضرتك لكن انت تعرف طبيعة شغلنا كويس اوي.
و بالذات التخصص بتاعنا والطبيب مهما وصلت درجة علمه
ومهارته في مهنته هتفضل الأخلاق اهم شيء.
لإن أكيد مفيش راجل هيستأمنك
على حد من اهله لو كانت أخلاقك مش و لابد حتى لو كنت أنجح واشطر دكتور في مصر كلها ولا حتى في العالم كله.
انا مقصدش اجرحك بس بفهمك خطورة اللي بتتكلم فيه ده
لإني شايفك واخد الأمور بسطحيه اوي
وكأنها حاجه عادية وطيش شباب و كده.
أنا ميهمنيش حياتك الشخصيه
لكن انا مسئول مسئولية كاملة عن المستشفى وكل الحالات اللي عندي لو واحدة فيهم تعرضت ل شيء أنا مش هسامح نفسي.
لكن إني  حد يشتغل في المستشفى وأنا عارف ان كان له موقف يعني مش لطيف أنا بحاول اختار كلامي لإني زي ما قولتلك مش هدفي خالص إني اجرحك ولا يهمني انت عايش ازاي دلوقت
أو توبت ولا لأ بس مش هسامح نفسي لو الموقف دا اتكرر عندي في المستشفى يا دكتور
بطلت بقى مبطلتش دي مش شغلتي..
مصطفى : يعني حضرتك شايف
إن الغلط دا مفروض اتعاقب عليه العمر كله؟!
كريم : لا طبعاً بس التوبه دي هتبقى ليك انت لإنك محتاجها
ومحدش خالي من الذنوب علشان تبقى عارف.
بس الستر دا مهم جداً علشان كده متتمداش في الغلط
حاول ترجع لنفسك يا دكتور علشانها هي الأول وبعد كده تبص لمستقبلك غلطة الدكتور بيدفع تمنها العمر كله لو اتفضح أمره.
أنا بتمنالك مستقبل كويس انت شاطر وناجح في شغلك متضيعش مجهودك.
مصطفى : مش عارف ليه مش متقبل منك النصيحه، يمكن علشان مش عايزك تبقى احسن مني.
كريم : و انا عايزك تبقى افضل مني لإني لحد دلوقت موصلتش للي انا عايزة ومش شايف نفسي أفضل من حد.
مصطفى : فاكر دكتور شاكر؟
كريم : لو تقصد اللي في جه في دماغي يبقى اه فاكره و جاني من قريب المستشفى.
مصطفى : طب مش فاكر السبب اللي خلاك تقدم استقالتك من المستشفى؟
كريم : عايز توصل ل ايه يا دكتور مصطفى؟
مصطفى : يعني مفيش حد احسن من حد يا دكتور واديك بعدها سافرت ونجحت هناك ولا علشان محدش كان يعرفك؟
كريم : الموقف مختلف تماما بس اوك طالما انت عايز تصدق فأنت حر ولو اني اشك إنك مصدق اللي بتقوله دا.
بعد اذنك علشان راجع من المستشفى تعبان ومفروض دا وقت راحتي.
مصطفى : آسف اني ضيعت وقت حضرتك السمين أنا مبتريقش على فكرة.
كريم : تمام.. سلام عليكم.
طلب الشيك ودفع الحساب وخرج وترك مصطفى قاعد لوحده.
______________